15. පිළින්දිවච්ඡත්ථෙරාපදානං
728. නිබ්බුතෙ ලොකනාථම්හි සුමෙධෙ අග්ගපුග්ගලෙ,
පසන්නචිත්තො සුමනො ථූපපූජමකාස’හං
පසන්නචිත්තො සුමනො ථූපපූජමකාස’හං
729. යෙ ච ඛීණාසවා තත්ථ ඡළභිඤ්ඤා මහිද්ධිකා,
තෙ’හං තත්ථ සමානෙත්වා සංඝභත්තං අකාස’හං
තෙ’හං තත්ථ සමානෙත්වා සංඝභත්තං අකාස’හං
730. සුමෙධස්ස භගවතො උපට්ඨාකො තදා අහු,
සුමෙධො නාම නාමෙන අනුමොදිත්ථ සො තදා.
සුමෙධො නාම නාමෙන අනුමොදිත්ථ සො තදා.
731. තෙන චිත්තප්පසාදෙන විමානං උපපජ්ජහං,
ඡාළාසීතිසහස්සානි අච්ඡරායො රමිංසු මෙ.
ඡාළාසීතිසහස්සානි අච්ඡරායො රමිංසු මෙ.
732. මමෙව අනුවත්තන්ති සබ්බකාමෙහි තා සදා,
අඤ්ඤෙ දෙවෙ අතිභොමි පුඤ්ඤකම්මස්සි’දං ඵලං.
අඤ්ඤෙ දෙවෙ අතිභොමි පුඤ්ඤකම්මස්සි’දං ඵලං.
733. පඤ්චවීසතිකප්පම්හි වරුණො නාම ඛත්තියො,
සුසුද්ධභොජනො ආසිං චක්කවත්තී අහං තදා.
සුසුද්ධභොජනො ආසිං චක්කවත්තී අහං තදා.
734. න තෙ බීජං පවපන්ති න පි නීයන්ති නඞ්ගලා,
අකට්ඨපාකිමං සාලිං පරිභුඤ්ජන්ති මානුසා.
අකට්ඨපාකිමං සාලිං පරිභුඤ්ජන්ති මානුසා.
735. තත්ථ රජ්ජං කරිත්වාන දෙවත්තං පුන ගච්ඡ’හං,
තදාපි එදිසා මය්හං නිබ්බත්තා භොගසම්පදා.
තදාපි එදිසා මය්හං නිබ්බත්තා භොගසම්පදා.
736. න මං මිත්තා අමිත්තා වා හිංසන්ති සබ්බපාණිනො,
සබ්බෙසම්පි පියො හොමි පුඤ්ඤකම්මස්සි’දං ඵලං.
සබ්බෙසම්පි පියො හොමි පුඤ්ඤකම්මස්සි’දං ඵලං.
737. තිංසකප්පසහස්සම්භි යං දානමදදිං තදා,
දුග්ගතිං නාභිජානාමි ගන්ධාලෙපස්සි’දං ඵලං.
දුග්ගතිං නාභිජානාමි ගන්ධාලෙපස්සි’දං ඵලං.
738. ඉමස්මිං භද්දකෙ කප්පෙ එකො ආසිං ජනාධිපො,
මහානුභාවො රාජා’හං චක්කවත්තී මහබ්බලො.
මහානුභාවො රාජා’හං චක්කවත්තී මහබ්බලො.
739. සො’හං පඤ්චසු සීලෙසු ඨපෙත්වා ජනතං බහුං,
පාපෙත්වා සුගතිංයෙව දෙවතානං පියො අහුං.
පාපෙත්වා සුගතිංයෙව දෙවතානං පියො අහුං.
740. පටිසම්භිදා -පෙ- කතං බුද්ධස්ස සාසනං,
ඉත්ථං සුදං ආයස්මා පිළින්දිවච්ඡො ථෙරො ඉමා ගාථායො අභාසිත්ථාති.
පිළින්දිවච්ඡත්ථෙරස්සාපදානං පඤ්චමං.
16. රාහුලත්ථෙරාපදානං
741. පදුමුත්තරස්ස භගවතො ලොකජෙට්ඨස්ස තාදිනො,
සත්තභූම්මහි පාසාදෙ ආදාසං සන්ථරිං අහං.
සත්තභූම්මහි පාසාදෙ ආදාසං සන්ථරිං අහං.
742. ඛීණාසවසහස්සෙහි පරිකිණ්ණො මහාමුනි,
උපාගමී ගන්ධකුටිං දිපදින්දො නරාසභො.
උපාගමී ගන්ධකුටිං දිපදින්දො නරාසභො.
743. විරොචෙන්තො ගන්ධකුටිං දෙවදෙවො නරාසභො,
භික්ඛුසංඝෙ ඨිතො සත්ථා ඉමා ගාථා අභාසථ.
භික්ඛුසංඝෙ ඨිතො සත්ථා ඉමා ගාථා අභාසථ.
744. යෙනා’යං ජොතිතා සෙය්යා ආදාසො ච සුසන්ථතො,
තම’හං කිත්තයිස්සාමි සුණොථ මම භාසතො.
තම’හං කිත්තයිස්සාමි සුණොථ මම භාසතො.
745. සොණ්ණමයා රූපිමයා අථො වෙළුරියාමයා,
නිබ්බත්තිස්සන්ති ආදාසා යෙ කෙචි මනසො පියා.
නිබ්බත්තිස්සන්ති ආදාසා යෙ කෙචි මනසො පියා.
746. චතුසට්ඨික්ඛත්තුං දෙවින්දො දෙවරජ්ජං කරිස්සති,
සහස්සක්ඛත්තුං චක්කවත්තී භවිස්සති අනන්තරා.
සහස්සක්ඛත්තුං චක්කවත්තී භවිස්සති අනන්තරා.
747. එකවීසතිකප්පම්හි විමලො නාම ඛත්තියො,
චාතුරන්තො විජිතාවී චක්කවත්තී භවිස්සති.
චාතුරන්තො විජිතාවී චක්කවත්තී භවිස්සති.
748. නගරං රෙණුවතී නාම ඉට්ඨකාහි සුමාපිතං,
ආයාමතො තීණි සතං චතුරස්සසමායුතං.
ආයාමතො තීණි සතං චතුරස්සසමායුතං.
749. සුදස්සනො නාම පාසාදො විස්සකම්මෙන නිම්මිතො,
කුටාගාරවරූපෙතො සත්තරතනභූසිතො.
කුටාගාරවරූපෙතො සත්තරතනභූසිතො.
750. දස සද්දා අචිවිත්තං විජ්ජාධරසමාකුලං,
සුදස්සනංව නගරං දෙවතානං භවිස්සති.
සුදස්සනංව නගරං දෙවතානං භවිස්සති.
751. පභා නිග්ගච්ඡතෙ තස්ස උග්ගච්ඡන්තෙව සූරියෙ,
විරොචෙස්සති තං නිච්චං සමන්තා අට්ඨයොජනං.
විරොචෙස්සති තං නිච්චං සමන්තා අට්ඨයොජනං.
752. කප්පසතසහස්සම්හි ඔක්කාකකුලසම්භවො,
ගොතමො නාම නාමෙන සත්ථා ලොකෙ භවිස්සති.
ගොතමො නාම නාමෙන සත්ථා ලොකෙ භවිස්සති.
753. තුසිතා සො චවිත්වාන සුක්කමූලෙන චොදිතො,
ගොතමස්ස භගවතො අත්රජො සො භවිස්සති.
ගොතමස්ස භගවතො අත්රජො සො භවිස්සති.
754. සචෙ වසෙය්යා’ගාරං චක්කවත්තී භවෙය්ය සො,
අට්ඨානමෙතං යං තාදී අගාරෙ රතිමජ්ඣගා.
අට්ඨානමෙතං යං තාදී අගාරෙ රතිමජ්ඣගා.
755. නික්ඛමිත්වා අගාරම්හා පබ්බජිස්සති සුබ්බතො,
රාහුලො නාම නාමෙන අරහා සො භවිස්සති.
රාහුලො නාම නාමෙන අරහා සො භවිස්සති.