274. අබ්හඤ්ජනදායකත්ථෙරාපදානං.
2595. කොණ්ඩඤ්ඤස්ස භගවතො වීතරාගස්ස තාදිනො,
ආකාසසමචිත්තස්ස නිප්පපඤ්චස්ස ඣායිනො.
ආකාසසමචිත්තස්ස නිප්පපඤ්චස්ස ඣායිනො.
2596. සබ්බමොහාතිවත්තස්ස සබ්බලොකහිතෙසිනො,
අබ්භඤ්ජනං මයා දින්නං දිපදින්දස්ස සත්ථුනො.
අබ්භඤ්ජනං මයා දින්නං දිපදින්දස්ස සත්ථුනො.
2597. අපරිමෙය්යෙ ඉතො කප්පෙ අබ්භඤ්ජනමදං තදා,
දුග්ගතිං නාභිජානාමි අබ්භඤ්ජනස්සිදං ඵලං.
දුග්ගතිං නාභිජානාමි අබ්භඤ්ජනස්සිදං ඵලං.
2598. ඉතො පණ්ණරසෙ කප්පෙ චිරප්පො නාම ඛත්තියො,
සත්තරතනසම්පන්නො චක්කවත්තී මහබ්බලො.
සත්තරතනසම්පන්නො චක්කවත්තී මහබ්බලො.
2599. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා අබ්භඤ්ජනදායකො ථෙරො ඉමා ගාථායො අභාසිත්ථාති.
අබ්භඤ්ජනදායකත්ථෙරස්ස අපදානං චතුත්ථං.
275. එකඤ්ජලියත්ථෙරාපදානං.
2600. උදුම්බරෙ වසන්තස්ස නියතෙ පණ්ණසන්ථරෙ,
වුත්ථෙකාසො මයා දින්නො සමණස්ස මහෙසිනො.
වුත්ථෙකාසො මයා දින්නො සමණස්ස මහෙසිනො.
2601. තිස්සස්ස දිපදින්දස්ස ලොකනාථස්ස තාදිනො,
අඤ්ජලිං පග්ගහෙත්වාන සන්ථරිං පුප්ඵසන්ථරිං.
අඤ්ජලිං පග්ගහෙත්වාන සන්ථරිං පුප්ඵසන්ථරිං.
2602. ද්වෙනවුතෙ ඉතො කප්පෙ යං කරිං පුප්ඵසන්ථරං,
දුග්ගතිං නාභිජානාමි සන්ථරිස්ස ඉදං ඵලං.
දුග්ගතිං නාභිජානාමි සන්ථරිස්ස ඉදං ඵලං.
2603. ඉතො චුද්දසකප්පම්හි අහොසිං මනුජාධිපො,
එකඤ්ජලිකො නාම චක්කවත්තී මහබ්බලො.
එකඤ්ජලිකො නාම චක්කවත්තී මහබ්බලො.
2604. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා එකඤ්ජලියො ථෙරො ඉමා ගාථායො අභාසිත්ථාති.
එකඤ්ජලියත්ථෙරස්ස අපදානං පඤ්චමං.
276. පොත්ථදායකත්ථෙරාපදානං.
2605. සත්ථාරං ධම්මමාරබ්භ සඞ්ඝඤ්චාපි මහෙසිනං,
පොත්ථදානං මයා දින්නං දක්ඛිණෙය්යෙ අනුත්තරෙ.
පොත්ථදානං මයා දින්නං දක්ඛිණෙය්යෙ අනුත්තරෙ.
2606. එකනවුතෙ ඉතො කප්පෙ යං කම්මමකරිං තදා,
දුග්ගතිං නාභිජානාමි පොත්ථදානස්සිදං ඵලං.
දුග්ගතිං නාභිජානාමි පොත්ථදානස්සිදං ඵලං.
2607. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා පොත්ථදායකො ථෙරො ඉමා ගාථායො අභාසිත්ථාති.
පොත්ථදායකත්ථෙරස්ස අපදානං ඡට්ඨං.
277. චිතකපූජකත්ථෙරාපදානං.
2608. චන්දභාගානදීතීරෙ අනුසොතං වජාමහං,
සත්ත මාලුවපුප්ඵානි චිතමාරොපයිං අහං.
සත්ත මාලුවපුප්ඵානි චිතමාරොපයිං අහං.
2609. චතුනවුතෙ ඉතො කප්පෙ චිතකං යං අපූජයිං,
දුග්ගතිං නාභිජානාමි චිතපූජායිදං ඵලං.
දුග්ගතිං නාභිජානාමි චිතපූජායිදං ඵලං.
2610. සත්තසට්ඨිම්භිතො කප්පෙ පටිජග්ගසනාමකා,
සත්තරතනසම්පන්නා සත්තාසුං චක්කවත්තිනො.
සත්තරතනසම්පන්නා සත්තාසුං චක්කවත්තිනො.
2611. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා චිතකපූජකො ථෙරො ඉමා ගාථායො අභාසිත්ථාති.
චිතකපූජකත්ථෙරස්ස අපදානං සත්තමං.