106. උදකපූජකත්ථෙරාපදානං.
1639. සුවණ්ණවණ්ණං සම්බුද්ධං ගච්ඡන්තං අනිලඤ්ජසෙ,
ඝතාසනං’ව ජලිතං ආදිත්තං’ව හුතාසනං.
ඝතාසනං’ව ජලිතං ආදිත්තං’ව හුතාසනං.
1640. පාණිනා උදකං ගය්හ ආකාසෙ උක්ඛිපිං අහං,
සම්පටිච්ඡි මහාවීරො බුද්ධො කාරුණිකො ඉසි.
සම්පටිච්ඡි මහාවීරො බුද්ධො කාරුණිකො ඉසි.
1641. අන්තලික්ඛෙ ඨිතො සත්ථා පදුමුත්තරනාමකො,
මම සඞ්කප්පමඤ්ඤාය ඉමං ගාථං අභාසථ:
මම සඞ්කප්පමඤ්ඤාය ඉමං ගාථං අභාසථ:
1642. “ඉමිනොදකදානෙන පීතිඋප්පාදනෙන ච,
කප්පසතසහස්සම්හි දුග්ගතිං නූපපජ්ජති”.
කප්පසතසහස්සම්හි දුග්ගතිං නූපපජ්ජති”.
1643. තෙන කම්මෙන දිපදින්දෙ ලොකජෙට්ඨෙ නරාසභෙ,
පත්තොම්හි අචලං ඨානං හිත්වා ජයපරාජයං.
පත්තොම්හි අචලං ඨානං හිත්වා ජයපරාජයං.
1644. සහස්සරාජනාමෙන තයො තෙ චක්කවත්තිනො,
පඤ්චසට්ඨිකප්පසතෙ චාතුරන්තා ජනාධිපා.
පඤ්චසට්ඨිකප්පසතෙ චාතුරන්තා ජනාධිපා.
1645. පටිසම්භිදා -පෙ- කතං බුද්ධස්ස සාසනං.
ඉත්ථං සුදං ආයස්මා උදකපූජකො ථෙරො ඉමා ගාථායො අභාසිත්ථාති.
උදකපූජකත්ථෙරාපදානං චතුත්ථං.
107. නළමාලියත්ථෙරාපදානං.
1646. පදුමුත්තරබුද්ධස්ස ලොකජෙට්ඨස්ස තාදිනො,
තිණත්ථරෙ නිසින්නස්ස උපසන්තස්ස තාදිනො.
තිණත්ථරෙ නිසින්නස්ස උපසන්තස්ස තාදිනො.
1647. නළමාලං ගහෙත්වාන බන්ධිත්වා වීජනිං අහං,
බුද්ධස්ස උපනාමෙසිං දිපදින්දස්ස තාදිනො.
බුද්ධස්ස උපනාමෙසිං දිපදින්දස්ස තාදිනො.
1648. පටිග්ගහෙත්වා සබ්බඤ්ඤූ වීජනිං ලොකනායකො,
මම සඞ්කප්පමඤ්ඤාය ඉමං ගාථං අභාසථ:
මම සඞ්කප්පමඤ්ඤාය ඉමං ගාථං අභාසථ:
1649. “යථා මෙ කායො නිබ්බාති පරිළාහො න විජ්ජති,
තථෙව තිවිධග්ගීහි චිත්තං තව විමුච්චතු.”
තථෙව තිවිධග්ගීහි චිත්තං තව විමුච්චතු.”
1650. සබ්බෙ දෙවා සමාගච්ඡුං යෙ කෙචි වනනිස්සිතා
‘සොස්සාම බුද්ධවචනං හාසයන්තං ච දායකං’.
‘සොස්සාම බුද්ධවචනං හාසයන්තං ච දායකං’.
1651. නිසින්නො භගවා තත්ථ දෙවසංඝපුරක්ඛතො,
දායකං සම්පහංසෙන්තො ඉමා ගාථා අභාසථ:
දායකං සම්පහංසෙන්තො ඉමා ගාථා අභාසථ:
1652. “ඉමිනා වීජනිදානෙන චිත්තස්ස පණිධීහි ච,
සුබ්බතො නාම නාමෙන චක්කවත්තී භවිස්සති.
සුබ්බතො නාම නාමෙන චක්කවත්තී භවිස්සති.
1653. තෙන කම්මාවසෙසෙන සුක්කමූලෙන චොදිතො,
මාලුතො නාම නාමෙන චක්කවත්තී භවිස්සති.
මාලුතො නාම නාමෙන චක්කවත්තී භවිස්සති.
1654. ඉමිනා වීජනිදානෙන සම්මානවිපුලෙන ච,
කප්පසතසහස්සම්හි දුග්ගතිං නූපපජ්ජති.”
කප්පසතසහස්සම්හි දුග්ගතිං නූපපජ්ජති.”
1655. තිංසකප්පසහස්සම්හි සුබ්බතා අට්ඨතිංස තෙ,
එකූනතිංසසහස්සෙ අට්ඨ මාලුතනාමකා.
එකූනතිංසසහස්සෙ අට්ඨ මාලුතනාමකා.
1656. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා නළමාලියො ථෙරො ඉමා ගාථායො අභාසිත්ථාති.
නළමාලියත්ථෙරස්ස අපදානං සත්තමං.
සත්තමභාණවාරං නිට්ඨිතං.
108. ආසනූපට්ඨාපකත්ථෙරාපදානං.
1657. කානනං වනමොගය්හ අප්පසද්දං නිරාකුලං,
සීහාසනං මයා දින්නං අත්ථදස්සිස්ස තාදිනො.
සීහාසනං මයා දින්නං අත්ථදස්සිස්ස තාදිනො.
1658. මාලහත්ථං ගහෙත්වාන කත්වා ච නං පදක්ඛිණං,
සත්ථාරං පයිරුපාසිත්වා පක්කාමිං උත්තරාමුඛො.
සත්ථාරං පයිරුපාසිත්වා පක්කාමිං උත්තරාමුඛො.
1659. තෙන කම්මෙන දිපදින්දෙ ලොකජෙට්ඨෙ නරාසභෙ,
සන්නිබ්බාපෙමි අත්තානං භවා සබ්බෙ සමූහතා.
සන්නිබ්බාපෙමි අත්තානං භවා සබ්බෙ සමූහතා.
1660. අට්ඨාරසෙ කප්පසතෙ යං දානමදදිං තදා,
දුග්ගතිං නාභිජානාමි සීහාසනස්සිදං ඵලං.
දුග්ගතිං නාභිජානාමි සීහාසනස්සිදං ඵලං.
1661. ඉතො සත්තකප්පසතෙ සන්නිබ්බාපක ඛත්තියො,
සත්තරතනසම්පන්නො චක්කවත්තී මහබ්බලො.
සත්තරතනසම්පන්නො චක්කවත්තී මහබ්බලො.
1662. පටිසම්භිදා චතස්සො විමොක්ඛා’පි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා ආසනූපට්ඨාපකත්ථෙරො ඉමා ගාථායො අභාසිත්ථාති.
ආසනූපට්ඨාපකත්ථෙරස්ස අපදානං අට්ඨමං.