20. තමාලපුප්ඵියවග්ගො
191. තමාලපුප්ඵියත්ථෙරාපදානං.
2214. චුල්ලාසීතිසහස්සානි ථම්භා සොවණ්ණමයා අහු,
දෙවලට්ඨිපටිභාගං විමානං මෙ සුනිම්මිතං.
දෙවලට්ඨිපටිභාගං විමානං මෙ සුනිම්මිතං.
2215. තමාලපුප්ඵං පග්ගය්හ විප්පසන්නෙන චෙතසා,
බුද්ධස්ස අභිරොපෙසිං සිඛිනො ලොකබන්ධුනො.
බුද්ධස්ස අභිරොපෙසිං සිඛිනො ලොකබන්ධුනො.
2216. එකතිංසෙ ඉතො කප්පෙ යං කම්මමකරිං තදා,
දුග්ගතිං නාභිජානාමි බුද්ධපූජායිදං ඵලං.
දුග්ගතිං නාභිජානාමි බුද්ධපූජායිදං ඵලං.
2217. ඉතො වීසතිමෙ කප්පෙ චන්දතිත්තොති එකකො,
සත්තරතනසම්පන්නො චක්කවත්තී මහබ්බලො.
සත්තරතනසම්පන්නො චක්කවත්තී මහබ්බලො.
2218. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා තමාලපුප්ඵියො ථෙරො ඉමා ගාථායො අභාසිත්ථාති.
තමාලපුප්ඵියත්ථෙරස්ස අපදානං පඨමං.
192. තිණසන්ථරදායකත්ථෙරාපදානං
2219. යං දායවාසිකො ඉසි තිණං ලායති සත්ථුනො,
සබ්බෙ පදක්ඛිණාවත්තා පුථව්යා නිපතිංසු තෙ.
සබ්බෙ පදක්ඛිණාවත්තා පුථව්යා නිපතිංසු තෙ.
2220. තමහං තිණමාදාය සන්ථරිං ධරණුත්තමෙ,
තීණෙව තාලපත්තානි ආහරිත්වානහං තදා.
තීණෙව තාලපත්තානි ආහරිත්වානහං තදා.
2221. තිණෙන ඡදනං කත්වා සිද්ධත්ථස්ස අදාසහං,
සත්තාහං ධාරයුං තස්ස සත්ථුනො දෙවමානුසා.
සත්තාහං ධාරයුං තස්ස සත්ථුනො දෙවමානුසා.
2222. චතුනවුතෙ ඉතො කප්පෙ යං තිණං අදදිං තදා,
දුග්ගතිං නාභිජානාමි තිණදානස්සිදං ඵලං.
දුග්ගතිං නාභිජානාමි තිණදානස්සිදං ඵලං.
2223. පඤ්චසට්ඨිම්හිතො කප්පෙ චත්තාරොසුං මහද්ධනා,
සත්තරතනසම්පන්නා චක්කවත්තී මහබ්බලා.
සත්තරතනසම්පන්නා චක්කවත්තී මහබ්බලා.
2224. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා තිණසන්ථරදායකො ථෙරො ඉමා ගාථායො අභාසිත්ථාති.
තිණසන්ථරදායකත්ථෙරස්ස අපදානං දුතියං.
193. ඛණ්ඩඵුල්ලියත්ථෙරාපදානං.
2225. ඵුස්සස්ස ඛො භගවතො ථූපො ආසි මහාවනෙ,
කුඤ්ජරෙහි තදා භින්නො පරූළ්හපාදපො තහිං.
කුඤ්ජරෙහි තදා භින්නො පරූළ්හපාදපො තහිං.
2226. විසමඤ්ඤ සමං කත්වා සුධාපිණ්ඩං අදාසහං,
තිලොකගරුනො තස්සගුණ්හි පරිතොසිතො.
තිලොකගරුනො තස්සගුණ්හි පරිතොසිතො.
2227. ද්වෙනවුතෙ ඉතො කප්පෙ යං කම්මමකරිං තදා,
දුග්ගතිං නාභිජානාමි සුධාපිණ්ඩස්සිදං ඵලං.
දුග්ගතිං නාභිජානාමි සුධාපිණ්ඩස්සිදං ඵලං.
2228. සත්තසත්තතිකප්පම්භි ජිතසෙනාසුං සොළස,
සත්තරතනසම්පන්නා චක්කවත්තී මහබ්බලා.
සත්තරතනසම්පන්නා චක්කවත්තී මහබ්බලා.
2229. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා ඛණ්ඩඵුල්ලියො ථෙරො ඉමා ගාථායො අභාසිත්ථාති.
ඛණ්ඩඵුල්ලියත්ථෙරස්ස අපදානං තතියං.
194. අසොකපූජකත්ථෙරාපදානං
2230. තීවරායං පුරෙ රම්මෙ රාජුය්යානමහූ තදා,
උය්යානපාලො තත්ථාසිං රඤ්ඤො බද්ධචරො අහං.
උය්යානපාලො තත්ථාසිං රඤ්ඤො බද්ධචරො අහං.
2231. පදුමො නාම නාමෙන සයම්භූ සප්පභො අහු,
නිසින්නං පුණ්ඩරීකම්භි ඡායා න ජහි තං මුනිං.
නිසින්නං පුණ්ඩරීකම්භි ඡායා න ජහි තං මුනිං.
2232. අසොකං පුප්ඵි තං දිස්වා පිණ්ඩිභාරං සුදස්සනං,
බුද්ධස්ස අභිරොපෙසිං ජලජුත්තමනාමිනො.
බුද්ධස්ස අභිරොපෙසිං ජලජුත්තමනාමිනො.
2233. චතුනවුතෙ ඉතො කප්පෙ යං පුප්ඵමභිරොපයිං,
දුග්ගතිං නාභිජානාමි බුද්ධපූජායිදං ඵලං.
දුග්ගතිං නාභිජානාමි බුද්ධපූජායිදං ඵලං.
2234. සත්තතිංසම්හිතො කප්පෙ සොළස අරුණඤ්ජහා,
සත්තරතනසම්පන්නො චක්කවත්තී මහබ්බලා.
සත්තරතනසම්පන්නො චක්කවත්තී මහබ්බලා.
2235. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා අසොකපූජකො ථෙරො ඉමා ගාථායො අභාසිත්ථාති.
අසොකපූජකත්ථෙරස්ස අපදානං චතුත්ථං.