37. යතො කාමරාගානුසයං පජහති තතො පටිඝානුසයං පජහතීති: නො.
යතො වා පන පටිඝානුසයං පජහති තතො කාමාගානුසයං පජහතීති. නො.
38. යතො කාමරාගානුසයං පජහති තතො මානානුසයං පජහතීති: ආමන්තා.
යතො වා පන මානානුසයං පජහති තතො කාමරාගානුසයං පජහතීති: රූපධාතුයා අරූපධාතුයා තතො මානානුසයං පජහති, නො ච තතො කාමරාගානුසයං පජහති, කාමධාතුයා ද්වීසු වෙදනාසු තතො මානානුසයඤ්ච පජහති, කාමරාගානුසයඤ්ච පජහති.
39-40. යතො කාමරාගානුසයං පජහති තතො දිට්ඨානුසයං -පෙ- විචිකිච්ඡානුසයං පජහතීති: ආමන්තා.
යතො වා පන විචිකිච්ඡානුසයං පජහති තතො කාමරාගානුසයං පජහතීති: දුක්ඛාය වෙදනාය රූපධාතුයා අරූපධාතුයා තතො විචිකිච්ඡානුසයං පජහති, නො ච තතො කාමරාගානුසයං පජහති. කාමධාතුයා ද්වීසු වෙදනාසු තතො විචිකිච්ඡානුසයඤ්ච පජහති, කාමරාගානුසයඤ්ච පජහති.
41. යතො කාමරාගානුසයං පජහති තතො භවරාගානුසයං පජහතීති; නො.
යතො වා පන භවරාගානුසයං පජහති තතො කාමරාගානුසයං පජහතීති: නො.
42. යතො කාමරාගානුසයං පජහති තතො අවිජ්ජානුසයං පජහතීති: ආමන්තා.
යතො වා පන අවිජ්ජානුසයං පජහති තතො කාමරාගානුසයං පජහතීති: දුක්ඛාය වෙදනාය රූපධාතුයා අරූපධාතුයා තතො අවිජ්ජානුසයං පජහති, නො ච තතො කාමරාගානුසයං පජහති. කාමධාතුයා ද්වීසු වෙදනාසු තතො අවිජ්ජානුසයඤ්ච පජහති, කාමරාගානුසයඤ්ච පජහති.
43. යතො පටිඝානුසයං පජහති තතො මානානුසයං පජහතීති: නො.
යතො වා පන මානානුසයං පජහති තතො පටිඝානුසයං පජහතීති: නො.
44-45. යතො පටිඝානුසයං පජහති තතො දිට්ඨානුසයං -පෙ- විචිකිච්ඡානුසයං පජහතීති: ආමන්තා.
යතො වා පන විචිකිච්ඡානුසයං පජහති තතො පටිඝානුසයං පජහතීති: කාමධාතුයා ද්වීසු වෙදනාසු රූපධාතුයා අරූපධාතුයා තතො විචිකිච්ඡානුසයං පජහති, නො ච තතො පටිඝානුසයං පජහති. දුක්ඛාය වෙදනාය තතො විචිකිච්ඡානුසයඤ්ච පජහති. පටිඝානුසයඤ්ච පජහති.
46. යතො පටිඝානුසයං පජහති තතො භවරාගානුසයං පජහතීති: නො.
යතො වා පන භවරාගානුසයං පජහති තතො පටිඝානුසයං පජහතීති: නො.
47. යතො පටිඝානුසයං පජහති තතො අවිජ්ජානුසයං පජහතීති: ආමන්තා.
යතො වා පන අවිජ්ජානුසයං පජහති තතො පටිඝානුසයං පජහතීති: කාමධාතුයා ද්වීසු වෙදනාසු රූපධාතුයා අරූපධාතුයා තතො අවිජ්ජානුසයං පජහති, නො ච තතො පටිඝානුසයං පජහති. දුක්ඛාය වෙදනාය තතො අවිජ්ජානුසයඤ්ච පජහති. පටිඝානුසයඤ්ච පජහති.
48-49. යතො මානානුසයං පජහති තතො දිට්ඨානුසයං -පෙ- විචිකිච්ඡානුසයං පජහතීති: ආමන්තා.
යතො වා පන විචිකිච්ඡානුසයං පජහති තතො මානානුසයං පජහතීති: දුක්ඛාය වෙදනාය තතො විචිකිච්ඡානුසයං පජහති, නො ච තතො මානානුසයං පජහති. කාමධාතුයා ද්වීසු වෙදනාසු රූපධාතුයා අරූපධාතුයා තතො විචිකිච්ඡානුසයඤ්ච පජහති, මානානුසයඤ්ච පජහති.