3. පජහනවාරො.
1. යො කාමරාගානුසයං පජහති සො පටිඝානුසයං පජහතීති: ආමන්තා.
යො වා පන පටිඝානුසයං පජහති සො කාමරාගානුසයං පජහතීති: ආමන්තා.
2. යො කාමරාගානුසයං පජහති සො මානානුසයං පජහතීති: තදෙකට්ඨං පජහති.
යො වා පන මානානුසයං පජහති සො කාමරාගානුසයං පජහතීති: නො.
3-4. යො කාමරාගානුසයං පජහති සො දිට්ඨානුසයං -පෙ- විචිකිච්ඡානුසයං පජහතීති: නො.
යො වා පන විචිකිච්ඡානුසයං පජහති සො කාමරාගානුසයං පජහතීති: තදෙකට්ඨං පජහති.
5-6. යො කාමරාගානුසයං පජහති සො භවරාගානුසයං -පෙ- අවිජ්ජානුසයං පජහතීති: තදෙකට්ඨං පජහති.
යො වා පන අවිජ්ජානුසයං පජහති සො කාමරාගානුසයං පජහතීති: නො.
7. යො පටිඝානුසයං පජහති සො මානානුසයං පජහතීති: තදෙකට්ඨං පජහති.
යො වා පන මානානුසයං පජහති සො පටිඝානුසයං පජහතීති: නො.
8-9. යො පටිඝානුසයං පජහති සො දිට්ඨානුසයං -පෙ- විචිකිච්ඡානුසයං පජහතීති: නො.
යො වා පන විචිකිච්ඡානුසයං පජහති සො පටිඝානුසයං පජහතීති: තදෙකට්ඨං පජහති.
10-11. යො පටිඝානුසයං පජහති සො භවරාගානුසයං -පෙ- අවිජ්ජානුසයං පජහතීති: තදෙකට්ඨං පජහති.
යො වා පන අවිජ්ජානුසයං පජහති සො පටිඝානුසයං පජහතීති: නො.
12-13. යො මානානුසයං පජහති සො දිට්ඨානුසයං -පෙ- විචිකිච්ඡානුසයං පජහතීති: නො.
යො වා පන විචිකිච්ඡානුසයං පජහති සො මානානුසයං පජහතීති: තදෙකට්ඨං පජහති.
14-15. යො මානානුසයං පජහති සො භවරාගානුසයං -පෙ- අවිජ්ජානුසයං පජහතීති: ආමන්තා.
යො වා පන අවිජ්ජානුසයං පජහති සො මානානුසයං පජහතීති: ආමන්තා.
16-18. යො දිට්ඨානුසයං පජහති සො විචිකිච්ඡානුසයං පජහතීති: ආමන්තා.
යො වා පන විචිකිච්ඡානුසයං පජහති සො දිට්ඨානුසයං පජහතීති: ආමන්තා. -පෙ-
19-20. යො විචිකිච්ඡානුසයං පජහති සො භවරාගානුසයං -පෙ- අවිජ්ජානුසයං පජහතීති: තදෙකට්ඨං පජහති.
යො වා පන අවිජ්ජානුසයං පජහති සො විචිකිච්ඡානුසයං පජහතීති: නො.
21. යො භවරාගානුසයං පජහති සො අවිජ්ජානුසයං පජහතීති: ආමන්තා.
යො වා පන අවිජ්ජානුසයං පජහති සො භවරාගානුසයං පජහතීති: ආමන්තා. (එකමූලකං)
22. යො කාමරාගානුසයඤ්ච පටිඝානුසයඤ්ච පජහති සො මානානුසයං පජහතීති: තදෙකට්ඨං පජහති.
යො වා පන මානානුසයං පජහති සො කාමරාගානුසයඤ්ච පටිඝානුසයඤ්ච පජහතීති: නො.
23-24. යො කාමරාගානුසයඤ්ච පටිඝානුසයඤ්ච පජහති සො දිට්ඨානුසයං -පෙ- විචිකිච්ඡානුසයං පජහතීති: නො.
යො වා පන විචිකිච්ඡානුසයං පජහති සො කාමරාගානුසයඤ්ච පටිඝානුසයඤ්ච පජහතීති: තදෙකට්ඨං පජහති.
25-26. යො කාමාගානුසයඤ්ච පටිඝානුසයඤ්ච පජහති සො භවරාගානුසයං -පෙ- අවිජ්ජානුසයං පජහතීති; තදෙකට්ඨං පජහති.