290. පුබ්බඞ්ගමියත්ථෙරාපදානං.
2665. චුල්ලාසීතිසහස්සානි පබ්බජිම්හ අකිඤ්චනා,
තෙසං පුබ්බඞ්ගමො ආසිං උත්තමත්ථස්ස පත්තියා.
තෙසං පුබ්බඞ්ගමො ආසිං උත්තමත්ථස්ස පත්තියා.
2666. සරාගා සභවා චෙතෙ විප්පස්නනමනාවිලා,
උපට්ඨහිංසු සක්කච්චං පසන්නා සෙහි පාණිහි.
උපට්ඨහිංසු සක්කච්චං පසන්නා සෙහි පාණිහි.
2667. ඛීණාසවා වන්තදොසා කතකිච්චා අනාසවා,
ඵරිංසු මෙත්තචිත්තෙන සයම්භූ අපරාජිතා.
ඵරිංසු මෙත්තචිත්තෙන සයම්භූ අපරාජිතා.
2668. තෙසං උපට්ඨහිත්වාන සම්බුද්ධානං පතිස්සතො,
මරණඤ්ච අනුප්පත්තො දෙවත්තඤ්ච අගම්හසෙ.
මරණඤ්ච අනුප්පත්තො දෙවත්තඤ්ච අගම්හසෙ.
2669. චතුනවුතෙ ඉතො කප්පෙ යා සීලමනුපාලයිං,
දුග්ගතිං නාභිජානාමි සඤ්ඤමස්ස ඉදං ඵලං.
දුග්ගතිං නාභිජානාමි සඤ්ඤමස්ස ඉදං ඵලං.
2670. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා පුබ්බඞ්ගමියො ථෙරො ඉමා ගාථායො අභාසිත්ථාති.
පුබ්බඞ්ගමියත්ථෙරස්ස අපදානං දසමං.
උද්දානං:
පණ්ණං ඵලං පච්චුග්ගමං එකපුප්ඵී ච මඝවා
උපට්ඨාකාපදානඤ්ච පබ්බජ්ජා බුද්ධුපට්ඨාකො
පුබ්බඞ්ගමො ච ගාථායො අට්ඨතාළීස කිත්තිතාති.
උපට්ඨාකාපදානඤ්ච පබ්බජ්ජා බුද්ධුපට්ඨාකො
පුබ්බඞ්ගමො ච ගාථායො අට්ඨතාළීස කිත්තිතාති.
පණ්ණාදායකවග්ගො එකූනතිංසතිමො.
30. චිතකපූජකවග්ගො
291. චිතකපූජකත්ථෙරාපදානං.
2671. අජිතො නාම නාමෙන අහොසිං බ්රාහ්මණො තදා,
ආහුතිං යිට්ඨුකාමො’හං නානාපුප්ඵං සමානයිං.
ආහුතිං යිට්ඨුකාමො’හං නානාපුප්ඵං සමානයිං.
2672. ජලන්තං චිතකං දිස්වා සිඛිනො ලොකබන්ධුනො,
තං ච පුප්ඵං සමානෙත්වා චිතකෙ ඔකිරිං අහං.
තං ච පුප්ඵං සමානෙත්වා චිතකෙ ඔකිරිං අහං.
2673. එකතිංසෙ ඉතො කප්පෙ යං පුප්ඵමභිපූජයිං,
දුග්ගතිං නාභිජානාමි බුද්ධපූජායිදං ඵලං.
දුග්ගතිං නාභිජානාමි බුද්ධපූජායිදං ඵලං.
2674. සත්තවීසෙ ඉතො කප්පෙ සත්තාසුං මනුජාධිපා,
සුපජ්ජලිතනාමා තෙ චක්කවත්තී මහබ්බලා.
සුපජ්ජලිතනාමා තෙ චක්කවත්තී මහබ්බලා.
2675. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා චිතකපූජකො ථෙරො ඉමා ගාථායො අභාසිත්ථාති.
චිතකපූජකත්ථෙරස්ස අපදානං පඨමං.
292. පුප්ඵධාරකත්ථෙරාපදානං
2676. වාකචීරධරො ආසිං අජිනුත්තරවාසනො,
අභිඤ්ඤාපඤ්චනිබ්බත්තා චන්දස්ස පරිමජ්ජකො.
අභිඤ්ඤාපඤ්චනිබ්බත්තා චන්දස්ස පරිමජ්ජකො.
2677. විපස්සිං ලොකපජ්ජොතං දිස්වා අභිගතං මම,
පාරිච්ඡත්තකපුප්ඵානි ධාරෙසිං සත්ථුනො අහං.
පාරිච්ඡත්තකපුප්ඵානි ධාරෙසිං සත්ථුනො අහං.
2678. එකනවුතෙ ඉතො කප්පෙ යං පුප්ඵමභිධාරයිං,
දුග්ගතිං නාභිජානාමි ධාරණාය ඉදං ඵලං.
දුග්ගතිං නාභිජානාමි ධාරණාය ඉදං ඵලං.
2679. සත්තාසීතිම්භිතො කප්පෙ එකො ආසිං මහීපති,
සමන්තධාරණො නාම චක්කවත්තී මහබ්බලො.
සමන්තධාරණො නාම චක්කවත්තී මහබ්බලො.
2680. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා පුප්ඵධාරකො ථෙරො ඉමා ගාථායො අභාසිත්ථාති.
පුප්ඵධාරකත්ථෙරස්ස අපදානං දුතියං.