181. යස්ස යත්ථ කාමරාගානුසයො අප්පහීනො තස්ස තත්ථ පටිඝානුසයො අප්පහීනොති: න වත්තබ්බො පහීනොති වා අප්පහීනොති වා.

යස්ස වා පන යත්ථ පටිඝානුසයො අප්පහීනො තස්ස තත්ථ කාමරාගානුසයො අප්පහීනොති: න වත්තබ්බො පහීනොති වා අප්පහීනොති වා.

182. යස්ස යත්ථ කාමරාගානුසයො අප්පහීනො තස්ස තත්ථ මානානුසයො අප්පහීනොති: ආමන්තා.

යස්ස වා න යත්ථ මානානුසයො අප්පහීනො තස්ස තත්ථ කාමරාගානුසයො අප්පහීනොති: අනාගාමිස්ස රූපධාතුයා අරූපධාතුයා තස්ස තත්ථ මානානුසයො අප්පහීනො. කාමරාගානුසයො න වත්තබ්බො පහීනොති වා අප්පහීනොති වා. තස්සෙව පුග්ගලස්ස කාමධාතුයා ද්වීසු වෙදනාසු තස්ස තත්ථ මානානුසයො අප්පහීනො, නො ච තස්ස තත්ථ කාමරාගානුසයො අප්පහීනො. තිණ්ණං පුග්ගලානං රූපධාතුයා අරූපධාතුයා තෙසං තත්ථ මානානුසයො අප්පහීනො, කාමරාගානුසයො න වත්තබ්බො පහීනොති වා අප්පහීනොති වා. තෙසඤ්ඤෙව පුග්ගලානං කාමධාතුයා ද්වීසු වෙදනාසු තෙසං තත්ථ මානානුසයො ච අප්පහීනො, කාමරාගානුසයො ච අප්පහීනො.

183-184. යස්ස යත්ථ කාමරාගානුසයො අප්පහීනො තස්ස තත්ථ දිට්ඨානුසයො -පෙ- විචිකිච්ඡානුසයො අප්පහීනොති: ද්වින්නං පුග්ගලානං කාමධාතුයා ද්වීසු වෙදනාසු තෙසං තත්ථ කාමරාගානුසයො අප්පහීනො, නො ච තෙසං තත්ථ විචිකිච්ඡානුසයො අප්පහීනො. පුථුජ්ජනස්ස කාමධාතුයා ද්වීසු වෙදනාසු තස්ස තත්ථ කාමරාගානුසයො ච අප්පහීනො, විචිකිච්ඡානුසයො ච අප්පහීනො.

යස්ස වා පන යත්ථ විචිකිච්ඡානුසයො අප්පහීනො තස්ස තත්ථ කාමරාගානුසයො අප්පහීනොති: පුථුජ්ජනස්ස දුක්ඛාය වෙදනාය රූපධාතුයා අරූපධාතුයා තස්ස තත්ථ විචිකිච්ඡානුසයො අප්පහීනො, කාමරාගානුසයො න වත්තබ්බො පහීනොති වා අප්පහීනොති වා. තස්සෙව පුග්ගලස්ස කාමධාතුයා ද්වීසු වෙදනාසු තස්ස තත්ථ විචිකිච්ඡානුසයො ච අප්පහීනො, කාමරාගානුසයො ච අප්පහීනො.

185. යස්ස යත්ථ කාමරාගානුසයො අප්පහීනො තස්ස තත්ථ භවරාගානුසයො අප්පහීනොති: න වත්තබ්බො පහීනොති වා අප්පහීනොති වා.

යස්ස වා පන යත්ථ භවරාගානුසයො අප්පහීනො තස්ස තත්ථ කාමරාගානුසයො අප්පහීනොති: න වත්තබ්බො පහීනොති වා අප්පහීනොති වා.

186. යස්ස යත්ථ කාමරාගානුසයො අප්පහීනො තස්ස තත්ථ අවිජ්ජානුසයො අප්පහීනොති: ආමන්තා.

යස්ස වා පන යත්ථ අවිජ්ජානුසයො අප්පහීනො තස්ස තත්ථ කාමරාගානුසයො අප්පහීනොති: අනාගාමිස්ස දුක්ඛාය වෙදනාය රූපධාතුයා අරූපධාතුයා තස්ස තත්ථ අවිජ්ජානුසයො අප්පහීනො, කාමරාගානුසයො න වත්තබ්බො පහීනොති වා අප්පහීනොති වා. තස්සෙව පුග්ගලස්ස කාමධාතුයා ද්වීසු වෙදනාසු තස්ස තත්ථ අවිජ්ජානුසයො අප්පහීනො, නො ච තස්ස තත්ථ කාමරාගානුසයො අප්පහීනො. තිණ්ණං පුග්ගලානං දුක්ඛාය වෙදනාය රූපධාතුයා අරූපධාතුයා තෙසං තත්ථ අවිජ්ජානුසයො අප්පහීනො, කාමරාගානුසයො න වත්තබ්බො පහීනොති වා අප්පහීනොති වා. තෙසඤ්ඤෙව පුග්ගලානං කාමධාතුයා ද්වීසු වෙදනාසු තෙසං තත්ථ අවිජ්ජානුසයො ච අප්පහීනො, කාමරාගානුසයො ච අප්පහීනො.

187. යස්ස යත්ථ පටිඝානුසයො අප්පහීනො තස්ස තත්ථ මානානුසයො අප්පහීනොති: න වත්තබ්බො පහීනොති වා අප්පහීනොති වා.

යස්ස වා පන යත්ථ මානානුසයො අප්පහීනො තස්ස තත්ථ පටිඝානුසයො අප්පහීනොති: න වත්තබ්බො පහීනොති වා අප්පහීනොති වා.