37. යත්ථ කාමරාගානුසයො පහීනො තත්ථ පටිඝානුසයො පහීනොති: න වත්තබ්බො පහීනොති වා අප්පහීනොති වා.

යත්ථ වා පන පටිඝානුසයො පහීනො තත්ථ කාමරාගානුසයො පහීනොති: න වත්තබ්බො පහීනොති වා අප්පහීනොති වා.

38. යත්ථ කාමරාගානුසයො පහීනො තත්ථ මානානුසයො පහීනොති: ආමන්තා.

යත්ථ වා පන මානානුසයො පහීනො තත්ථ කාමරාගානුසයො පහීනොති: රූපධාතුයා අරූපධාතුයා එත්ථ මානානුසයො පහීනො. කාමරාගානුසයො න වත්තබ්බො පහීනොති වා අප්පහීනොති වා. කාමධාතුයා ද්වීසු වෙදනාසු එත්ථ මානානුසයො ච පහීනො, කාමරාගානුසයො ච පහීනො.

39-40. යත්ථ කාමරාගානුසයො පහීනො තත්ථ දිට්ඨානුසයො -පෙ- විචිකිච්ඡානුසයො පහීනොති: ආමන්තා.

යත්ථ වා පන විචිකිච්ඡානුසයො පහීනො තත්ථ කාමරාගානුසයො පහීනොති: දුක්ඛාය වෙදනාය රූපධාතුයා අරූපධාතුයා එත්ථ විචිකිච්ඡානුසයො පහීනො, කාමරාගානුසයො න වත්තබ්බො පහීනොති වා අප්පහීනොති වා. කාමධාතුයා ද්වීසු වෙදනාසු එත්ථ විචිකිච්ඡානුසයො ච පහීනො, කාමරාගානුසයො ච පහීනො.

41. යත්ථ කාමරාගානුසයො පහීනො තත්ථ භවරාගානුසයො පහීනොති: න වත්තබ්බො පහීනොති වා අප්පහීනොති වා.

යත්ථ වා පන භවරාගානුසයො පහීනො තත්ථ කාමරාගානුසයො පහීනොති: න වත්තබ්බො පහීනොති වා අප්පහීනොති වා.

42. යත්ථ කාමරාගානුසයො පහීනො තත්ථ අවිජ්ජානුසයො පහීනොති: ආමන්තා.

යත්ථ වා පන අවිජ්ජානුසයො පහීනො තත්ථ කාමරාගානුසයො පහීනොති: දුක්ඛාය වෙදනාය රූපධාතුයා අරූපධාතුයා එත්ථ අවිජ්ජානුසයො පහීනො, කාමරාගානුසයො න වත්තබ්බො පහීනොති වා අප්පහීනොති වා. කාමධාතුයා ද්වීසු වෙදනාසු එත්ථ අවිජ්ජානුසයො ච පහීනො, කාමරාගානුසයො ච පහීනො.

43. යත්ථ පටිඝානුසයො පහීනො තත්ථ මානානුසයො පහීනොති: න වත්තබ්බො පහීනොති වා අප්පහීනොති වා.

යත්ථ වා පන මානානුසයො පහීනො තත්ථ පටිඝානුසයො පහීනොති: න වත්තබ්බො පහීනොති වා අප්පහීනොති වා.