181. යො යතො කාමරාගානුසයං න පරිජානාති සො තතො පටිඝානුසයං න පරිජානාතීති: අනාගාමිමග්ගසමඞ්ගී දුක්ඛාය වෙදනාය සො තතො කාමරාගානුසයං න පරිජානාති, නො ච සො තතො පටිඝානුසයං න පරිජානාති. ස්වෙව පුග්ගලො රූපධාතුයා අරූපධාතුයා අපරියාපන්නෙ සො තතො කාමරාගානුසයඤ්ච න පරිජානාති, පටිඝානුසයඤ්ච න පරිජානාති. අනාගාමිමග්ගසමඞ්ගිං ඨපෙත්වා අවසෙසා පුග්ගලා සබ්බත්ථ කාමරාගානුසයඤ්ච න පරිජානන්ති, පටිඝානුසයඤ්ච න පරිජානන්ති.
යො වා පන යතො පටිඝානුසයං න පරිජානාති සො තතො කාමරාගානුසයං න පරිජානාතීති: අනාගාමිමග්ගසමඞ්ගී කාමධාතුයා ද්වීසු වෙදනාසු සො තතො පටිඝානුසයං න පරිජානාති, නො ච සො තතො කාමරාගානුසයං න පරිජානාති. ස්වෙව පුග්ගලො රූපධාතුයා අරූපධාතුයා අපරියාපන්නෙ සො තතො පටිඝානුසයඤ්ච න පරිජානාති, කාමරාගානුසයඤ්ච න පරිජානාති. අනාගාමිමග්ගසමඞ්ගිං ඨපෙත්වා අවසෙසා පුග්ගලා සබ්බත්ථ පටිඝානුසයඤ්ච න පරිජානන්ති. කාමරාගානුසයඤ්ච න පරිජානන්ති.
182. යො යතො කාමරාගානුසයං න පරිජානාති සො තතො මානානුසයං න පරිජානාතීති: අග්ගමග්ගසමඞ්ගී කාමධාතුයා ද්වීසු වෙදනාසු රූපධාතුයා අරූපධාතුයා සො තතො කාමරාගානුසයං න පරිජානාති, නො ච සො තතො මානානුසයං න පරිජානාති. ස්වෙව පුග්ගලො දුක්ඛාය වෙදනාය අපරියාපන්නෙ සො තතො කාමරාගානුසයඤ්ච න පරිජානාති, මානානුසයඤ්ච න පරිජානාති, ද්වින්නං මග්ගසමඞ්ගීනං ඨපෙත්වා අවසෙසා පුග්ගලා සබ්බත්ථ කාමරාගානුසයඤ්ච න පරිජානන්ති, මානානුසයඤ්ච න පරිජානන්ති.
යො වා පන යතො මානානුසයං න පරිජානාති සො තතො කාමරාගානුසයං න පරිජානාතීති: අනාගාමිමග්ගසමඞ්ගී කාමධාතුයා ද්වීසු වෙදනාසු සො තතො මානානුසයං න පරිජානාති, නො ච සො තතො කාමරාගානුසයං න පරිජානාති. ස්වෙව පුග්ගලො දුක්ඛාය වෙදනාය රූපධාතුයා අරූපධාතුයා අපරියාපන්නෙ සො තතො මානානුසයඤ්ච න පරිජානාති, කාමරාගානුසයඤ්ච න පරිජානාති. ද්වින්නං මග්ගසමඞ්ගීනං ඨපෙත්වා අවසෙසා පුග්ගලා සබ්බත්ථ මානානුසයඤ්ච න පරිජානන්ති, කාමරාගානුසයඤ්ච න පරිජානන්ති.
183-184. යො යතො කාමරාගානුසයං න පරිජානාති සො තතො දිට්ඨානුසයං -පෙ- විචිකිච්ඡානුසයං න පරිජානාතීති: අට්ඨමකො කාමධාතුයා තීසු වෙදනාසු රූපධාතුයා අරූපධාතුයා සො තතො කාමරාගානුසයං න පරිජානාති, නො ච සො තතො විචිකිච්ඡානුසයං න පරිජානාති. ස්වෙව පුග්ගලො අපරියාපන්නෙ සො තතො කාමරාගානුසයඤ්ච න පරිජානාති, විචිකිච්ඡානුසයඤ්ච න පරිජානාති. අනාගාමිමග්ගසමඞ්ගිඤ්ච අට්ඨමකඤ්ච ඨපෙත්වා අවසෙසා පුග්ගලා සබ්බත්ථ කාමරාගානුසයඤ්ච න පරිජානන්ති, විචිකිච්ඡානුසයඤ්ච න පරිජානන්ති.
යො වා පන යතො විචිකිච්ඡානුසයං න පරිජානාති සො තතො කාමරාගානුසයං න පරිජානාතීති: අනාගාමිමග්ගසමඞ්ගී කාමධාතුයා ද්වීසු වෙදනාසු සො තතො විචිකිච්ඡානුසයං න පරිජානාති, නො ච සො තතො කාමරාගානුසයං න පරිජානාති. ස්වෙව පුග්ගලො දුක්ඛාය වෙදනාය රූපධාතුයා අරූපධාතුයා අපරියාපනෙ සො තතො විචිකිච්ඡානුසයඤ්ච න පරිජානාති, කාමරාගානුසයඤ්ච න පරිජානාති. අනාගාමිමග්ගසමඞ්ගිඤ්ච අට්ඨමකඤ්ච ඨපෙත්වා අවසෙසා පුග්ගලා සබ්බත්ථ විචිකිච්ඡානුසයඤ්ච න පරිජානන්ති, කාමරාගානුසයඤ්ච න පරිජානන්ති.