23. සරණගමනියත්ථෙරාපදානං
920. නගරෙ චන්දවතියා මාතුපට්ඨායකො අහුං,
අන්ධා මාතා පිතා මය්හං තෙ පොසෙමි අහං තදා.
අන්ධා මාතා පිතා මය්හං තෙ පොසෙමි අහං තදා.
921. රහොගතො නිසීදිත්වා එවං චින්තෙස’හං තදා,
පොසෙන්තො මාතාපිතරෙ පබ්බජ්ජං න ලභාම’හං
පොසෙන්තො මාතාපිතරෙ පබ්බජ්ජං න ලභාම’හං
922. තමන්ධකාරපිහිතා තිවිධග්ගීහි ඩය්හරෙ,
එතාදිසෙ භයෙ ජාතෙ නත්ථි කොචි විනායකො.
එතාදිසෙ භයෙ ජාතෙ නත්ථි කොචි විනායකො.
923. බුද්ධො ලොකෙ සමුප්පන්නො දිප්පති ජිනසාසනං,
සක්කා උද්ධරිතුං අත්තා පුඤ්ඤකම්මෙන ජන්තුනා.
සක්කා උද්ධරිතුං අත්තා පුඤ්ඤකම්මෙන ජන්තුනා.
924. උග්ගය්හ තීණි සරණෙ පරිපුණ්ණානි ගොපයිං,
තෙන කම්මෙන සුකතෙන පටිමොක්ඛාමි දුග්ගතිං.
තෙන කම්මෙන සුකතෙන පටිමොක්ඛාමි දුග්ගතිං.
925. නිසභො නාම සමණො බුද්ධස්ස අග්ගසාවකො,
තමහං උපගන්ත්වාන සරණාගමනං ගහිං.
තමහං උපගන්ත්වාන සරණාගමනං ගහිං.
926. වස්සසතසහස්සානි ආයු විජ්ජති තාවදෙ,
තාවතා සරණාගමනං පරිපුණ්ණං අගොපයිං.
තාවතා සරණාගමනං පරිපුණ්ණං අගොපයිං.
927. චරිමෙ වත්තමානම්හි සරණං තං අනුස්සරිං,
තෙන කම්මෙන සුකතෙන තාවතිංසං අගච්ඡ’හං.
තෙන කම්මෙන සුකතෙන තාවතිංසං අගච්ඡ’හං.
928. දෙවලොකගතො සන්තො පුඤ්ඤකම්මසමාහිතො,
යං දෙසං උපගච්ඡාමි අට්ඨ හෙතූ ලභාමහං.
යං දෙසං උපගච්ඡාමි අට්ඨ හෙතූ ලභාමහං.
929. දිසාසු පූජිතො හොමි තික්ඛපඤ්ඤො භවාම’හං,
සබ්බෙ දෙවා’නුවත්තන්ති අමිතභොගං ලභාම’හං.
සබ්බෙ දෙවා’නුවත්තන්ති අමිතභොගං ලභාම’හං.
930. සුවණ්ණවණ්ණො සබ්බත්ථ පටිකන්තො භවාම’හං,
මිත්තානං අචලො හොමි යසො අච්චුග්ගතො මම.
මිත්තානං අචලො හොමි යසො අච්චුග්ගතො මම.
931. අසීතික්ඛත්තුං දෙවින්දො දෙවරජ්ජමකාරයිං,
දිබ්බං සුඛං අනුභවිං අච්ඡරාහි පුරක්ඛතො.
දිබ්බං සුඛං අනුභවිං අච්ඡරාහි පුරක්ඛතො.
932. පඤ්චසත්තතික්ඛත්තුඤ්ච චක්කවත්තී අහොස’හං,
පදෙසරජ්ජං විපුලං ගණනාතො අසඞ්ඛියං.
පදෙසරජ්ජං විපුලං ගණනාතො අසඞ්ඛියං.
933. පච්ඡිමභවෙ සම්පත්තෙ පුඤ්ඤකම්මසමාහිතො,
පුරෙ සාවත්ථියං ජාතො මහාසාලෙ සු අඩ්ඪකෙ
පුරෙ සාවත්ථියං ජාතො මහාසාලෙ සු අඩ්ඪකෙ
934. නගරා නික්ඛමිත්වාන දාරකෙහි පුරක්ඛතො,
හාසඛිඩ්ඪාසමංගීහං සඞ්ඝාරාමං උපාගමි.
හාසඛිඩ්ඪාසමංගීහං සඞ්ඝාරාමං උපාගමි.
935. තත්ථ’ද්දසාසිං සමණං විප්පමුත්තං නිරූපධිං,
සො මෙ ධම්මමදෙසෙසි සරණඤ්ච අදාසි මෙ.
සො මෙ ධම්මමදෙසෙසි සරණඤ්ච අදාසි මෙ.
936. සො’හං සුත්වාන සරණං සරණං මෙ අනුස්සරිං,
එකාසනෙ නිසීදිත්වා අරහත්තමපාපුණිං.
එකාසනෙ නිසීදිත්වා අරහත්තමපාපුණිං.
937. ජාතියා සත්තවස්සෙන අරහත්තං අපාපුණිං,
උපසම්පාදෙසි සම්බුද්ධො ගුණමඤ්ඤාය චක්ඛුමා.
උපසම්පාදෙසි සම්බුද්ධො ගුණමඤ්ඤාය චක්ඛුමා.
938. අපරිමෙය්යෙ ඉතො කප්පෙ සරණානි අගච්ඡි’හං,
තතො මෙ සුකතං කම්මං ඵලං දස්සෙසි මෙ ඉධ.
තතො මෙ සුකතං කම්මං ඵලං දස්සෙසි මෙ ඉධ.
939. සුගොපිතං මෙ සරණං මානසං සුප්පණිහිතං,
අනුභොත්වා යසං සබ්බං පතෙතාම්භි අචලං පදං.
අනුභොත්වා යසං සබ්බං පතෙතාම්භි අචලං පදං.
940. යෙසං සොතාවධානත්ථි සුණාථ මම භාසතො,
අහං වො කථයිස්සාමි සාමං දිට්ඨං පදං මම.
අහං වො කථයිස්සාමි සාමං දිට්ඨං පදං මම.
941. “බුද්ධො ලොකෙ සමුප්පන්නො වත්තතෙ ජිනසාසනං,
අමතා වාදිතා භෙරී සොකසල්ලවිනොදනා.
අමතා වාදිතා භෙරී සොකසල්ලවිනොදනා.
942. යථා සකෙන ථාමෙන පුඤ්ඤක්ඛෙත්තෙ අනුත්තරෙ,
අධිකාරං කරෙය්යාථ ඵස්සයිස්සථ නිබ්බුතිං.
අධිකාරං කරෙය්යාථ ඵස්සයිස්සථ නිබ්බුතිං.
943. පග්ගය්හ තීණි සරණෙ පඤ්ච සීලානි ගොපිය,
බුද්ධෙ චිත්තං පසාදෙත්වා දුක්ඛස්සන්තං කරිස්සථ.
බුද්ධෙ චිත්තං පසාදෙත්වා දුක්ඛස්සන්තං කරිස්සථ.
944. මමොපමං කරිත්වාන සීලානි පරිගොපිය,
අචිරං අරහත්තං වො සබ්බෙපි පාපුණිස්සථ”.
අචිරං අරහත්තං වො සබ්බෙපි පාපුණිස්සථ”.
945. තෙවිජ්ජො ඉද්ධිපත්තො’ම්හි චෙතොපරියකොවිදො,
සාවකො තෙ මහාවීර චරණෙ වන්දති සත්ථුනො.
සාවකො තෙ මහාවීර චරණෙ වන්දති සත්ථුනො.
946. අපරිමෙය්යෙ ඉතො කප්පෙ සරණං බුද්ධස්ස ගච්ඡහං,
දුග්ගතිං නාභිජානාමි සරණාගමනෙ ඵලං.
දුග්ගතිං නාභිජානාමි සරණාගමනෙ ඵලං.
947. පටිසම්භිදා -පෙ- කතං බුද්ධස්ස සාසනං.
ඉත්ථං සුදං ආයස්මා තිසරණගමනියො ථෙරො ඉමා ගාථායො අභාසිත්ථාති.
තිසරණගමනියත්ථෙරස්සාපදානං තතියං.
24. පඤ්චසීලසමාදානියත්ථෙරාපදානං
948. නගරෙ චන්දවතියා භතකො ආස’හං තදා,
පරකම්මායනෙ යුත්තෙ පබ්බජ්ජං න ලභාම’හං.
පරකම්මායනෙ යුත්තෙ පබ්බජ්ජං න ලභාම’හං.
949. තමන්ධකාරපිහිතා තිවිධග්ගීහි ඩය්හරෙ,
කෙන නු ඛො උපායෙන විසංයුත්තො භවෙ අහං.
කෙන නු ඛො උපායෙන විසංයුත්තො භවෙ අහං.
950. දෙය්යධම්මො ච මෙ නත්ථි වරාකො භතකො අහං,
යන්නූනා’හං පඤ්චසීලං රක්ඛෙය්යං පරිපූරයං.
යන්නූනා’හං පඤ්චසීලං රක්ඛෙය්යං පරිපූරයං.