16. රාහුලත්ථෙරාපදානං
741. පදුමුත්තරස්ස භගවතො ලොකජෙට්ඨස්ස තාදිනො,
සත්තභූම්මහි පාසාදෙ ආදාසං සන්ථරිං අහං.
සත්තභූම්මහි පාසාදෙ ආදාසං සන්ථරිං අහං.
742. ඛීණාසවසහස්සෙහි පරිකිණ්ණො මහාමුනි,
උපාගමී ගන්ධකුටිං දිපදින්දො නරාසභො.
උපාගමී ගන්ධකුටිං දිපදින්දො නරාසභො.
743. විරොචෙන්තො ගන්ධකුටිං දෙවදෙවො නරාසභො,
භික්ඛුසංඝෙ ඨිතො සත්ථා ඉමා ගාථා අභාසථ.
භික්ඛුසංඝෙ ඨිතො සත්ථා ඉමා ගාථා අභාසථ.
744. යෙනා’යං ජොතිතා සෙය්යා ආදාසො ච සුසන්ථතො,
තම’හං කිත්තයිස්සාමි සුණොථ මම භාසතො.
තම’හං කිත්තයිස්සාමි සුණොථ මම භාසතො.
745. සොණ්ණමයා රූපිමයා අථො වෙළුරියාමයා,
නිබ්බත්තිස්සන්ති ආදාසා යෙ කෙචි මනසො පියා.
නිබ්බත්තිස්සන්ති ආදාසා යෙ කෙචි මනසො පියා.
746. චතුසට්ඨික්ඛත්තුං දෙවින්දො දෙවරජ්ජං කරිස්සති,
සහස්සක්ඛත්තුං චක්කවත්තී භවිස්සති අනන්තරා.
සහස්සක්ඛත්තුං චක්කවත්තී භවිස්සති අනන්තරා.
747. එකවීසතිකප්පම්හි විමලො නාම ඛත්තියො,
චාතුරන්තො විජිතාවී චක්කවත්තී භවිස්සති.
චාතුරන්තො විජිතාවී චක්කවත්තී භවිස්සති.
748. නගරං රෙණුවතී නාම ඉට්ඨකාහි සුමාපිතං,
ආයාමතො තීණි සතං චතුරස්සසමායුතං.
ආයාමතො තීණි සතං චතුරස්සසමායුතං.
749. සුදස්සනො නාම පාසාදො විස්සකම්මෙන නිම්මිතො,
කුටාගාරවරූපෙතො සත්තරතනභූසිතො.
කුටාගාරවරූපෙතො සත්තරතනභූසිතො.
750. දස සද්දා අචිවිත්තං විජ්ජාධරසමාකුලං,
සුදස්සනංව නගරං දෙවතානං භවිස්සති.
සුදස්සනංව නගරං දෙවතානං භවිස්සති.
751. පභා නිග්ගච්ඡතෙ තස්ස උග්ගච්ඡන්තෙව සූරියෙ,
විරොචෙස්සති තං නිච්චං සමන්තා අට්ඨයොජනං.
විරොචෙස්සති තං නිච්චං සමන්තා අට්ඨයොජනං.
752. කප්පසතසහස්සම්හි ඔක්කාකකුලසම්භවො,
ගොතමො නාම නාමෙන සත්ථා ලොකෙ භවිස්සති.
ගොතමො නාම නාමෙන සත්ථා ලොකෙ භවිස්සති.
753. තුසිතා සො චවිත්වාන සුක්කමූලෙන චොදිතො,
ගොතමස්ස භගවතො අත්රජො සො භවිස්සති.
ගොතමස්ස භගවතො අත්රජො සො භවිස්සති.
754. සචෙ වසෙය්යා’ගාරං චක්කවත්තී භවෙය්ය සො,
අට්ඨානමෙතං යං තාදී අගාරෙ රතිමජ්ඣගා.
අට්ඨානමෙතං යං තාදී අගාරෙ රතිමජ්ඣගා.
755. නික්ඛමිත්වා අගාරම්හා පබ්බජිස්සති සුබ්බතො,
රාහුලො නාම නාමෙන අරහා සො භවිස්සති.
රාහුලො නාම නාමෙන අරහා සො භවිස්සති.
756. කිකීව අණ්ඩං රක්ඛෙය්ය, චමරී විය වාලධිං,
නිපකො සීලසම්පන්නො එවං රක්ඛිං මහාමුනෙ.
නිපකො සීලසම්පන්නො එවං රක්ඛිං මහාමුනෙ.
757. තස්සා’හං ධම්මමඤ්ඤාය විහාසිං සාසනෙ රතො,
සබ්බාසවෙ පරිඤ්ඤාය විහරාමි අනාසවො.
සබ්බාසවෙ පරිඤ්ඤාය විහරාමි අනාසවො.
758. පටිසම්භිදා -පෙ- කතං බුද්ධස්ස සාසනං.
ඉත්ථං සුදං ආයස්මා රාහුලො ථෙරො ඉමා ගාථායො අභාසිත්ථාති.
රාහුලත්ථෙරස්සාපදානං ඡට්ඨං.
17. උපසෙනත්ථෙරාපදානං.
759. පදුමුත්තරං භගවන්තං ලොකජෙට්ඨං නරාසභං,
පබ්භාරම්හි නිසින්නං තං උපගච්ඡිං නරුත්තමං.
පබ්භාරම්හි නිසින්නං තං උපගච්ඡිං නරුත්තමං.
760. කණිකාරං පුප්ඵිතං දිස්වා වණ්ටෙ ඡෙත්වාන’හං තදා,
අලඞ්කරිත්වා ඡත්තම්හි බුද්ධස්ස අභිරොපයිං.
අලඞ්කරිත්වා ඡත්තම්හි බුද්ධස්ස අභිරොපයිං.
761. පිණ්ඩපාතඤ්ච පාදාසිං පරමන්නං සුභොජනං,
බුද්ධෙන නවමෙ තත්ථ සමණෙ අට්ඨ භොජයිං.
බුද්ධෙන නවමෙ තත්ථ සමණෙ අට්ඨ භොජයිං.
762. අනුමොදි මහාවීරො සයම්භු අග්ගපුග්ගලො,
ඉමිනා ඡත්තදානෙන පරමන්නප්පවෙච්ඡනා.
ඉමිනා ඡත්තදානෙන පරමන්නප්පවෙච්ඡනා.
763. තෙන චිත්තප්පසාදෙන සම්පත්තිමනුභොස්සති,
ඡත්තිංසක්ඛත්තුං දෙවින්දො දෙවරජ්ජං කරිස්සති.
ඡත්තිංසක්ඛත්තුං දෙවින්දො දෙවරජ්ජං කරිස්සති.
764. එකවීසතික්ඛත්තුඤ්ච චක්කවත්තී භවිස්සති,
පදෙසරජ්ජං විපුලං ගණනාතො අසඞ්ඛියං.
පදෙසරජ්ජං විපුලං ගණනාතො අසඞ්ඛියං.
765. සතසහස්සෙ ඉතො කප්පෙ ඔක්කාක කුලසම්භවො,
ගොතමො නාම ගොත්තෙන සත්ථා ලොකෙ භවිස්සති.
ගොතමො නාම ගොත්තෙන සත්ථා ලොකෙ භවිස්සති.
766. සාසනෙ දිප්පමානම්භි මනුස්සත්තං ගමිස්සති,
තස්ස ධම්මෙසු දායාදො ඔරසො ධම්මනිම්මිතො
උපසෙනොති නාමෙන හෙස්සති සත්ථුසාවකො.
තස්ස ධම්මෙසු දායාදො ඔරසො ධම්මනිම්මිතො
උපසෙනොති නාමෙන හෙස්සති සත්ථුසාවකො.
767. චරිමා වත්තතෙ මය්හං භවා සබ්බෙ සමූහතා;
ධාරෙමි අන්තිමං දෙහං ඡෙත්වා මාරං සවාහනං.
ධාරෙමි අන්තිමං දෙහං ඡෙත්වා මාරං සවාහනං.
768. පටිසම්භිදා -පෙ- කතං බුද්ධස්ස සාසනං.
ඉත්ථං සුදං ආයස්මා උපසෙනො වඞ්ගන්තපුත්තො ථෙරො ඉමා ගාථායො අභාසිත්ථාති.
උපසෙනවඞ්ගන්තපුත්තත්ථෙරස්සාපදානං සත්තමං.
(තතියභාණවාරං.)