197. තින්දුකදායකත්ථෙරාපදානං.
2248. ගිරිදුග්ගචරො ආසිං මක්කටො ථාමවෙගිකො,
ඵලිනං තින්දුකං දිස්වා බුද්ධසෙට්ඨං අනුස්සරිං.
ඵලිනං තින්දුකං දිස්වා බුද්ධසෙට්ඨං අනුස්සරිං.
2249. නික්ඛමිත්වා කතිපාහං විචිනිං ලොකනායකං,
පසන්නචිත්තො සුමනො සිද්ධත්ථං තිභවන්තගුං.
පසන්නචිත්තො සුමනො සිද්ධත්ථං තිභවන්තගුං.
2250. මම සඞ්කප්පමඤ්ඤාය සත්ථා ලොකෙ අනුත්තරො,
ඛීණාසවසහස්සෙහි ආගච්ඡි මම සන්තිකං.
ඛීණාසවසහස්සෙහි ආගච්ඡි මම සන්තිකං.
2251. පාමොජ්ජං ජනයිත්වාන ඵලහත්ථො උපාගමිං,
පටිග්ගහෙසි භගවා සබ්බඤ්ඤූ වදතං වරො.
පටිග්ගහෙසි භගවා සබ්බඤ්ඤූ වදතං වරො.
2252. චතුනවුතෙ ඉතො කප්පෙ යං ඵලං අදදිං තදා,
දුග්ගතිං නාභිජානාමි ඵලදානයස්සිදං ඵලං.
දුග්ගතිං නාභිජානාමි ඵලදානයස්සිදං ඵලං.
2253. සත්තපඤ්ඤාසකප්පම්හි උපනන්ද සනාමකො,
සත්තරතනසම්පන්නො චක්කවත්තී මහබ්බලො.
සත්තරතනසම්පන්නො චක්කවත්තී මහබ්බලො.
2254. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා තින්දුකදායකො ථෙරො ඉමා ගාථායො අභාසිත්ථාති.
තින්දුකදායකත්ථෙරස්ස අපදානං සත්තමං.
198. මුට්ඨිපූජකත්ථෙරාපදානං.
2255. සුමෙධො නාම භගවා ලොකජෙට්ඨො නරාසභො,
පච්ඡිමෙ අනුකම්පාය පධානං පදහී ජිනො.
පච්ඡිමෙ අනුකම්පාය පධානං පදහී ජිනො.
2256. තස්ස චඞ්කමමානස්ස දිපදින්දස්ස තාදිනො,
ගිරිනෙලස්ස පුප්ඵානං මුට්ඨිං බුද්ධස්ස රොපයිං.
ගිරිනෙලස්ස පුප්ඵානං මුට්ඨිං බුද්ධස්ස රොපයිං.
2257. තෙන චිත්තප්පසාදෙන සුක්කමූලෙන චොදිතො,
තිංසකප්පසහස්සානි දුග්ගතිං නූපපජ්ජහං.
තිංසකප්පසහස්සානි දුග්ගතිං නූපපජ්ජහං.
2258. තෙවීසතිකප්පසතෙ සුනෙලො නාම ඛත්තියො,
සත්තරතනසම්පන්නො එකො ආසිං මහබ්බලො.
සත්තරතනසම්පන්නො එකො ආසිං මහබ්බලො.
2259. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා මුට්ඨිපූජකො ථෙරො ඉමා ගාථායො අභාසිත්ථාති.
මුට්ඨිපූජකත්ථෙරස්ස අපදානං අට්ඨමං.
199. කිඞ්කණිපුප්ඵියත්ථෙරාපදානං
2260. සුමඞ්ගලොති නාමෙන සයම්භු අපරාජිතො,
පවනා නික්ඛමිත්වාන නගරං පාවිසී ජිනො.
පවනා නික්ඛමිත්වාන නගරං පාවිසී ජිනො.
2261. පිණ්ඩචාරං චරිත්වාන නික්ඛම්ම නගරා මුනි,
කතකිච්චොව සම්බුද්ධො සො වසී වනමන්තරෙ.
කතකිච්චොව සම්බුද්ධො සො වසී වනමන්තරෙ.
2262. කිඞ්කණිපුප්ඵං පග්ගය්හ බුද්ධස්ස අභිරොපයිං,
පසන්නචිත්තො සුමනො සයම්භුස්ස මහෙසිනො.
පසන්නචිත්තො සුමනො සයම්භුස්ස මහෙසිනො.
2263. චතුනවුතෙ ඉතො කප්පෙ යං පුප්ඵමභිරොපයිං,
දුග්ගතිං නාභිජානාමි බුද්ධපූජායිදං ඵලං.
දුග්ගතිං නාභිජානාමි බුද්ධපූජායිදං ඵලං.
2264. ඡළාසීතිම්භිතො කප්පෙ අපිලාපිය නාමකො,
සත්තරතනසම්පන්නො චක්කවත්තී මහබ්බලො.
සත්තරතනසම්පන්නො චක්කවත්තී මහබ්බලො.
2265. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා කිඞ්කණිපුප්ඵියො ථෙරො ඉමා ගාථායො අභාසිත්ථාති.
කිඞ්කණිපුප්ඵියත්ථෙරස්ස අපදානං නවමං.
200. යූථිකාපුප්ඵියත්ථෙරාපදානං
2266. පදුමුත්තරො නාම ජිනො ආහුතීනං පටිග්ගහො,
පවනා කික්ඛමිත්වාන විහාරං යාති චක්ඛුමා.
පවනා කික්ඛමිත්වාන විහාරං යාති චක්ඛුමා.
2267. උභො හත්ථෙහි පග්ගය්හ යූථිකං පුප්ඵමුත්තමං,
බුද්ධස්ස අභිරොපෙසිං මෙත්තචිත්තස්ස තාදිනො.
බුද්ධස්ස අභිරොපෙසිං මෙත්තචිත්තස්ස තාදිනො.
2268. තෙන චිත්තප්පසාදෙන අභිභොත්වාන සම්පදා,
කප්පානං සතසහස්සං දුග්ගතිං නූපපජ්ජහං.
කප්පානං සතසහස්සං දුග්ගතිං නූපපජ්ජහං.
2269. ඉතො පඤ්ඤාසකප්පෙසු එකො ආසිං ජනාධිපො,
සමිත්තනන්දනො නාම චක්කවත්තී මහබ්බලො.
සමිත්තනන්දනො නාම චක්කවත්තී මහබ්බලො.
2270. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා යූථිකාපුප්ඵියො ථෙරො ඉමා ගාථායො අභාසිත්ථාති.
යූථිකාපුප්ඵියත්ථෙරස්ස අපදානං දසමං.