288. සත්තාහපබ්බජිතත්ථෙරාපදානං.
2655. විපස්සිස්ස භගවතො සඞ්ඝො සක්කතමානිතො,
ව්යසනං මෙ අනුප්පත්තං ඤාතිභෙදො පුරෙ අහු.
ව්යසනං මෙ අනුප්පත්තං ඤාතිභෙදො පුරෙ අහු.
2656. පබ්බජ්ජ මුපගන්ත්වාන ව්යසනූපසමාය’හං,
සත්තාහාභිරතො තත්ථ සත්ථුසාසනකම්යතා.
සත්තාහාභිරතො තත්ථ සත්ථුසාසනකම්යතා.
2657. එකනවුතෙ ඉතො කප්පෙ යමහං පබ්බජිං තදා,
දුග්ගතිං නාභිජානාමි පබ්බජ්ජාය ඉදං ඵලං.
දුග්ගතිං නාභිජානාමි පබ්බජ්ජාය ඉදං ඵලං.
2658. සත්තසට්ඨිම්හිතො කප්පෙ සත්ත ආසුං මහීපතී,
සුනික්ඛමාති ඤායන්ති චක්කවත්තී මහබ්බලා.
සුනික්ඛමාති ඤායන්ති චක්කවත්තී මහබ්බලා.
2659. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා සත්තාහපබ්බජිතො ථෙරො ඉමා ගාථායො අභාසිත්ථාති.
සත්තාහපබ්බජිතත්ථෙරස්ස අපදානං අට්ඨමං.
289. බුද්ධුපට්ඨාකත්ථෙරාපදානං
2660. වෙටම්බරීති මෙ නාමං පිතුසන්තං මමං තදා,
මම හත්ථං ගහෙත්වාන උපානයි මහාමුනිං.
මම හත්ථං ගහෙත්වාන උපානයි මහාමුනිං.
2661. ඉමෙ මං උද්දිසිස්සන්ති බුද්ධා ලොකග්ගනායකා,
තෙ’හං උපට්ඨිං සක්කච්චං පසන්නො සෙහි පාණිහි.
තෙ’හං උපට්ඨිං සක්කච්චං පසන්නො සෙහි පාණිහි.
2662. එකතිංසෙ ඉතො කප්පෙ බුද්ධෙ පරිචරිං තදා,
දුග්ගතිං නාභිජානාමි උපට්ඨානස්සිදං ඵලං.
දුග්ගතිං නාභිජානාමි උපට්ඨානස්සිදං ඵලං.
2663. තෙවීසම්හි ඉතො කප්පෙ චතුරො ආසු ඛත්තියා,
සමණුපට්ඨාකා නාම චක්කවත්තී මහබ්බලා.
සමණුපට්ඨාකා නාම චක්කවත්තී මහබ්බලා.
2664. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා බුද්ධුපට්ඨාකො ථෙරො ඉමා ගාථායො අභාසිත්ථාති.
බුද්ධුපට්ඨාකත්ථෙරස්ස අපදානං නවමං.
290. පුබ්බඞ්ගමියත්ථෙරාපදානං.
2665. චුල්ලාසීතිසහස්සානි පබ්බජිම්හ අකිඤ්චනා,
තෙසං පුබ්බඞ්ගමො ආසිං උත්තමත්ථස්ස පත්තියා.
තෙසං පුබ්බඞ්ගමො ආසිං උත්තමත්ථස්ස පත්තියා.
2666. සරාගා සභවා චෙතෙ විප්පස්නනමනාවිලා,
උපට්ඨහිංසු සක්කච්චං පසන්නා සෙහි පාණිහි.
උපට්ඨහිංසු සක්කච්චං පසන්නා සෙහි පාණිහි.
2667. ඛීණාසවා වන්තදොසා කතකිච්චා අනාසවා,
ඵරිංසු මෙත්තචිත්තෙන සයම්භූ අපරාජිතා.
ඵරිංසු මෙත්තචිත්තෙන සයම්භූ අපරාජිතා.
2668. තෙසං උපට්ඨහිත්වාන සම්බුද්ධානං පතිස්සතො,
මරණඤ්ච අනුප්පත්තො දෙවත්තඤ්ච අගම්හසෙ.
මරණඤ්ච අනුප්පත්තො දෙවත්තඤ්ච අගම්හසෙ.
2669. චතුනවුතෙ ඉතො කප්පෙ යා සීලමනුපාලයිං,
දුග්ගතිං නාභිජානාමි සඤ්ඤමස්ස ඉදං ඵලං.
දුග්ගතිං නාභිජානාමි සඤ්ඤමස්ස ඉදං ඵලං.
2670. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා පුබ්බඞ්ගමියො ථෙරො ඉමා ගාථායො අභාසිත්ථාති.
පුබ්බඞ්ගමියත්ථෙරස්ස අපදානං දසමං.
උද්දානං:
පණ්ණං ඵලං පච්චුග්ගමං එකපුප්ඵී ච මඝවා
උපට්ඨාකාපදානඤ්ච පබ්බජ්ජා බුද්ධුපට්ඨාකො
පුබ්බඞ්ගමො ච ගාථායො අට්ඨතාළීස කිත්තිතාති.
උපට්ඨාකාපදානඤ්ච පබ්බජ්ජා බුද්ධුපට්ඨාකො
පුබ්බඞ්ගමො ච ගාථායො අට්ඨතාළීස කිත්තිතාති.
පණ්ණාදායකවග්ගො එකූනතිංසතිමො.