109. යස්ස කාමරාගානුසයො අප්පහීනො තස්ස පටිඝානුසයො අප්පහීනොති: ආමන්තා.

යස්ස වා පන පටිඝානුසයො අප්පහීනො තස්ස කාමරාගානුසයො අප්පහීනොති: ආමන්තා.

110. යස්ස කාමරාගානුසයො අප්පහීනො තස්ස මානානුසයො අප්පහීනොති: ආමන්තා.

යස්ස වා පන මානානුසයො අප්පහීනො, තස්ස කාමරාගානුසයො අප්පහීනොති: අනාගාමිස්ස මානානුසයො අප්පහීනො, නො ච තස්ස කාමරාගානුසයො අප්පහීනො. තිණ්ණං පුග්ගලානං මානානුසයො ච අප්පහීනො, කාමරාගානුසයො ච අප්පහීනො.

111-112. යස්ස කාමරාගානුසයො අප්පහීනො තස්ස දිට්ඨානුසයො -පෙ- විචිකිච්ඡානුසයො අප්පහීනොති: ද්වින්නං පුග්ගලානං කාමරාගානුසයො අප්පහීනො, නො ච තෙසං විචිකිච්ඡානුසයො අප්පහීනො. පුථුජ්ජනස්ස කාමරාගානුසයො ච අප්පහීනො, විචිකිච්ඡානුසයො ච අප්පහීනො.

යස්ස වා පන විචිකිච්ඡානුසයො අප්පහීනො තස්ස කාමරාගානුසයො අප්පහීනොති: ආමන්තා.

113-114. යස්ස කාමරාගානුසයො අප්පහීනො තස්ස භවරාගානුසයො -පෙ- අවිජ්ජානුසයො අප්පහීනොති: ආමන්තා.

යස්ස වා පන අවිජ්ජානුසයො අප්පහීනො තස්ස කාමරාගානුසයො අප්පහීනොති: අනාගාමිස්ස අවිජ්ජානුසයො අප්පහීනො, නො ච තස්ස කාමරාගානුසයො අප්පහීනො. තිණ්ණං පුග්ගලානං අවිජ්ජානුසයො ච අප්පහීනො, කාමරාගානුසයො ච අප්පහීනො.

115. යස්ස පටිඝානුසයො අප්පහීනො තස්ස මානානුසයො අප්පහීනොති: ආමන්තා.

යස්ස වා පන මානානුසයො අප්පහීනො තස්ස පටිඝානුසයො අප්පහීනොති: අනාගාමිස්ස මානානුසයො අප්පහීනො, නො ච තස්ස පටිඝානුසයො අප්පහීනො. තිණ්ණං පුග්ගලානං මානානුසයො ච අප්පහීනො, පටිඝානුසයො ච අප්පහීනො.

116-117. යස්ස පටිඝානුසයො අප්පහීනො තස්ස දිට්ඨානුසයො -පෙ- විචිකිච්ඡානුසයො අප්පහීනොති: ද්වින්නං පුග්ගලානං පටිඝානුසයො අප්පහීනො, නො ච තෙසං විචිකිච්ඡානුසයො අප්පහීනො පුථුජ්ජනස්ස පටිඝානුසයො ච අප්පහීනො, විචිකිච්ඡානුසයො ච අප්පහීනො.

යස්ස වා පන විචිකිච්ඡානුසයො අප්පහීනො තස්ස පටිඝානුසයො අප්පහීනොති: ආමන්තා.