6. පරිඤ්ඤාවාරය
1. යමෙක් රූපස්කන්‍ධය පිරිසිඳ දනී නම් හෙතෙම වේදනාස්කන්‍ධය පිරිසිඳ දනී ද යත්: එසේ යි.
තවද යමෙක් වේදනාස්කන්‍ධය පිරිසිඳ දනී නම් හෙතෙම රූපස්කන්‍ධය පිරිසිඳ දනී ද යත්: එසේ යි.
2. යමෙක් රූපස්කන්‍ධය පිරිසිඳ නො දනී නම් හෙතෙම වේදනාස්කන්‍ධය පිරිසිඳ නො දනී ද යත්: එසේ යි.
තවද යමෙක් වේදනාස්කන්‍ධය පිරිසිඳ නො දනී නම් හෙතෙම රූපස්කන්‍ධය පිරිසිඳ නො දනී ද යත්: එසේ යි.
ප්‍රත්‍යුපන්නවාරය යි.
3. යමෙක් රූපස්කන්‍ධය පිරිසිඳ දත්තේ නම් හෙතෙම වේදනාස්කන්‍ධය පිරිසිඳ දත්තේ ද යත්: එසේ යි.
තවද යමෙක් වේදනාස්කන්‍ධය පිරිසිඳ දත්තේ නම් හෙතෙම රූපස්කන්‍ධය පිරිසිඳ දත්තේ ද යත්: එසේ යි.
4. යමෙක් රූපස්කන්‍ධය පිරිසිඳ නො දත්තේ නම් හෙතෙම වේදනාස්කන්‍ධය පිරිසිඳ නො දත්තේ ද යත්: එසේ යි.
තවද යමෙක් වේදනාස්කන්‍ධය පිරිසිඳ නො දත්තේ නම් හෙතෙම රූපස්කන්‍ධය පිරිසිඳ නො දත්තේ ද යත්: එසේ යි.
අතීතචාරය යි.
5. යමෙක් රූපස්කන්‍ධය පිරිසිඳ දන්නේ නම් හෙතෙම වේදනාස්කන්‍ධය පිරිසිඳ දන්නේ ද යත්: එසේ යි.
තවද යමෙක් වේදනාස්කන්‍ධය පිරිසිඳ දන්නේ නම් හෙතෙම රූපස්කන්‍ධය පිරිසිඳ දන්නේ ද යත්: එසේ යි.
6. යමෙක් රූපස්කන්‍ධය පිරිසිඳ නො දන්නේ නම් හෙතෙම වේදනාස්කන්‍ධය පිරිසිඳ නො දන්නේ ද යත්: එසේ යි.
තවද යමෙක් වේදනාස්කන්‍ධය පිරිසිඳ නො දන්නේ නම් හෙතෙම රූපස්කන්‍ධය පිරිසිඳ නො දන්නේ ද යත්: එසේ යි.
අනාගතවාරය යි.
7. යමෙක් රූපස්කන්‍ධය පිරිසිඳ දනී නම් හෙතෙම වේදනාස්කන්‍ධය පිරිසිඳ දත්තේ ද යත්: නො දත්තේ යි.
තවද යමෙක් වේදනාස්කන්‍ධය පිරිසිඳ දන්නේ නම් හෙතෙම රූපස්කන්‍ධය පිරිසිඳ දනී ද යත්: නො දනී.
8. යමෙක් රූපස්කන්‍ධය පිරිසිඳ නො දනී නම් හෙතෙම වේදනාස්කන්‍ධය පිරිසිඳ නො දත්තේ ද යත්: රහත් තෙමේ රූපස්කන්‍ධය පිරිසිඳ නො දනී. වේදනාස්කන්‍ධය නොද පිරිසිඳ නො දත්තේ ය. අර්‍හන්මාර්‍ගස්ථයා ද රහතුන්වහන්සේ ද තබා අවශේෂ පුද්ගලයෝ රූපස්කන්‍ධය ද පිරිසිඳ නො දනිත්. වේදනාස්කන්‍ධය ද පිරිසිඳ නොදත්හ.
තවද යමෙක් වේදනාස්කන්‍ධය පිරිසිඳ නො දත්තේ නම් හෙතෙම රූපස්කන්‍ධය පිරිසිඳ නො දනී ද යත්: අර්‍හන්මාර්‍ගස්ථයා වේදනාස්කන්‍ධය පිරිසිඳ නො දත්තේ ය. රූපස්කන්‍ධය නොද පිරිසිඳ නො දනී. අර්‍හන්මාර්‍ගස්ථයා ද රහතුන් වහන්සේ ද තබා අවශේෂ පුද්ගලයෝ වේදනාස්කන්‍ධය ද පිරිසිඳ නො දත්හ. රූපස්කන්‍ධය ද පිරිසිඳ නො දනිත්.
ප්‍රත්‍යුත්පන්නාතීතවාර යි.
9. යමෙක් රූපස්කන්‍ධය පිරිසිඳ දනී නම් හෙතෙම වේදනාස්කන්‍ධය පිරිසිඳ දන්නේ ද යත්: නො දන්නේ යි.
තවද යමෙක් වේදනාස්කන්‍ධය පිරිසිඳ දන්නේ නම් හෙතෙම රූපස්කන්‍ධය පිරිසිඳ දැනී ද යත්: නො දනී.
10. යමෙක් රූපස්කන්‍ධය පිරිසිඳ නො දනී නම් හෙතෙම වේදනාස්කන්‍ධය පිරිසිඳ නො දන්නේ ද යත්: යම් කෙනෙක් මාර්‍ගය පිළිලබන්නාහු නම් ඔහු රූපස්කන්‍ධය පිරිසිඳ නො දනිත්. වේදනාස්කන්‍ධය නොද පිරිසිඳ නො දන්නෝ ය. අර්‍හත් තෙමේ ද, යම් පෘථග්ජන කෙනෙක් මාර්‍ගය නො පිළිලබන්නාහු නම් ඔහු ද රූපස්කන්‍ධය ද පිරිසිඳ නො දනිත්. වේදනාස්කන්‍ධය ද පිරිසිඳ නො දන්නාහ.
තවද යමෙක් වේදනාස්කන්‍ධය පිරිසිඳ නො දන්නේ නම් හෙතෙම රූපස්කන්‍ධය පිරිසිඳ නො දනී ද යත්: අර්‍හන්මාර්‍ගස්ථයා වේදනාස්කන්‍ධය පිරිසිඳ නො දන්නේ ය. රූපස්කන්‍ධය නොද පිරිසිඳ නො දනී. අර්‍හත් තෙමේ ද යම් පෘථග්ජන කෙනෙක් මාර්‍ගය නො පිළිලබන්නාහු නම් ඔහු ද වේදනාස්කන්‍ධය ද පිරිසිඳ නො දන්නාහ. රූපස්කන්‍ධය ද පිරිසිඳ නො දනිත්.
ප්‍රත්‍යුත්පන්නානාගතවාර යි.