8. ධම්මදෙවපුත්ත චරියං
213. පුනාපරං යදා හොමි මහෙසක්ඛො මහිද්ධිකො
ධම්මො නාම මහායක්ඛො සබ්බලොකානුකම්පකො.
ධම්මො නාම මහායක්ඛො සබ්බලොකානුකම්පකො.
214. දස කුසලකම්මපථෙ සමාදපෙන්තො මහාජනං
චරාමි ගාමනිගමං සමිත්තො සපරිජ්ජනො.
චරාමි ගාමනිගමං සමිත්තො සපරිජ්ජනො.
215. පාපො කදරියො යක්ඛො දීපෙන්තො දස පාපකෙ
සොපෙත්ථ මහියා චරති සමිත්තො සපරිජ්ජනො.
සොපෙත්ථ මහියා චරති සමිත්තො සපරිජ්ජනො.
216. ධම්මවාදී අධම්මො ච උභො පච්චනිකා මයං
ධුරෙ ධුරං ඝට්ටයන්තා සමිම්හා පටිපථෙ උභො.
ධුරෙ ධුරං ඝට්ටයන්තා සමිම්හා පටිපථෙ උභො.
217. කලහො වත්තතී භෙස්මා කල්යාණපාපකස්ස ච
මග්ගා ඔක්කමනත්ථාය මහායුද්ධො උපට්ඨිතො.
මග්ගා ඔක්කමනත්ථාය මහායුද්ධො උපට්ඨිතො.
218. යදිහං තස්ස පකුප්පෙය්යං යදි භින්දෙ තපොගුණං
සහ පරිජනං තස්ස රජභූතං කරෙය්යහං.
සහ පරිජනං තස්ස රජභූතං කරෙය්යහං.
219. අපිචා’හං සීලරක්ඛාය නිබ්බාපෙත්වාන මානසං
සහ ජනෙනොක්කමිත්වා පථං පාපස්ස ‘දාසහං.
සහ ජනෙනොක්කමිත්වා පථං පාපස්ස ‘දාසහං.
220. සහ පථතො ඔක්කන්තෙ කත්වා චිත්තස්ස නිබ්බුතිං
විවරං අදාසි පඨවී පාපයක්ඛස්ස තාවදෙති.
විවරං අදාසි පඨවී පාපයක්ඛස්ස තාවදෙති.
ධම්මදෙවපුත්ත චරියං අට්ඨමං.
9. අලීනසත්ත චරියං
221. පඤ්චාලරට්ඨෙ නගරවරෙ කම්පිල්ලායං පුරුත්තමෙ
රාජා ජයද්දිසො නාම සීලගුණමුපාගතො.
රාජා ජයද්දිසො නාම සීලගුණමුපාගතො.
222. තස්ස රඤ්ඤො අහං පුත්තො සුතධම්මො සුසීලවා
අලීනසත්තො ගුණවා අනුරත්තපරිජනො සදා.
අලීනසත්තො ගුණවා අනුරත්තපරිජනො සදා.
223. පිතා මෙ මිගවං ගන්ත්වා පොරිසාදං උපාගමි
සො මෙ පිතුමග්ගහෙසි භක්ඛොසි මම මා චලි.
සො මෙ පිතුමග්ගහෙසි භක්ඛොසි මම මා චලි.
224. තස්ස තං වචනං සුත්වා භීතො තසිතවෙධිතො
ඌරුක්ඛම්භො අහූ තස්ස දිස්වාන පොරිසාදකං.
ඌරුක්ඛම්භො අහූ තස්ස දිස්වාන පොරිසාදකං.
225. මිගවං ගහෙත්වා මුඤ්චස්සු කත්වා ආගමනං පුන
බ්රාහ්මණස්ස ධනං දත්වා පිතා ආමන්තයී මමං.
බ්රාහ්මණස්ස ධනං දත්වා පිතා ආමන්තයී මමං.
226. රජ්ජං පුත්ත, පටිපජ්ජ මා පමජ්ජී පුරං ඉදං
කතං මෙ පොරිසාදෙන මම ආගමනං පුන.
කතං මෙ පොරිසාදෙන මම ආගමනං පුන.