108. යස්ස කාමරාගානුසයො උප්පජ්ජති තස්ස පටිඝානුසයො උප්පජ්ජතීති: ආමන්තා.

යස්ස වා පන පටිඝානුසයො උප්පජ්ජති තස්ස කාමරාගානුසයො උප්පජ්ජතීති: ආමන්තා.

යස්ස කාමරාගානුසයො උප්පජ්ජති තස්ස මානානුසයො උප්පජ්ජතීති: ආමන්තා.

යස්ස වා පන මානානුසයො උප්පජ්ජති තස්ස කාමරාගානුසයො උප්පජ්ජතීති: අනාගාමිස්ස මානානුසයයො උප්පජ්ජති, නො ච තස්ස කාමරාගානුසයො උප්පජ්ජති, තිණ්ණං පුග්ගලානං මානානුසයො ච උප්පජ්ජති, කාමරාගානුසයො ච උප්පජ්ජති. (විත්ථාරෙතබ්බං)

109-216. යස්ස කාමරාගානුසයො නූප්පජ්ජති තස්ස පටිඝානුසයො නූප්පජ්ජතීති: ආමන්තා.

යස්ස වා පන පටිඝානුසයො නූප්පජ්ජති තස්ස කාමරාගානුසයො නූප්පජ්ජතීති: ආමන්තා.

යස්ස කාමරාගානුසයො නූප්පජ්ජති තස්ස මානානුසයො නූප්පජ්ජතීති: අනාගාමිස්ස කාමරාගානුසයො නූප්පජ්ජති, නො ච තස්ස මානානුසයො නූප්පජ්ජති. අරහතො කාමරාගානුසයො ච නූප්පජ්ජති, මානානුසයො ච නූප්පජ්ජති.

යස්ස වා පන මානානුසයො නූප්පජ්ජති තස්ස කාමරාගානුසයො නූප්පජ්ජතීති: ආමන්තා. (විත්ථාරෙතබ්බං)

1. කාමධාතුයා චුතස්ස කාමධාතුං උපපජ්ජන්තස්ස කති අනුසයා අනුසෙන්ති: කති අනුසයා නානුසෙන්ති: කති අනුසයා භඞ්ගා:

2. කාමධාතුයා චුතස්ස රූපධාතුං උපපජ්ජන්තස්ස කති අනුසයා අනුසෙන්ති: කති අනුසයා නානුසෙන්ති: කති අනුසයො භඞ්ගා:

3. කාමධාතුයා චුතස්ස අරූපධාතුං උපපජ්ජන්තස්ස කති අනුසයා අනුසෙන්ති: කති අනුසයා නානුසෙන්ති: කති අනුසයා භඞ්ගා:

4. කාමධාතුයා චුතස්ස න කාමධාතුං උපපජ්ජන්තස්ස කති අනුසයා අනුසෙන්ති: කති අනුසයා නානුසෙන්ති: කති අනුසයා භඞ්ගා:

5. කාමධාතුයා චුතස්ස න රූපධාතුං උපපජ්ජන්තස්ස කති අනුසයා අනුසෙන්ති: කති අනුසයා නානුසෙන්ති: කති අනුසයා භඞ්ගා:

6. කාමධාතුයා චුතස්ස න අරූපධාතුං උපපජ්ජන්තස්ස කති අනුසයා අනුසෙන්ති: කති අනුසයා නානුසෙන්ති: කති අනුසයා භඞ්ගා:

7. කාමධාතුයා චුතස්ස න කාමධාතුං න අරූපධාතුං උපපජ්ජන්තස්ස කති අනුසයා අනුසෙන්ති: කති අනුසයා නානුසෙන්ති: කති අනුසයා භඞ්ගා:

8. කාමධාතුයා චුතස්ස න රූපධාතුං න අරූපධාතුං උපපජ්ජන්තස්ස කති අනුසයා අනුසෙන්ති: කති අනුසයා නානුසෙන්ති: කති අනුසයා භඞ්ගා:

9. කාමධාතුයා චුතස්ස න කාමධාතුං න රූපධාතුං උපපජ්ජන්තස්ස කති අනුසයා අනුසෙන්ති: කති අනුසයා නානුසෙන්ති: කති අනුසයා භඞ්ගා: (කාමධාතුමූලකං)