18. රට්ඨපාලත්ථෙරාපදානං
769. පදුමුත්තරස්ස භගවතො ලොකජෙට්ඨස්ස තාදිනො,
වරනාගො මයා දින්නො ඊසාදන්තො උරූළ්හවා.
වරනාගො මයා දින්නො ඊසාදන්තො උරූළ්හවා.
770. සෙතච්ඡත්තොපසොභිතො සකප්පනො සහත්ථිපො,
අග්ඝාපෙත්වාන තං සබ්බං සංඝාරාමං අකාරයිං.
අග්ඝාපෙත්වාන තං සබ්බං සංඝාරාමං අකාරයිං.
771. චතුපඤ්ඤාස සහස්සානි පාසාදෙ කාරයිං අහං,
මහාභත්තං කරිත්වාන නිය්යාදෙසිං මහෙසිනො.
මහාභත්තං කරිත්වාන නිය්යාදෙසිං මහෙසිනො.
772. අනුමොදි මහාවීරො සයම්භූ අග්ගපුග්ගලො,
සබ්බෙ ජනෙ හාසයන්තො දෙසෙසි අමතං පදං.
සබ්බෙ ජනෙ හාසයන්තො දෙසෙසි අමතං පදං.
773. තං මෙ බුද්ධො වියාකාසි ජලජුත්තරනාමකො,
භික්ඛුසංඝෙ නිසීදිත්වා ඉමා ගාථා අභාසථ.
භික්ඛුසංඝෙ නිසීදිත්වා ඉමා ගාථා අභාසථ.
774. චතුපඤ්ඤාස සහස්සානි පාසාදෙ කාරයී අයං,
කථයිස්සාමි විපාකං සුණොථ මම භාසතො.
කථයිස්සාමි විපාකං සුණොථ මම භාසතො.
775. අට්ඨාරස සහස්සානි කූටාගාරා භවිස්සරෙ,
ව්යමහුත්තමම්හි නිබ්බත්තා සබ්බසොණ්ණමයා ච තෙ.
ව්යමහුත්තමම්හි නිබ්බත්තා සබ්බසොණ්ණමයා ච තෙ.
776. පඤ්ඤාසක්ඛත්තුං දෙවින්දො දෙවරජ්ජං කරිස්සති.
අට්ඨපඤ්ඤාසක්ඛත්තුඤ්ච චක්කවත්තී භවිස්සති.
අට්ඨපඤ්ඤාසක්ඛත්තුඤ්ච චක්කවත්තී භවිස්සති.
777. කප්පසතසහස්සම්හි ඔක්කාකකුලසම්භවො,
ගොතමො නාම නාමෙන සත්ථා ලොකෙ භවිස්සති.
ගොතමො නාම නාමෙන සත්ථා ලොකෙ භවිස්සති.
778. දෙවලොකා චවිත්වාන සුක්කමූලෙන චොදිතො,
අඩ්ඪෙ කුලෙ මහාභොගෙ නිබ්බත්තිස්සති තාවදෙ.
අඩ්ඪෙ කුලෙ මහාභොගෙ නිබ්බත්තිස්සති තාවදෙ.
779. සො පච්ඡා පබ්බජිත්වාන සුක්කමූලෙන චොදිතො,
රට්ඨපාලො’ති නාමෙන හෙස්සති සත්ථුසාවකො.
රට්ඨපාලො’ති නාමෙන හෙස්සති සත්ථුසාවකො.
780. පධානපහිතත්තො සො උපසන්තො නිරූපධි,
සබ්බාසවෙ පරිඤ්ඤාය නිබ්බායිස්සත’නාසවො.
සබ්බාසවෙ පරිඤ්ඤාය නිබ්බායිස්සත’නාසවො.
781. උට්ඨාය අභිනික්ඛම්ම ජහිතා භොගසම්පදා,
ඛෙළපිණ්ඩෙව භොගම්භි පෙමං මය්හං න විජ්ජති.
ඛෙළපිණ්ඩෙව භොගම්භි පෙමං මය්හං න විජ්ජති.
782. විරියං මෙ ධුරධොරය්හං යොගක්ඛෙමාධිවාහනං,
ධාරෙමි අන්තිමං දෙහං සම්මාසම්බුද්ධසාසනෙ.
ධාරෙමි අන්තිමං දෙහං සම්මාසම්බුද්ධසාසනෙ.
783. පටිසම්භිදා -පෙ- කතං බුද්ධස්ස සාසනං.
ඉත්ථං සුදං ආයස්මා රට්ඨපාලො ථෙරො ඉමා ගාථායො අභාසිත්ථාති.
රට්ඨපාලත්ථෙරස්ස අපදානං අට්ඨමං.
19. සොපාකත්ථෙරාපදානං
784. පබ්භාරං සෙවයන්තස්ස විපිනෙ පබ්බතුත්තමෙ,
සිද්ධත්ථො නාම භගවා ආගච්ඡි මම සන්තිකං.
සිද්ධත්ථො නාම භගවා ආගච්ඡි මම සන්තිකං.
785. බුද්ධං උපාගතං දිස්වා ලොකජෙට්ඨස්ස තාදිනො,
සන්ථරං සන්ථරිත්වාන පුප්ඵාසනමාදාස’හං.
සන්ථරං සන්ථරිත්වාන පුප්ඵාසනමාදාස’හං.
786. පුප්ඵාසනෙ නිසීදිත්වා සිද්ධත්ථො ලොකනායකො,
මමඤ්ච ගතිමඤ්ඤාය අනිච්චතමුදාහරි:
මමඤ්ච ගතිමඤ්ඤාය අනිච්චතමුදාහරි:
787. “අනිච්චා වත සඞ්ඛාරා උප්පාදවයධම්මිනො,
උප්පජ්ජිත්වා නිරුජ්ඣන්ති තෙසං වූපසමො සුඛො.”
උප්පජ්ජිත්වා නිරුජ්ඣන්ති තෙසං වූපසමො සුඛො.”
788. ඉදං වත්වාන සබ්බඤ්ඤූ ලොකජෙට්ඨො නරාසභො,
නභං අබ්භූග්ගමි ධීරො හංසරාජාව අම්බරෙ.
නභං අබ්භූග්ගමි ධීරො හංසරාජාව අම්බරෙ.
789. සකං දිට්ඨං ජහිත්වාන භාවයා’නිච්චසඤ්ඤ’හං,
එකාහං භාවයිත්වාන තත්ථ කාලකතො අහං.
එකාහං භාවයිත්වාන තත්ථ කාලකතො අහං.
790. ද්වෙ සම්පත්තී අනුභොත්වා සුක්කමූලෙන චොදිතො,
පච්ඡිම්භවෙ සම්පත්තෙ සපාකයොනු’පාගමිං.
පච්ඡිම්භවෙ සම්පත්තෙ සපාකයොනු’පාගමිං.
791. අගාරා අභිනික්ඛම්ම පබ්බජිං අනගාරියං.
ජාතියා සත්තවස්සො’හං අරහත්තමපාපුණිං.
ජාතියා සත්තවස්සො’හං අරහත්තමපාපුණිං.
792. ආරද්ධවිරියො පහිතත්තො සීලෙසු සුසමාහිතො,
තොසෙත්වාන මහානාගං අලත්ථං උපසම්පදං.
තොසෙත්වාන මහානාගං අලත්ථං උපසම්පදං.
793. චතුනවුතෙ ඉතො කප්පෙ යං කම්මමකරිං තදා,
දුග්ගතිං නාභිජානාමි පුප්ඵදානස්සි’දං ඵලං.
දුග්ගතිං නාභිජානාමි පුප්ඵදානස්සි’දං ඵලං.
794. චතුනවුතෙ ඉතො කප්පෙ යං සඤ්ඤං භාවයිං තදා,
තං සඤ්ඤං භාවයන්තස්ස පත්තො මෙ ආසවක්ඛයො.
තං සඤ්ඤං භාවයන්තස්ස පත්තො මෙ ආසවක්ඛයො.
795. පටිසම්භිදා -පෙ- බුද්ධස්ස සාසනං.
ඉත්ථං සුදං ආයස්මා සොපාකො ථෙරො ඉමා ගාථායො අභාසිත්ථාති.
සොපාකත්ථෙරස්සාපදානං නවමං.
20. සුමඞ්ගලත්ථෙරාපදානං.
796. ආහුතිං යිට්ඨුකාමො’හං පටියාදෙත්වාන භොජනං,
බ්රාහ්මණෙ පතිමානෙන්තො විසාලෙ මාළකෙ ඨිතො.
බ්රාහ්මණෙ පතිමානෙන්තො විසාලෙ මාළකෙ ඨිතො.
797. අථ’ද්දසාසිං සම්බුද්ධං පියදස්සිං මහායසං,
සබ්බලොකවිනෙතාරං සයම්භූං අග්ගපුග්ගලං.
සබ්බලොකවිනෙතාරං සයම්භූං අග්ගපුග්ගලං.
798. භගවන්තං ජුතිමන්තං සාවකෙහි පුරක්ඛතං,
ආදිච්චමිව රොචන්තං රථියං පටිපන්නකං.
ආදිච්චමිව රොචන්තං රථියං පටිපන්නකං.