181. යො යතො කාමරාගානුසයං නප්පජහති සො තතො පටිඝානුසයං නප්පජහතීති: අනාගාමිමග්ගසමඞ්ගී දුක්ඛාය වෙදනාය සො තතො කාමරාගානුසයං නප්පජහති, නො ච සො තතො පටිඝානුසයං නප්පජහති. ස්වෙව පුග්ගලො රූපධාතුයා අරූපධාතුයා අපරියාපන්නෙ සො තතො කාමරාගානුසයඤ්ච නප්පජහති, පටිඝානුසයඤ්ච නප්පජහති. අනාගාමිමග්ගසමඞ්ගිං ඨපෙත්වා අවසෙසා පුග්ගලා සබ්බත්ථ කාමරාගානුසයඤ්ච නප්පජහන්ති, පටිඝානුසයඤ්ච නප්පජහන්ති.

යො වා න යතො පටිඝානුසයං නප්පජහති සො තතො කාමරාගානුසයං නප්පජහතීති: අනාගාමිමග්ගසමඞ්ගී කාමධාතුයා ද්වීසු වෙදනාසු සො තතො පටිඝානුසයං නප්පජහති, නො ච සො තතො කාමරාගානුසයං නප්පජහති. ස්වෙව පුග්ගලො රූපධාතුයා අරූපධාතුයා අපරියාපන්නෙ සො තතො පටිඝානුසයඤ්ච නප්පජහති, කාමරාගානුසයඤ්ච නප්පජහති. අනාගාමිමග්ගසමඞ්ගිං ඨපෙත්වා අවසෙසා පුග්ගලා සබ්බත්ථ පටිඝානුසයඤ්ච නප්පජහන්ති, කාමරාගානුසයඤ්ච නප්පජහන්ති.

182. යො යතො කාමරාගානුසයං නප්පජහති සො තතො මානානුසයං නප්පජහතීති: අග්ගමග්ගසමඞ්ගී කාමධාතුයා ද්වීසු වෙදනාසු රූපධාතුයා අරූපධාතුයා සො තතො කාමරාගානුසයං නප්පජහති, නො ච සො තතො මානානුසයං නප්පජහති. ස්වෙව පුග්ගලො දුක්ඛාය වෙදනාය අපරියාපන්නෙ සො තතො කාමරාගානුසයඤ්ච නප්පජහති, මානානුසයඤ්ච නප්පජහති. ද්වින්නං මග්ගසමඞ්ගීනං ඨපෙත්වා අවසෙසා පුග්ගලා සබ්බත්ථ කාමරාගානුසයඤ්ච නප්පජහන්ති, මානානුසයඤ්ච නප්පජහන්ති.

යො වා න යතො මානානුසයං නප්පජහති සො තතො කාමරාගානුසයං නප්පජහතීති: අනාගාමිමග්ගසමඞ්ගී කාමධාතුයා ද්වීසු වෙදනාසු සො තතො මානානුසයං නප්පජහති, නො ච සො තතො කාමරාගානුසයං නප්පජහති. ස්වෙව පුග්ගලො දුක්ඛාය වෙදනාය රූපධාතුයා අරූපධාතුයා අපරියාපන්නෙ සො තතො මානානුසයඤ්ච නප්පජහති, කාමරාගානුසයඤ්ච නප්පජහති. ද්වින්නං මග්ගසමඞ්ගීනං ඨපෙත්වා අවසෙසා පුග්ගලා සබ්බත්ථ මානානුසයඤ්ච නප්පජහන්ති, කාමරාගානුසයඤ්ච නප්පජහන්ති.

183-184. යො යතො කාමරාගානුසයං නප්පජහති සො තතො දිට්ඨානුසයං -පෙ- විචිකිච්ඡානුසයං නප්පජහතීති: අට්ඨමකො කාමධාතුයා තීසු වෙදනාසු රූපධාතුයා අරූපධාතුයා සො තතො කාමරාගානුසයං නප්පජහති, නො ච සො තතො විචිකිච්ඡානුසයං නප්පජහති. ස්වෙව පුග්ගලො අපරියාපන්නෙ සො තතො කාමරාගානුසයඤ්ච නප්පජහති, විචිකිච්ඡානුසයඤ්ච නප්පජහති. අනාගාමිමග්ගසමඞ්ගිඤ්ච අට්ඨමකඤ්ච ඨපෙත්වා අවසෙසා පුග්ගලා සබ්බත්ථ කාමරාගානුසයඤ්ච නප්පජහන්ති, විචිකිච්ඡානුසයඤ්ච නප්පජහන්ති.