2. සිහාසනදායකවග්ගො
11. සීහාසනදායකත්ථෙරාපදානං
674. නිබ්බුතෙ ලොකනාථම්හි සිද්ධත්ථෙ දිපදුත්තමෙ,
විත්ථාරිතෙ පාවචනෙ බාහුජඤ්ඤම්හි සාසනෙ.
විත්ථාරිතෙ පාවචනෙ බාහුජඤ්ඤම්හි සාසනෙ.
675. පසන්නචිත්තො සුමනො සීහාසනමකාස’හං,
සීහාසනං කරිත්වාන පාදපිඨමකාස’හං.
සීහාසනං කරිත්වාන පාදපිඨමකාස’හං.
676. සීහාසනෙ ච වස්සන්තෙ ඝරං තත්ථ අකාස’හං,
තෙන චිත්තප්පසාදෙන තුසිතං උපපජ්ජ’හං.
තෙන චිත්තප්පසාදෙන තුසිතං උපපජ්ජ’හං.
677. ආයාමෙන චතුබ්බීසයොජනං ආසි තාවදෙ,
විමානං සුකතං මය්හං විත්ථාරෙන චතුද්දස.
විමානං සුකතං මය්හං විත්ථාරෙන චතුද්දස.
678. සතං කඤ්ඤාසහස්සානි පරිවාරෙන්ති මං සදා,
සොණ්ණමයඤ්ච පල්ලඞ්කං ව්යම්හෙ ආසි සුනිම්මිතං.
සොණ්ණමයඤ්ච පල්ලඞ්කං ව්යම්හෙ ආසි සුනිම්මිතං.
679. හත්ථියානං අස්සයානං දිබ්බයානං උපට්ඨිතං,
පාසාදා සිවිකා චෙව උප්පජ්ජන්ති යදිච්ඡකං.
පාසාදා සිවිකා චෙව උප්පජ්ජන්ති යදිච්ඡකං.
680. මණිමයා ච පල්ලඞ්කා අඤ්ඤෙ සාරමයා බහූ.
නිබ්බත්තන්ති මමං සබ්බෙ සීහාසනස්සි’දං ඵලං.
නිබ්බත්තන්ති මමං සබ්බෙ සීහාසනස්සි’දං ඵලං.
681. සොණ්ණමයා රූපිමයා ඵළිකා වෙළුරියාමයා,
පාදුකා අභීරූහාමි පාදපීඨස්සි’දං ඵලං.
පාදුකා අභීරූහාමි පාදපීඨස්සි’දං ඵලං.
682. චතුනවුතෙ ඉතො කප්පෙ යං කම්මමකරිං තදා,
දුග්ගතිං නාභිජානාමි පුඤ්ඤකම්මස්සි’දං ඵලං.
දුග්ගතිං නාභිජානාමි පුඤ්ඤකම්මස්සි’දං ඵලං.
683. තෙසත්තතිම්හිතො කප්පෙ ඉන්දනාමා තයො ජනා,
ද්වෙසත්තතිම්හිතො කප්පෙ තයො සුමනනාමකා.
ද්වෙසත්තතිම්හිතො කප්පෙ තයො සුමනනාමකා.
684. සමසත්තනිම්හිතො කප්පෙ තයො වරුණනාමකා,
සත්තරතනසම්පන්නා චතුදීපම්හි ඉස්සරා.
සත්තරතනසම්පන්නා චතුදීපම්හි ඉස්සරා.
685. පටිසම්භිදා චතස්සො ච -පෙ- කතං බුද්ධස්ස සාසනං.
ඉත්ථං සුදං ආයස්මා සීහාසනදායකො ථෙරො ඉමා ගාථායො අභාසිත්ථාති.
සීහාසනදායකත්ථෙරාපදානං පඨමං.
12. එකත්ථම්භිකත්ථෙරාපදානං.
686. සිද්ධත්ථස්ස භගවතො මහාපූග්ගණො අහු,
සරණඞ්ගතා ච තෙ බුද්ධං සද්දහන්ති තථාගතං.
සරණඞ්ගතා ච තෙ බුද්ධං සද්දහන්ති තථාගතං.
687. සබ්බෙ සඞ්ගම්ම මන්තෙත්වා මාළං කුබ්බන්ති සත්ථුනො,
එකත්ථම්භං අලභන්තා විචිනන්ති බ්රහාවනෙ.
එකත්ථම්භං අලභන්තා විචිනන්ති බ්රහාවනෙ.
688. තෙ’හං අරඤ්ඤෙ දිස්වාන උපගම්ම ගණං තදා,
අඤ්ජලිම්පග්ගහෙත්වාන පටිපුච්ඡිං ගණං අහං.
අඤ්ජලිම්පග්ගහෙත්වාන පටිපුච්ඡිං ගණං අහං.
689. තෙ මෙ පුට්ඨා වියාකංසු සීලවන්තො උපාසකා,
මාළං මයං කත්තුකාමා එකත්ථම්භො න ලබ්භති.
මාළං මයං කත්තුකාමා එකත්ථම්භො න ලබ්භති.
690. “එකත්ථම්භං මමං දෙථ අහං දස්සාමි සත්ථුනො,
ආහරිස්සාම’හං ථම්භං අප්පොස්සුක්කා භවන්තු වො.
ආහරිස්සාම’හං ථම්භං අප්පොස්සුක්කා භවන්තු වො.
691. තෙ මෙ ථම්භං පවෙච්ඡිංසු පසන්නා තුට්ඨමානසා,
තතො පටිනිවත්තිත්වා අගමිංසු සකං ඝරං.
තතො පටිනිවත්තිත්වා අගමිංසු සකං ඝරං.
692. අචිරං ගතෙ පූග්ගණෙ ථම්භං අදාස’හං තදා,
හට්ඨො හට්ඨෙන චිත්තෙන පඨමං උස්සපෙස’හං
හට්ඨො හට්ඨෙන චිත්තෙන පඨමං උස්සපෙස’හං
693. තෙන චිත්තප්පසාදෙන විමානං උපපජ්ජ’හං
උබ්බිද්ධං භවනං මය්හං සතභූමං සමුග්ගතං.
උබ්බිද්ධං භවනං මය්හං සතභූමං සමුග්ගතං.
694. වජ්ජමානාසු භෙරීසු පරිචාරෙම’හං තදා,
පඤ්චපඤ්ඤාසකප්පම්භි රාජා ආසිං යසොධරො.
පඤ්චපඤ්ඤාසකප්පම්භි රාජා ආසිං යසොධරො.
695. තත්ථාපි භවනං මය්හං සතභූමං සමුග්ගතං,
කූටාගාරවරූපෙතං එකත්ථම්භං මනොරමං.
කූටාගාරවරූපෙතං එකත්ථම්භං මනොරමං.
696. එකවීසතිකප්පම්හි උදෙනො නාම ඛත්තියො,
තත්රා’පි භවනං මය්හං සතභූමං සමුග්ගතං.
තත්රා’පි භවනං මය්හං සතභූමං සමුග්ගතං.
697. යං යං යොනු’පපජ්ජාමි දෙවත්තං අථ මානුසං,
අනුභොමි සුඛං සබ්බං එකත්ථම්භස්සි’දං ඵලං.
අනුභොමි සුඛං සබ්බං එකත්ථම්භස්සි’දං ඵලං.
698. චතුනවුතෙ ඉතො කප්පෙ යං ථම්භමද්දිං තදා,
දුග්ගතිං නාභිජානාමි එකත්ථම්භස්සි’දං ඵලං.
දුග්ගතිං නාභිජානාමි එකත්ථම්භස්සි’දං ඵලං.
699. පටිසම්භිදා -පෙ- කතං බුද්ධස්ස සාසනං.
ඉත්ථං සුදං ආයස්මා එකත්ථම්භිකො ථෙරො ඉමා ගාථායො අභාසිත්ථාති.
එකත්ථම්භිකත්ථෙරාපදානං දුතියං.
13. නන්දත්ථෙරාපදානං.
700. පදුමුත්තරස්ස භගවතො ලොකජෙට්ඨස්ස තාදිනො,
වත්ථං ඛොමං මයා දින්නං සයම්භුස්ස මහෙසිනො.
වත්ථං ඛොමං මයා දින්නං සයම්භුස්ස මහෙසිනො.
701. තං මෙ බුද්ධො වියාකාසි ජලජුත්තරනාමකො,
ඉමිනා වත්ථදානෙන හෙමවණ්ණො භවිස්සසි.
ඉමිනා වත්ථදානෙන හෙමවණ්ණො භවිස්සසි.