1. යො කාමරාගානුසයං පරිජානාති සො පටිඝානුසයං පරිජානාතීති: ආමන්තා.

යො වා පන පටිඝානුසයං පරිජානාති සො කාමරාගානුසයං පරිජානාතීති: ආමන්තා.

2. යො කාමරාගානුසයං පරිජානාති සො මානානුසයං පරිජානාතීති: තදෙකට්ඨං පරිජානාති.

යො වා පන මානානුසයං පරිජානාති සො කාමරාගානුසයං පරිජානාතීති: නො.

3-4. යො කාමරාගානුසයං පරිජානාති සො දිට්ඨානුසයං -පෙ- විචිකිච්ඡානුසයං පරිජානාතීති: නො.

යො වා පන විචිකිච්ඡානුසයං පරිජානාති සො කාමරාගානුසයං පරිජානාතීති: තදෙකට්ඨං පරිජානාති.

5-6. යො කාමරාගානුසයං පරිජානාති සො භවරාගානුසයං -පෙ- අවිජ්ජානුසයං පරිජානාතීති: තදෙකට්ඨං පරිජානාති.

යො වා පන අවිජ්ජානුසයං පරිජානාති සො කාමරාගානුසයං පරිජානාතීති: නො.

7. යො පටිඝානුසයං පරිජානාති සො මානානුසයං පරිජානාතීති: තදෙකට්ඨං පරිජානාති.

යො වා පන මානානුසයං පරිජානාති සො පටිඝානුසයං පරිජානාතීති: නො.

8-9. යො පටිඝානුසයං පරිජානාති සො දිට්ඨානුසයං -පෙ- විචිකිච්ඡානුසයං පරිජානාතීති: නො.

යො වා පන විචිකිච්ඡානුසයං පරිජානාති සො පටිඝානුසයං පරිජානාතීති: තදෙකට්ඨං පරිජානාති.

10-11. යො පටිඝානුසයං පරිජානාති සො භවරාගානුසයං -පෙ- අවිජ්ජානුසයං පරිජානාතීති: තදෙකට්ඨං පරිජානාති.

යො වා පන අවිජ්ජානුසයං පරිජානාති සො පටිඝානුසයං පරිජානාතීති: නො.

12-13. යො මානානුසයං පරිජානාති සො දිට්ඨානුසයං -පෙ- විචිකිච්ඡානුසයං පරිජානාතීති: නො.

යො වා පන විචිකිච්ඡානුසයං පරිජානාති සො මානානුසයං පරිජානාතීති: තදෙකට්ඨං පරිජානාති.

14-15. යො මානානුසයං පරිජානාති සො භවරාගානුසයං -පෙ- අවිජ්ජානුසයං පරිජානාතීති: ආමන්තා.

යො වා පන අවිජ්ජානුසයං පරිජානාති සො මානානුසයං පරිජානාතීති: ආමන්තා.

16-18. යො දිට්ඨානුසයං පරිජානාති සො විචිකිච්ඡානුසයං -පෙ- පරිජානාතීති: ආමන්තා.

යො වා පන විචිකිච්ඡානුසයං පරිජානාති සො දිට්ඨානුසයං පරිජානාතීති: ආමන්තා. -පෙ-

19-20. යො විචිකිච්ඡානුසයං පරිජානාති සො භවරාගානුසයං -පෙ- අවිජ්ජානුසයං පරිජානාතීති: තදෙකට්ඨං පරිජානාති.

යො වා පන අවිජ්ජානුසයං පරිජානාති සො විචිකිච්ඡානුසයං පරිජානාතීති: නො.

21. යො භවරාගානුසයං පරිජානාති සො අවිජ්ජානුසයං පරිජානාතීති: ආමන්තා.

යො වා පන අවිජ්ජානුසයං පරිජානාති සො භවරාගානුසයං පරිජානාතීති: ආමන්තා. (එකමූලකං)

22. යො කාමරාගානුසයඤ්ච පටිඝානුසයඤ්ච පරිජානාති සො මානානුසයං පරිජානාතීති: තදෙකට්ඨං පරිජානාති.

යො වා පන මානානුසයං පරිජානාති සො කාමරාගානුසයඤ්ච පටිඝානුසයඤ්ච පරිජානාතීති: නො.

23-24. යො කාමරාගානුසයඤ්ච පටිඝානුසයඤ්ච පරිජානාති සො දිට්ඨානුසයං -පෙ- විචිකිච්ඡානුසයං පරිජානාතීති: නො.

යො වා පන විචිකිච්ඡානුසයං පරිජානාති සො කාමරාගානුසයඤ්ච පටිඝානුසයඤ්ච පරිජානාතීති: තදෙකට්ඨං පරිජානාති.