145. යතො කාමරාගානුසයං නප්පජහති තතො පටිඝානුසයං නප්පජහතීති: දුක්ඛාය වෙදනාය තතො කාමරාගානුසයං නප්පජහති, නො ච තතො පටිඝානුසයං නප්පජහති. රූපධාතුයා අරූපධාතුයා අපරියාපන්නෙ තතො කාමරාගානුසයඤ්ච නප්පජහති, පටිඝානුසයඤ්ච නප්පජහති.
යතො වා පන පටිඝානුසයං නප්පජහති තතො කාමරාගානුසයං නප්පජහතීති: කාමධාතුයා ද්වීසු වෙදනාසු තතො පටිඝානුසයං නප්පජහති, නො ච තතො කාමරාගානුසයං නප්පජහති. රූපධාතුයා අරූපධාතුයා අපරියාපන්නෙ තතො පටිඝානුසයඤ්ච නප්පජහති, කාමරාගානුසයඤ්ච නප්පජහති.
146. යතො කාමරාගානුසයං නප්පජහති තතො මානානුසයං නප්පජහතීති: රූපධාතුයා අරූපධාතුයා තතො කාමරාගානුසයං නප්පජහති, නො ච තතො මානානුසයං නප්පජහති. දුක්ඛාය වෙදනාය අපරියාපන්නෙ තතො කාමරාගානුසයඤ්ච නප්පජහති, මානානුසයඤ්ච නප්පජහති.
යතො වා පන මානානුසයං නප්පජහති තතො කාමරාගානුසයං නප්පජහතීති: ආමන්තා.
147-148. යතො කාමරාගානුසයං නප්පජහති තතො දිට්ඨානුසයං -පෙ- විචිකිච්ඡානුසයං නප්පජහතීති: දුක්ඛාය වෙදනාය රූපධාතුයා අරූපධාතුයා තතො කාමරාගානුසයං නප්පජහති, නො ච තතො විචිකිච්ඡානුසයං නප්පජහති. අපරියාපන්නෙ තතො කාමරාගානුසයඤ්ච නප්පජහති, විචිකිච්ඡානුසයඤ්ච නප්පජහති.
යතො වා පන විචිකිච්ඡානුසයං නප්පජහති තතො කාමරාගානුසයං නප්පජහතීති: ආමන්තා.
149. යතො කාමරාගානුසයං නප්පජහති තතො භවරාගානුසයං නප්පජහතීති: රූපධාතුයා අරූපධාතුයා තතො කාමරාගානුසයං නප්පජහති, නො ච තතො භවරාගානුසයං නප්පජහති. දුක්ඛාය වෙදනාය අපරියාපන්නෙ තතො කාමරාගානුසයඤ්ච නප්පජහති, භවරාගානුසයඤ්ච නප්පජහති.
යතො වා පන භවරාගානුසයං නප්පජහති තතො කාමරාගානුසයං නප්පජහතීති: කාමධාතුයා ද්වීසු වෙදනාසු තතො භවරාගානුසයං නප්පජහති, නො ච තතො කාමරාගානුසයං නප්පජහති, දුක්ඛාය වෙදනාය අපරියාපන්නෙ තතො භවරාගානුසයඤ්ච නප්පජහති, කාමරාගානුසයඤ්ච නප්පජහති.
150. යතො කාමරාගානුසයං නප්පජහති තතො අවිජ්ජානුසයං නප්පජහතීති: දුක්ඛාය වෙදනාය රූපධාතුයා අරූපධාතුයා තතො කාමරාගානුසයං නප්පජහති, නො ච තතො අවිජ්ජානුසයං නප්පජහති. අපරියාපන්නෙ තතො කාමරාගානුසයඤ්ච නප්පජහති, අවිජ්ජානුසයඤ්ච නප්පජහති.
යතො වා පන අවිජ්ජානුසයං නප්පජහති තතො කාමරාගානුසයං නප්පජහතීති: ආමන්තා.
151. යතො පටිඝානුසයං නප්පජහති තතො මානානුසයං නප්පජහතීති: කාමධාතුයා ද්වීසු වෙදනාසු රූපධාතුයා අරූපධාතුයා තතො පටිඝානුසයං නප්පජහති, නො ච තතො මානානුසයං නප්පජහති. අපරියාපන්නෙ තතො පටිඝානුසයඤ්ච නප්පජහති. මානානුසයඤ්ච නප්පජහති.
යතො වා පන මානානුසයං නප්පජහති තතො පටිඝානුසයං නප්පජහතීති: දුක්ඛාය වෙදනාය තතො මානානුසයං නප්පජහති, නො ච තතො පටිඝානුසයං නප්පජහති. අපරියාපන්නෙ තතො මානානුසයඤ්ච නප්පජහති, පටිඝානුසයඤ්ච නප්පජහති.
152-153. යතො පටිඝානුසයං නප්පජහති තතො දිට්ඨානුසයං -පෙ- විචිකිච්ඡානුසයං නප්පජහතීති: කාමධාතුයා ද්වීසු වෙදනාසු රූපධාතුයා අරූපධාතුයා තතො පටිඝානුසයං නප්පජහති, නො ච තතො විචිකිච්ඡානුසයං නප්පජහති. අපරියාපන්නෙ තතො පටිඝානුසයඤ්ච නප්පජහති, විචිකිච්ඡානුසයඤ්ච නප්පජහති.
යතො වා පන විචිකිච්ඡානුසයං නප්පජහති තතො පටිඝානුසයං නප්පජහතීති: ආමන්තා.
154. යතො පටිඝානුසයං නප්පජහති තතො භවරාගානුසයං නප්පජහතීති: රූපධාතුයා අරූපධාතුයා තතො පටිඝානුසයං නප්පජහති, නො ච තතො භවරාගානුසයං නප්පජහති. කාමධාතුයා ද්වීසු වෙදනාසු අපරියාපන්නෙ තතො පටිඝානුසයඤ්ච නප්පජහති, භවරාගානුසයඤ්ච නප්පජහති.
යතො වා පන භවරාගානුසයං නප්පජහති තතො පටිඝානුසයං නප්පජහතීති: දුක්ඛාය වෙදනාය තතො භවරාගානුසයං නප්පජහති, නො ච තතො පටිඝානුසයං නප්පජහති. කාමධාතුයා ද්වීසු වෙදනාසු අපරියාපන්නෙ තතො භවරාගානුසයඤ්ච නප්පජහති. පටිඝානුසයඤ්ච නප්පජහති.