145. යතො කාමරාගානුසයං න පරිජානාති තතො පටිඝානුසයං න පරිජානාතීති: දුක්ඛාය වෙදනාය තතො කාමරාගානුසයං න පරිජානාති, නො ච තතො පටිඝානුසයං න පරිජානාති, රූපධාතුයා අරූපධාතුයා අපරියාපන්නෙ තතො කාමරාගානුසයඤ්ච න පරිජානාති, පටිඝානුසයඤ්ච න පරිජානාති.

යතො වා පන පටිඝානුසයං න පරිජානාති තතො කාමරාගානුසයං න පරිජානාතීති: කාමධාතුයා ද්වීසු වෙදනාසු තතො පටිඝානුසයං න පරිජානාති, නො ච තතො කාමරාගානුසයං න පරිජානාති. රූපධාතුයා අරූපධාතුයා අපරියාපන්නෙ තතො පටිඝානුසයඤ්ච න පරිජානාති, කාමරාගානුසයඤ්ච න පරිජානාති.

146. යතො කාමරාගානුසයං න පරිජානාති තතො මානානුසයං න පරිජානාතීති: රූපධාතුයා අරූපධාතුයා තතො කාමරාගානුසයං න පරිජානාති, නො ච තතො මානානුසයං න පරිජානාති, දුක්ඛාය වෙදනාය අපරියාපන්නෙ තතො කාමරාගානුසයඤ්ච න පරිජානාති. මානානුසයඤ්ච න පරිජානාති.

යතො වා පන මානානුසයං න පරිජානාති තතො කාමරාගානුසයං න පරිජානාතීති: ආමන්තා.

147-148. යතො කාමරාගානුසයං න පරිජානාති තතො දිට්ඨානුසයං -පෙ- විචිකිච්ඡානුසයං න පරිජානාතීති: දුක්ඛාය වෙදනාය රූපධාතුයා අරූපධාතුයා තතො කාමරාගානුසයං න පරිජානාති, නො ච තතො විචිකිච්ඡානුසයං න පරිජානාති, අපරියාපන්නෙ තතො කාමරාගානුසයඤ්ච න පරිජානාති, විචිකිච්ඡානුසයඤ්ච න පරිජානාති.

යතො වා පන විචිකිච්ඡානුසයං න පරිජානාති තතො කාමරාගානුසයං න පරිජානාතීති: ආමන්තා.

149. යතො කාමරාගානුසයං න පරිජානාති තතො භවරාගානුසයං න පරිජානාතීති: රූපධාතුයා අරූපධාතුයා තතො කාමරාගානුසයං න පරිජානාති, නො ච තතො භවරාගානුසයං න පරිජානාති, දුක්ඛාය වෙදනාය අපරියාපන්නෙ තතො කාමරාගානුසයඤ්ච න පරිජානාති, භවරාගානුසයඤ්ච න පරිජානාති.

යතො වා පන භවරාගානුසයං න පරිජානාති තතො කාමරාගානුසයං න පරිජානාතීති: කාමධාතුයා ද්වීසු වෙදනාසු තතො භවරාගානුසයං න පරිජානාති, නො ච තතො කාමරාගානුසයං න පරිජානාති, දුක්ඛාය වෙදනාය අපරියාපන්නෙ තතො භවරාගානුසයඤ්ච න පරිජානාති, කාමරාගානුසයඤ්ච න පරිජානාති.

150. යතො කාමරාගානුසයං න පරිජානාති තතො අවිජ්ජානුසයං න පරිජානාතීති: දුක්ඛාය වෙදනාය රූපධාතුයා අරූපධාතුයා තතො කාමරාගානුසයං න පරිජානාති, නො ච තතො අවිජ්ජානුසයං න පරිජානාති, අපරියාපන්නෙ තතො කාමරාගානුසයඤ්ච න පරිජානාති, අවිජ්ජානුසයඤ්ච න පරිජානාති.

යතො වා පන අවිජ්ජානුසයං න පරිජානාති තතො කාමරාගානුසයං න පරිජානාතීති: ආමන්තා.