196. කිසලයපූජකත්ථෙරාපදානං.
2241. නගරෙ ද්වාරවතියා මාලාවච්ඡො මමං අහු,
උදපානො ච තත්ථෙව පාදපානං විරොහනො.
උදපානො ච තත්ථෙව පාදපානං විරොහනො.
2242. සබලෙන උපත්ථද්ධො සිද්ධත්ථො අපරාජිතො,
මමානුකම්පමානො සො ගච්ඡතෙ අනිලඤ්ජසෙ.
මමානුකම්පමානො සො ගච්ඡතෙ අනිලඤ්ජසෙ.
2243. අඤ්ඤං කිඤ්චි න පස්සාමි පූජායොග්ගං මහෙසිනො,
අසොකපල්ලවං දිස්වා ආකාසෙ උක්ඛිපිං අහං.
අසොකපල්ලවං දිස්වා ආකාසෙ උක්ඛිපිං අහං.
2244. බුද්ධස්ස තෙ කිසලයා ගච්ඡතො යන්ති පච්ඡතො,
සොහං දිස්වාන තං ඉද්ධිං අහො බුද්ධස්සුළාරතා.
සොහං දිස්වාන තං ඉද්ධිං අහො බුද්ධස්සුළාරතා.
2245. චතුනවුතෙ ඉතො කප්පෙ පල්ලවං අභිරොපයිං,
දුග්ගතිං නාභිජානාමි බුද්ධපූජායිදං ඵලං.
දුග්ගතිං නාභිජානාමි බුද්ධපූජායිදං ඵලං.
2246. සත්තවීසෙ ඉතො කප්පෙ එකො එකස්සරො අහු,
සත්තරතනසම්පන්නො චක්කවත්ති මහබ්බලො.
සත්තරතනසම්පන්නො චක්කවත්ති මහබ්බලො.
2247. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා කිසලයපූජකො ථෙරො ඉමා ගාථායො අභාසිත්ථාති.
කිසලයපූජකත්ථෙරස්ස අපදානං ඡට්ඨං.
197. තින්දුකදායකත්ථෙරාපදානං.
2248. ගිරිදුග්ගචරො ආසිං මක්කටො ථාමවෙගිකො,
ඵලිනං තින්දුකං දිස්වා බුද්ධසෙට්ඨං අනුස්සරිං.
ඵලිනං තින්දුකං දිස්වා බුද්ධසෙට්ඨං අනුස්සරිං.
2249. නික්ඛමිත්වා කතිපාහං විචිනිං ලොකනායකං,
පසන්නචිත්තො සුමනො සිද්ධත්ථං තිභවන්තගුං.
පසන්නචිත්තො සුමනො සිද්ධත්ථං තිභවන්තගුං.
2250. මම සඞ්කප්පමඤ්ඤාය සත්ථා ලොකෙ අනුත්තරො,
ඛීණාසවසහස්සෙහි ආගච්ඡි මම සන්තිකං.
ඛීණාසවසහස්සෙහි ආගච්ඡි මම සන්තිකං.
2251. පාමොජ්ජං ජනයිත්වාන ඵලහත්ථො උපාගමිං,
පටිග්ගහෙසි භගවා සබ්බඤ්ඤූ වදතං වරො.
පටිග්ගහෙසි භගවා සබ්බඤ්ඤූ වදතං වරො.
2252. චතුනවුතෙ ඉතො කප්පෙ යං ඵලං අදදිං තදා,
දුග්ගතිං නාභිජානාමි ඵලදානයස්සිදං ඵලං.
දුග්ගතිං නාභිජානාමි ඵලදානයස්සිදං ඵලං.
2253. සත්තපඤ්ඤාසකප්පම්හි උපනන්ද සනාමකො,
සත්තරතනසම්පන්නො චක්කවත්තී මහබ්බලො.
සත්තරතනසම්පන්නො චක්කවත්තී මහබ්බලො.
2254. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා තින්දුකදායකො ථෙරො ඉමා ගාථායො අභාසිත්ථාති.
තින්දුකදායකත්ථෙරස්ස අපදානං සත්තමං.
198. මුට්ඨිපූජකත්ථෙරාපදානං.
2255. සුමෙධො නාම භගවා ලොකජෙට්ඨො නරාසභො,
පච්ඡිමෙ අනුකම්පාය පධානං පදහී ජිනො.
පච්ඡිමෙ අනුකම්පාය පධානං පදහී ජිනො.
2256. තස්ස චඞ්කමමානස්ස දිපදින්දස්ස තාදිනො,
ගිරිනෙලස්ස පුප්ඵානං මුට්ඨිං බුද්ධස්ස රොපයිං.
ගිරිනෙලස්ස පුප්ඵානං මුට්ඨිං බුද්ධස්ස රොපයිං.
2257. තෙන චිත්තප්පසාදෙන සුක්කමූලෙන චොදිතො,
තිංසකප්පසහස්සානි දුග්ගතිං නූපපජ්ජහං.
තිංසකප්පසහස්සානි දුග්ගතිං නූපපජ්ජහං.
2258. තෙවීසතිකප්පසතෙ සුනෙලො නාම ඛත්තියො,
සත්තරතනසම්පන්නො එකො ආසිං මහබ්බලො.
සත්තරතනසම්පන්නො එකො ආසිං මහබ්බලො.
2259. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා මුට්ඨිපූජකො ථෙරො ඉමා ගාථායො අභාසිත්ථාති.
මුට්ඨිපූජකත්ථෙරස්ස අපදානං අට්ඨමං.