145. යත්ථ කාමරාගානුසයො අප්පහීනො තත්ථ පටිඝානුසයො අප්පහීනොති: න වත්තබ්බො පහීනොති වා අප්පහීනොති වා.

යත්ථ වා පන පටිඝානුසයො අප්පහීනො තත්ථ කාමරාගානුසයො අප්පහීනොති: න වත්තබ්බො පහීනොති වා අප්පහීනොති වා.

146. යත්ථ කාමරාගානුසයො අප්පහීනො තත්ථ මානානුසයො අප්පහීනොති: ආමන්තා.

යත්ථ වා පන මානානුසයො අප්පහීනො තත්ථ කාමරාගානුසයො අප්පහීනොති: රූපධාතුයා අරූපධාතුයා එත්ථ මානානුසයො අප්පහීනො, කාමරාගානුසයො න වත්තබ්බො පහීනොති වා අප්පහීනොති වා, කාමධාතුයා ද්වීසු වෙදනාසු එත්ථ මානානුසයො ච අප්පහීනො, කාමරාගානුසයො ච අප්පහීනො.

147-148. යත්ථ කාමරාගානුසයො අප්පහීනො තත්ථ දිට්ඨානුසයො -පෙ- විචිකිච්ඡානුසයො අප්පහීනොති: ආමන්තා.

යත්ථ වා පන විචිකිච්ඡානුසයො අප්පහීනො තත්ථ කාමරාගානුසයො අප්පහීනොති: දුක්ඛාය වෙදනාය රූපධාතුයා අරූපධාතුයා එත්ථ විචිකිච්ඡානුසයො අප්පහීනො, කාමරාගානුසයො න වත්තබ්බො පහීනොති වා වා අප්පහීනොති වා, කාමධාතුයා ද්වීසු වෙදනාසු එත්ථ විචිකිච්ඡානුසයො ච අප්පහීනො, කාමරාගානුසයො ච අප්පහීනො.

149. යත්ථ කාමරාගානුසයො අප්පහීනො තත්ථ භවරාගානුසයො අප්පහීනොති: න වත්තබ්බො පහීනොති වා අප්පහීනොති වා.

යත්ථ වා පන භවරාගානුසයො අප්පහීනො තත්ථ කාමරාගානුසයො අප්පහීනොති: න වත්තබ්බො පහීනොති වා අප්පහීනොති වා.

150. යත්ථ කාමරාගානුසයො අප්පහීනො තත්ථ අවිජ්ජානුසයො අප්පහීනොති: ආමන්තා.

යත්ථ වා පන අවිජ්ජානුසයො අප්පහීනො තත්ථ කාමරාගානුසයො අප්පහීනොති: දුක්ඛාය වෙදනාය රූපධාතුයා අරූපධාතුයා එත්ථ අවිජ්ජානුසයො අප්පහීනො, කාමරාගානුසයො න වත්තබ්බො පහීනොති වා අප්පහීනොති වා. කාමධාතුයා ද්වීසු වෙදනාසු එත්ථ අවිජ්ජානුසයො ච අප්පහීනො, කාමරාගානුසයො ච අප්පහීනො.

151. යත්ථ පටිඝානුසයො අප්පහීනො තත්ථ මානානුසයො අප්පහීනොති: න වත්තබ්බො පහීනොති වා අප්පහීනොති වා.

යත්ථ වා පන මානානුසයො අප්පහීනො තත්ථ පටිඝානුසයො අප්පහීනොති: න වත්තබ්බො පහීනොති වා අප්පහීනොති වා.