19. සොපාකත්ථෙරාපදානං
784. පබ්භාරං සෙවයන්තස්ස විපිනෙ පබ්බතුත්තමෙ,
සිද්ධත්ථො නාම භගවා ආගච්ඡි මම සන්තිකං.
සිද්ධත්ථො නාම භගවා ආගච්ඡි මම සන්තිකං.
785. බුද්ධං උපාගතං දිස්වා ලොකජෙට්ඨස්ස තාදිනො,
සන්ථරං සන්ථරිත්වාන පුප්ඵාසනමාදාස’හං.
සන්ථරං සන්ථරිත්වාන පුප්ඵාසනමාදාස’හං.
786. පුප්ඵාසනෙ නිසීදිත්වා සිද්ධත්ථො ලොකනායකො,
මමඤ්ච ගතිමඤ්ඤාය අනිච්චතමුදාහරි:
මමඤ්ච ගතිමඤ්ඤාය අනිච්චතමුදාහරි:
787. “අනිච්චා වත සඞ්ඛාරා උප්පාදවයධම්මිනො,
උප්පජ්ජිත්වා නිරුජ්ඣන්ති තෙසං වූපසමො සුඛො.”
උප්පජ්ජිත්වා නිරුජ්ඣන්ති තෙසං වූපසමො සුඛො.”
788. ඉදං වත්වාන සබ්බඤ්ඤූ ලොකජෙට්ඨො නරාසභො,
නභං අබ්භූග්ගමි ධීරො හංසරාජාව අම්බරෙ.
නභං අබ්භූග්ගමි ධීරො හංසරාජාව අම්බරෙ.
789. සකං දිට්ඨං ජහිත්වාන භාවයා’නිච්චසඤ්ඤ’හං,
එකාහං භාවයිත්වාන තත්ථ කාලකතො අහං.
එකාහං භාවයිත්වාන තත්ථ කාලකතො අහං.
790. ද්වෙ සම්පත්තී අනුභොත්වා සුක්කමූලෙන චොදිතො,
පච්ඡිම්භවෙ සම්පත්තෙ සපාකයොනු’පාගමිං.
පච්ඡිම්භවෙ සම්පත්තෙ සපාකයොනු’පාගමිං.
791. අගාරා අභිනික්ඛම්ම පබ්බජිං අනගාරියං.
ජාතියා සත්තවස්සො’හං අරහත්තමපාපුණිං.
ජාතියා සත්තවස්සො’හං අරහත්තමපාපුණිං.
792. ආරද්ධවිරියො පහිතත්තො සීලෙසු සුසමාහිතො,
තොසෙත්වාන මහානාගං අලත්ථං උපසම්පදං.
තොසෙත්වාන මහානාගං අලත්ථං උපසම්පදං.
793. චතුනවුතෙ ඉතො කප්පෙ යං කම්මමකරිං තදා,
දුග්ගතිං නාභිජානාමි පුප්ඵදානස්සි’දං ඵලං.
දුග්ගතිං නාභිජානාමි පුප්ඵදානස්සි’දං ඵලං.
794. චතුනවුතෙ ඉතො කප්පෙ යං සඤ්ඤං භාවයිං තදා,
තං සඤ්ඤං භාවයන්තස්ස පත්තො මෙ ආසවක්ඛයො.
තං සඤ්ඤං භාවයන්තස්ස පත්තො මෙ ආසවක්ඛයො.
795. පටිසම්භිදා -පෙ- බුද්ධස්ස සාසනං.
ඉත්ථං සුදං ආයස්මා සොපාකො ථෙරො ඉමා ගාථායො අභාසිත්ථාති.
සොපාකත්ථෙරස්සාපදානං නවමං.
20. සුමඞ්ගලත්ථෙරාපදානං.
796. ආහුතිං යිට්ඨුකාමො’හං පටියාදෙත්වාන භොජනං,
බ්රාහ්මණෙ පතිමානෙන්තො විසාලෙ මාළකෙ ඨිතො.
බ්රාහ්මණෙ පතිමානෙන්තො විසාලෙ මාළකෙ ඨිතො.
797. අථ’ද්දසාසිං සම්බුද්ධං පියදස්සිං මහායසං,
සබ්බලොකවිනෙතාරං සයම්භූං අග්ගපුග්ගලං.
සබ්බලොකවිනෙතාරං සයම්භූං අග්ගපුග්ගලං.
798. භගවන්තං ජුතිමන්තං සාවකෙහි පුරක්ඛතං,
ආදිච්චමිව රොචන්තං රථියං පටිපන්නකං.
ආදිච්චමිව රොචන්තං රථියං පටිපන්නකං.
799. අඤ්ජලිම්පග්ගහෙත්වාන සකං චිත්තං පසාදයිං,
මනසා ‘ව නිමන්තෙසිං ආගච්ඡතු මහාමුනීති.
මනසා ‘ව නිමන්තෙසිං ආගච්ඡතු මහාමුනීති.
800. මම සඞ්කප්පමඤ්ඤාය සත්ථා ලොකෙ අනුත්තරො,
ඛීණාසවසහස්සෙහි මම ද්වාරං උපාගමි.
ඛීණාසවසහස්සෙහි මම ද්වාරං උපාගමි.
801. “නමො තෙ පුරිසාජඤ්ඤ නමො තෙ පුරිසුත්තම,
පාසාදං අභිරූහිත්වා සීහාසනෙ නිසීද ත්වං”.
පාසාදං අභිරූහිත්වා සීහාසනෙ නිසීද ත්වං”.
802. දන්තො දන්තපරිවාරො තිණ්ණො තාරයතං වරො,
පාසාදං අභිරූහිත්වා නිසීදි පවරාසනෙ.
පාසාදං අභිරූහිත්වා නිසීදි පවරාසනෙ.
803. යං මෙ අත්ථි සකෙ ගෙහෙ ආමිසං පච්චුපට්ඨිතං,
තා’හං බුද්ධස්ස පාදාසිං පසන්නො සෙහි පාණිහි.
තා’හං බුද්ධස්ස පාදාසිං පසන්නො සෙහි පාණිහි.
804. පසන්නචිත්තො සුමනො වෙදජාතො කතඤ්ජලී,
බුද්ධසෙට්ඨං නමස්සාමි අහො බුද්ධස්සුළාරතා.!
බුද්ධසෙට්ඨං නමස්සාමි අහො බුද්ධස්සුළාරතා.!
805. අට්ඨන්නං පයිරූපාසතං භුඤ්ජං ඛීණාසවා බහු,
තුය්හෙවෙසො ආනුභාවො සරණං තං උපෙමහං.
තුය්හෙවෙසො ආනුභාවො සරණං තං උපෙමහං.
806. පියදස්සී ච භගවා ලොකජෙට්ඨො නරාසභො,
භික්ඛුසංඝෙ නිසීදිත්වා ඉමා ගාථා අභාසථ:
භික්ඛුසංඝෙ නිසීදිත්වා ඉමා ගාථා අභාසථ:
807. “යො සො සංඝං අභොජෙසි උජුභූතං සමාහිතං,
තථාගතඤ්ච සම්බුද්ධං සුණාථ මම භාසතො.
තථාගතඤ්ච සම්බුද්ධං සුණාථ මම භාසතො.
808. සත්තවීසතික්ඛත්තුං සො දෙවරජ්ජං කරිස්සති,
සකකම්මාභිරද්ධො සො දෙවලොකෙ රමිස්සති.
සකකම්මාභිරද්ධො සො දෙවලොකෙ රමිස්සති.
809. දසඤ්ච’ට්ඨක්ඛත්තුං සො චක්කවත්තී භවිස්සති,
පථව්යා රජ්ජං පඤ්චසතං වසුධං ආවසිස්සති.”
පථව්යා රජ්ජං පඤ්චසතං වසුධං ආවසිස්සති.”
810. අරඤ්ඤං වනමොගය්හ කානනං ව්යග්ඝසෙවිතං,
පධානං පදහිත්වාන කිසො ඣාපිතා මයා.
පධානං පදහිත්වාන කිසො ඣාපිතා මයා.
811. අට්ඨාරසෙ කප්පසතෙ යං දානමදදිං තදා,
දුග්ගතිං නාභිජානාමි භත්තදානස්සි’දං ඵලං
දුග්ගතිං නාභිජානාමි භත්තදානස්සි’දං ඵලං
812. පටිසම්භිදා -පෙ- කතං බුද්ධස්ස සාසනං.
ඉත්ථං සුදං ආයස්මා සුමඞ්ගලො ථෙරො ඉමා ගාථායො අභාසිත්ථාති.
සුමඞ්ගලත්ථෙරස්සාපදානං දසමං.
උද්දානං:
සීහාසනී එකථම්භී නන්දො ච චුල්ලපන්ථකො,
පිළින්දො රාහුලො චෙව වඞ්ගන්තො රට්ඨපාලකො
සොපාකො මඞ්ගලො චෙව දසෙව දුතියෙ වග්ගෙ.
සතඤ්ච අට්ඨතිංසා ච ගාථා එත්ථ පකාසිතා.
පිළින්දො රාහුලො චෙව වඞ්ගන්තො රට්ඨපාලකො
සොපාකො මඞ්ගලො චෙව දසෙව දුතියෙ වග්ගෙ.
සතඤ්ච අට්ඨතිංසා ච ගාථා එත්ථ පකාසිතා.
සිහාසනදායකවග්ගො දුතියො