73. යස්ස යත්ථ කාමරාගානුසයො පහීනො තස්ස තත්ථ පටිඝානුසයො පහීනොති: න වත්තබ්බො පහීනොති වා අප්පහීනොති වා.
යස්ස වා පන යත්ථ පටිඝානුසයො පහීනො තස්ස තත්ථ කාමරාගානුසයො පහීනොති: න වත්තබ්බො පහීනොති වා අප්පහීනොති වා.
74. යස්ස යත්ථ කාමරාගානුසයො පහීනො තස්ස තත්ථ මානානුසයො පහීනොති: අනාගාමිස්ස කාමධාතුයා ද්වීසු වෙදනාසු තස්ස තත්ථ කාමරාගානුසයො පහීනො, නො ච තස්ස තත්ථ මානානුසයො පහීනො. අරහතො කාමධාතුයා ද්වීසු වෙදනාසු තස්ස තත්ථ කාමරාගානුසයො ච පහීනො, මානානුසයො ච පහීනො.
යස්ස වා පන යත්ථ මානානුසයො පහීනො තස්ස තත්ථ කාමරාගානුසයො පහීනොති: අරහතො රූපධාතුයා අරූපධාතුයා තස්ස තත්ථ මානානුසයො පහීනො, කාමරාගානුසයො න වත්තබ්බො පහීනොති වා අප්පහීනොති වා. තස්සෙව පුග්ගලස්ස කාමධාතුයා ද්වීසු වෙදනාසු තස්ස තත්ථ මානානුසයො ච පහීනො, කාමරාගානුසයො ච පහීනො.
75. යස්ස යත්ථ කාමරාගානුසයො පහීනො තස්ස තත්ථ දිට්ඨානුසයො පහීනොති: ආමන්තා.
යස්ස වා පන යත්ථ දිට්ඨානුසයො පහීනො තස්ස තත්ථ කාමරාගානුසයො පහීනොති: ද්වින්නං පුග්ගලානං දුක්ඛාය වෙදනාය රූපධාතුයා අරූපධාතුයා තෙසං තත්ථ දිට්ඨානුසයො පහීනො, කාමරාගානුසයො න වත්තබ්බො පහීනොති වා අප්පහීනොති වා. තෙසඤ්ඤෙව පුග්ගලානං කාමධාතුයා ද්වීසු වෙදනාසු තෙසං තත්ථ දිට්ඨානුසයො පහීනො, නො ච තෙසං තත්ථ කාමරාගානුසයො පහීනො, ද්වින්නං පුග්ගලානං දුක්ඛාය වෙදනාය රූපධාතුයා අරූපධාතුයා තෙසං තත්ථ දිට්ඨානුසයො පහීනො, කාමරාගානුසයො න වත්තබ්බො පහීනොති වා අප්පහීනොති වා. තෙසඤ්ඤෙව පුග්ගලානං කාමධාතුයා ද්වීසු වෙදනාසු තෙසං තත්ථ දිට්ඨානුසයො ච පහීනො, කාමරාගානුසයො ච පහීනො.
76. යස්ස යත්ථ කාමරාගානුසයො පහීනො තස්ස තත්ථ විචිකිච්ඡානුසයො පහීනොති: ආමන්තා.
යස්ස වා පන යත්ථ විචිකිච්ඡානුසයො පහීනො තස්ස තත්ථ කාමරාගානුසයො පහීනොති: ද්වින්නං පුග්ගලානං දුක්ඛාය වෙදනාය රූපධාතුයා අරූපධාතුයා තෙසං තත්ථ විචිකිච්ඡානුසයො පහීනො, කාමරාගානුසයො න වත්තබ්බො පහීනොති වා අප්පහීනොති වා. තෙසඤ්ඤෙව පුග්ගලානං කාමධාතුයා ද්වීසු වෙදනාසු තෙසං තත්ථ විචිකිච්ඡානුසයො පහීනො, නො ච තෙසං තත්ථ කාමරාගානුසයො පහීනො, ද්වින්නං පුග්ගලානං දුක්ඛාය වෙදනාය රූපධාතුයා අරූපධාතුයා තෙසං තත්ථ විචිකිච්ඡානුසයො පහීනො, කාමරාගානුසයො න වත්තබ්බො පහීනොති වා අප්පහීනොති වා. තෙසඤ්ඤෙව පුග්ගලානං කාමධාතුයා ද්වීසු වෙදනාසු තෙසං තත්ථ විචිකිච්ඡානුසයො ච පහීනො, කාමරාගානුසයො ච පහීනො.
77. යස්ස යත්ථ කාමරාගානුසයො පහීනො තස්ස තත්ථ භවරාගානුසයො පහීනොති: න වත්තබ්බො පහීනොති වා අප්පහීනොති වා.
යස්ස වා පන යත්ථ භවරාගානුසයො පහීනො තස්ස තත්ථ කාමරාගානුසයො පහීනොති: න වත්තබ්බො පහීනොති වා අප්පහීනොති වා.