73. යො යතො කාමරාගානුසයං පජහති සො තතො පටිඝානුසයං පජහතීති: නො.
යො වා පන යතො පටිඝානුසයං පජහති සො තතො කාමරාගානුසයං පජහතීති: නො.
74. යො යතො කාමරාගානුසයං පජහති සො තතො මානානුසයං පජහතීති: තදෙකට්ඨං පජහති.
යො වා පන යතො මානානුසයං පජහති සො තතො කාමරාගානුසයං පජහතීති: නො.
75-76. යො යතො කාමරාගානුසයං පජහති සො තතො දිට්ඨානුසයං -පෙ- විචිකිච්ඡානුසයං පජහතීති: නො.
යො වා පන යතො විචිකිච්ඡානුසයං පජහති සො තතො කාමරාගානුසයං පජහතීති: අට්ඨමකො දුක්ඛාය වෙදනාය රූපධාතුයා අරූපධාතුයා සො තතො විචිකිච්ඡානුසයං පජහති, නො ච සො තතො කාමරාගානුසයං පජහති. ස්වෙව පුග්ගලො කාමධාතුයා ද්වීසු වෙදනාසු සො තතො විචිකිච්ඡානුසයං පජහති, කාමරාගානුසයං තදෙකට්ඨං පජහති.
77. යො යතො කාමරාගානුසයං පජහති සො තතො භවරාගානුසයං පජහතීති: නො.
යො වා පන යතො භවරාගානුසයං පජහති සො තතො කාමරාගානුසයං පජහතීති: නො.
78. යො යතො කාමරාගානුසයං පජහති සො තතො අවිජ්ජානුසයං පජහතීති: තදෙකට්ඨං පජහති.
යො වා පන යතො අවිජ්ජානුසයං පජහති සො තතො කාමරාගානුසයං පජහතීති: නො.
79. යො යතො පටිඝානුසයං පජහති සො තතො මානානුසයං පජහතීති: නො.
යො වා පන යතො මානානුසයං පජහති සො තතො පටිඝානුසයං පජහතීති: නො.
80-81. යො යතො පටිඝානුසයං පජහති සො තතො දිට්ඨානුසයං -පෙ- විචිකිච්ඡානුසයං පජහතීති: නො.
යො වා පන යතො විචිකිච්ඡානුසයං පජහති සො තතො පටිඝානුසයං පජහතීති: අට්ඨමකො කාමධාතුයා ද්වීසු වෙදනාසු රූපධාතුයා අරූපධාතුයා සො තතො විචිකිච්ඡානුසයං පජහති, නො ච සො තතො පටිඝානුසයං පජහති. ස්වෙව පුග්ගලො දුක්ඛාය වෙදනාය සො තතො විචිකිච්ඡානුසයං පජහති. පටිඝානුසයං තදෙකට්ඨං පජහති.
82. යො යතො පටිඝානුසයං පජහති සො තතො භවරාගානුසයං පජහතීති: නො.
යො වා පන යතො භවරාගානුසයං පජහති සො තතො පටිඝානුසයං පජහතීති: නො.
83. යො යතො පටිඝානුසයං පජහති සො තතො අවිජ්ජානුසයං පජහතීති: තදෙකට්ඨං පජහති.
යො වා පන යතො අවිජ්ජානුසයං පජහති සො තතො පටිඝානුසයං පජහතීති: නො.
84-85. යො යතො මානානුසයං පජහති සො තතො දිට්ඨානුසයං -පෙ- විචිකිච්ඡානුසයං පජහතීති: නො.
යො වා පන යතො විචිකිච්ඡානුසයං පජහති සො තතො මානානුසයං පජහතීති: අට්ඨමකො දුක්ඛාය වෙදනාය සො තතො විචිකිච්ඡානුසයං පජහති, නො ච සො තතො මානානුසයං පජහති. ස්වෙව පුග්ගලො කාමධාතුයා ද්වීසු වෙදනාසු රූපධාතුයා අරූපධාතුයා සො තතො විචිකිච්ඡානුසයං පජහති. මානානුසයං තදෙකට්ඨං පජහති.
86. යො යතො මානානුසයං පජහති සො තතො භවරාගානුසයං පජහතීති: අග්ගමග්ගසමඞ්ගී කාමධාතුයා ද්වීසු වෙදනාසු සො තතො මානානුසයං පජහති, නො ච සො තතො භවරාගානුසයං පජහති. ස්වෙව පුග්ගලො රූපධාතුයා අරූපධාතුයා සො තතො මානානුසයඤ්ච පජහති. භවරාගානුසයඤ්ච පජහති.
යො වා පන යතො භවරාගානුසයං පජහති සො තතො මානානුසයං පජහතීති: ආමන්තා.