127. ඵලදායකත්ථෙරාපදානං.
1840. අජ්ඣායකො මන්තධරො තිණ්ණං වෙදාන පාරගූ,
හිමවන්තස්සාවිදූරෙ වසාමි අස්සමෙ අහං.
හිමවන්තස්සාවිදූරෙ වසාමි අස්සමෙ අහං.
1841. අග්ගිහුත්තඤ්ච මෙ අත්ථි පුණ්ඩරීකඵලානි ච,
පුටකෙ නික්ඛිපිත්වාන දුමග්ගෙ ලග්ගිතං මයා.
පුටකෙ නික්ඛිපිත්වාන දුමග්ගෙ ලග්ගිතං මයා.
1842. පදුමුත්තරො ලොකවිදූ ආහුතීනං පටිග්ගහො,
මමුද්ධරිතුකාමො සො භික්ඛන්තො මං උපාගමි.
මමුද්ධරිතුකාමො සො භික්ඛන්තො මං උපාගමි.
1843. පසන්නචිත්තො සුමනො ඵලං බුද්ධස්ස’දාසහං,
විත්තිසඤ්ජනනො මය්හං දිට්ඨධම්මසුඛාවහො.
විත්තිසඤ්ජනනො මය්හං දිට්ඨධම්මසුඛාවහො.
1844. සුවණ්ණවණ්ණො සම්බුද්ධො ආහුතීනං පටිග්ගහො,
අන්තලික්ඛෙ ඨිතො සත්ථා ඉමං ගාථං අභාසථ:
අන්තලික්ඛෙ ඨිතො සත්ථා ඉමං ගාථං අභාසථ:
1845. “ඉමිනා ඵලදානෙන චෙතනා පණිධීහි ච,
කප්පානං සතසහස්සං දුග්ගති නූපගච්ඡති”.
කප්පානං සතසහස්සං දුග්ගති නූපගච්ඡති”.
1846. තෙනෙව සුක්කමූලෙන අනුභොත්වාන සම්පදා,
පත්තො’ම්භි අචලං ඨානං හිත්වා ජයපරාජයං.
පත්තො’ම්භි අචලං ඨානං හිත්වා ජයපරාජයං.
1847. ඉතො සත්තසතෙ කප්පෙ රාජා ආසිං සුමඞ්ගලො,
සත්තරතනසම්පන්නො චක්කවත්තී මහබ්බලො.
සත්තරතනසම්පන්නො චක්කවත්තී මහබ්බලො.
1848. පටිසම්භිදා -පෙ- කතං බුද්ධස්ස සාසනං.
ඉත්ථං සුදං ආයස්මා ඵලදායකො ථෙරො ඉමා ගාථායො අභාසිත්ථාති.
ඵලදායකත්ථෙරස්ස අපදානං සත්තමං.
128. ඤාණසඤ්ඤකත්ථෙරාපදානං.
1849. පබ්බතෙ හිමවන්තම්හි වසාමි පබ්බතන්තරෙ,
පුලිනං සොභනං දිස්වා බුද්ධසෙට්ඨං අනුස්සරිං.
පුලිනං සොභනං දිස්වා බුද්ධසෙට්ඨං අනුස්සරිං.
1850. “ඤාණෙ උපනිධා නත්ථි සඞ්ගාමං නත්ථි සත්ථුනො,
සබ්බං ධම්මං අභිඤ්ඤාය ඤාණෙන අධිමුච්චති.
සබ්බං ධම්මං අභිඤ්ඤාය ඤාණෙන අධිමුච්චති.
1851. නමො තෙ පුරිසාජඤ්ඤ නමො තෙ පුරිසුත්තම,
ඤාණෙන තෙ සමො නත්ථි යාවතා ඤාණමුත්තමං”.
ඤාණෙන තෙ සමො නත්ථි යාවතා ඤාණමුත්තමං”.
1852. ඤාණෙ චිත්තං පසාදෙත්වා කප්පං සග්ගම්හි මොදහං,
අවසෙසෙසු කප්පෙසු කුසලං කරිතං මයා.
අවසෙසෙසු කප්පෙසු කුසලං කරිතං මයා.
1853. එකනවුතෙ ඉතො කප්පෙ යං සඤ්ඤමලභිං තදා,
දුග්ගතිං නාභිජානාමි ඤාණසඤ්ඤායිදං ඵලං.
දුග්ගතිං නාභිජානාමි ඤාණසඤ්ඤායිදං ඵලං.
1854. ඉතො තෙසත්තතිකප්පෙ එකො පුලිනපුප්ඵියො,
සත්තරතනසම්පන්නො චක්කවත්තී මහබ්බලො.
සත්තරතනසම්පන්නො චක්කවත්තී මහබ්බලො.
1855. පටිසම්භිදා -පෙ- කතං බුද්ධස්ස සාසනං.
ඉත්ථං සුදං ආයස්මා ඤාණසඤ්ඤකො ථෙරො ඉමා ගාථායො අභාසිත්ථාති.
ඤාණසඤ්ඤකත්ථෙරස්ස අපදානං අට්ඨමං.
129. ගන්ධපුප්ඵියත්ථෙරාපදානං.
1856. සුවණ්ණවණ්ණො සම්බුද්ධො විපස්සී දක්ඛිණාරහො,
පුරක්ඛතො සාවකෙහි ආරාමා අභිනික්ඛමි.
පුරක්ඛතො සාවකෙහි ආරාමා අභිනික්ඛමි.
1857. දිස්වාන’හං බුද්ධසෙට්ඨං සබ්බඤ්ඤුං තමනාසකං,
පසන්නචිත්තො සුමනො ගන්ධපුප්ඵං අපූජයිං.
පසන්නචිත්තො සුමනො ගන්ධපුප්ඵං අපූජයිං.
1858. තෙන චිත්තප්පසාදෙන දිපදින්දස්ස තාදිනො,
හට්ඨො හට්ඨෙන චිත්තෙන පුන වන්දිං තථාගතං.
හට්ඨො හට්ඨෙන චිත්තෙන පුන වන්දිං තථාගතං.
1859. එකනවුතෙ ඉතො කප්පෙ යං පුප්ඵමභිරොපයිං,
දුග්ගතිං නාභිජානාමි බුද්ධපූජායිදං ඵලං.
දුග්ගතිං නාභිජානාමි බුද්ධපූජායිදං ඵලං.
1860. එකතාළීසි’තො කප්පෙ චරණො නාම ඛත්තියො,
සත්තරතනසම්පන්නො චක්කවත්තී මහබ්බලො.
සත්තරතනසම්පන්නො චක්කවත්තී මහබ්බලො.
1861. පටිසම්භිදා -පෙ- කතං බුද්ධස්ස සාසනං.
ඉත්ථං සුදං ආයස්මා ගන්ධපුප්ඵියො ථෙරො ඉමා ගාථායො අභාසිත්ථාති.
ගන්ධපුප්ඵියත්ථෙරස්ස අපදානං නවමං.
130. පදුමපූජකත්ථෙරාපදානං.
1862. හිමවන්තස්ස අවිදූරෙ ගොතමො නාම පබ්බතො,
නානාරුක්ඛෙහි සඤ්ඡන්නො මහාභූතගණාලයො.
නානාරුක්ඛෙහි සඤ්ඡන්නො මහාභූතගණාලයො.
1863. වෙමජ්ඣම්භි ච තස්සාසි අස්සමො අභිනිම්මිතො,
පුරක්ඛතො සසිස්සෙහි වසාමි අස්සමෙ අහං.
පුරක්ඛතො සසිස්සෙහි වසාමි අස්සමෙ අහං.
1864. “ආයන්තු මෙ සිස්සගණා පදුමං ආහරන්තු මෙ,
බුද්ධපූජං කරිස්සාම දිපදින්දස්ස තාදිනො”
බුද්ධපූජං කරිස්සාම දිපදින්දස්ස තාදිනො”
1865. එවන්ති තෙ පටිස්සුත්වා පදුමං ආහරිංසු මෙ,
තත්ථ නිමිත්තං කත්වා’හං බුද්ධස්ස අභිරොපයිං.
තත්ථ නිමිත්තං කත්වා’හං බුද්ධස්ස අභිරොපයිං.