273. චඞ්ගොටකියත්ථෙරාපදානං
2591. මහාසමුද්දං නිස්සාය වසතෙ පබ්බතන්තරෙ,
පච්චුග්ගන්ත්වාන කත්වාන චඞ්ගොටකමදාසහං.
පච්චුග්ගන්ත්වාන කත්වාන චඞ්ගොටකමදාසහං.
2592. සිද්ධත්ථස්ස මහෙසිනො සබ්බසත්තානුකම්පිනො,
පුප්ඵචඞ්ගොටකං දත්වා කප්පං සග්ගම්හි මොදහං.
පුප්ඵචඞ්ගොටකං දත්වා කප්පං සග්ගම්හි මොදහං.
2593. චතුනවුතෙ ඉතො කප්පෙ චඞ්ගොටකමදං තදා,
දුග්ගතිං නාභිජානාමි චඞ්ගොටකස්සිදං ඵලං.
දුග්ගතිං නාභිජානාමි චඞ්ගොටකස්සිදං ඵලං.
2594. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා චඞ්ගොටකියො ථෙරො ඉමා ගාථායො අභාසිත්ථාති.
චඞ්ගොටකියත්ථෙරස්ස අපදානං තතියං.
274. අබ්හඤ්ජනදායකත්ථෙරාපදානං.
2595. කොණ්ඩඤ්ඤස්ස භගවතො වීතරාගස්ස තාදිනො,
ආකාසසමචිත්තස්ස නිප්පපඤ්චස්ස ඣායිනො.
ආකාසසමචිත්තස්ස නිප්පපඤ්චස්ස ඣායිනො.
2596. සබ්බමොහාතිවත්තස්ස සබ්බලොකහිතෙසිනො,
අබ්භඤ්ජනං මයා දින්නං දිපදින්දස්ස සත්ථුනො.
අබ්භඤ්ජනං මයා දින්නං දිපදින්දස්ස සත්ථුනො.
2597. අපරිමෙය්යෙ ඉතො කප්පෙ අබ්භඤ්ජනමදං තදා,
දුග්ගතිං නාභිජානාමි අබ්භඤ්ජනස්සිදං ඵලං.
දුග්ගතිං නාභිජානාමි අබ්භඤ්ජනස්සිදං ඵලං.
2598. ඉතො පණ්ණරසෙ කප්පෙ චිරප්පො නාම ඛත්තියො,
සත්තරතනසම්පන්නො චක්කවත්තී මහබ්බලො.
සත්තරතනසම්පන්නො චක්කවත්තී මහබ්බලො.
2599. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා අබ්භඤ්ජනදායකො ථෙරො ඉමා ගාථායො අභාසිත්ථාති.
අබ්භඤ්ජනදායකත්ථෙරස්ස අපදානං චතුත්ථං.
275. එකඤ්ජලියත්ථෙරාපදානං.
2600. උදුම්බරෙ වසන්තස්ස නියතෙ පණ්ණසන්ථරෙ,
වුත්ථෙකාසො මයා දින්නො සමණස්ස මහෙසිනො.
වුත්ථෙකාසො මයා දින්නො සමණස්ස මහෙසිනො.
2601. තිස්සස්ස දිපදින්දස්ස ලොකනාථස්ස තාදිනො,
අඤ්ජලිං පග්ගහෙත්වාන සන්ථරිං පුප්ඵසන්ථරිං.
අඤ්ජලිං පග්ගහෙත්වාන සන්ථරිං පුප්ඵසන්ථරිං.
2602. ද්වෙනවුතෙ ඉතො කප්පෙ යං කරිං පුප්ඵසන්ථරං,
දුග්ගතිං නාභිජානාමි සන්ථරිස්ස ඉදං ඵලං.
දුග්ගතිං නාභිජානාමි සන්ථරිස්ස ඉදං ඵලං.