4. ප්‍රවෘත්ති නිරෝධවාර
1. යමක්හට රූපස්කන්‍ධය නිරුද්ධ වේ නම් ඕහට වේදනාස්කන්‍ධය නිරුද්ධ වේ ද යත්: අසංඥසත්‍වයෙන් ච්‍යුත වන ඔවුනට රූපස්කන්‍ධය නිරුද්ධ වෙයි. ඔවුනට වේදනාස්කන්‍ධය නොද නිරුද්ධ වෙයි. පඤ්චවෝකාරයෙන් ච්‍යුත වන ඔවුනට රූපස්කන්‍ධය ද නිරුද්ධ වෙයි. වේදනාස්කන්‍ධය ද නිරුද්ධ වේ.
තවද යමක්හට වේදනාස්කන්‍ධය නිරුද්ධ වේ නම් ඕහට රූපස්කන්‍ධය නිරුද්ධ වේ ද යත්: අරූපාවචරයෙන් ච්‍යුත වන ඔවුනට වේදනාස්කන්‍ධය නිරුද්ධ වෙයි. ඔවුනට රූපස්කන්‍ධය නොද නිරුද්ධ වෙයි. පඤ්චවෝකාරයෙන් ච්‍යුත වන ඔවුනට වේදනාස්කන්‍ධය ද නිරුද්ධ වෙයි. රූපස්කන්‍ධය ද නිරුද්ධ වේ. (අනුලෝම පුද්ගල යි.)
2. යම් තැනෙක රූපස්කන්‍ධය නිරුද්ධ වේ නම් එහි වේදනා ස්කන්‍ධය නිරුද්ධ වේ ද යත්: අසංඥසත්‍ව වූ එහි රූපස්කන්‍ධය නිරුද්ධ වෙයි. එහි වේදනාස්කන්‍ධය නොද නිරුද්ධ වෙයි. පඤ්චවෝකාර වූ එහි රූපස්කන්‍ධය ද නිරුද්ධ වෙයි. වේදනාස්කන්‍ධය ද නිරුද්ධ වේ.
තවද යම් තැනෙකැ වේදනාස්කන්‍ධය නිරුද්ධ වේ නම් එහි රූපස්කන්‍ධය නිරුද්ධ වේ ද යත්: අරූප වූ එහි වේදනාස්කන්‍ධය නිරුද්ධ වෙයි. එහි රූපස්කන්‍ධය නොද නිරුද්ධ වෙයි. පඤ්චවෝකාර වූ එහි වේදනාස්කන්‍ධය ද නිරුද්ධ වේ. රූපස්කන්‍ධය ද නිරුද්ධ වේ. (අනුලෝමාවකාශ යි.)
3. යමක්හට යම් තැනෙකැ රූපස්කන්‍ධය නිරුද්ධ වේ නම් ඕහට එහි වේදනාස්කන්‍ධය නිරුද්ධ වේ ද යත්: අසංඥසත්‍වයෙන් ච්‍යුත වන ඔවුනට එහි රූපස්කන්‍ධය නිරුද්ධ වෙයි. ඔවුනට එහි වේදනාස්කන්‍ධය නොද නිරුද්ධ වෙයි. පඤ්චවෝකාරයෙන් ච්‍යුත වන ඔවුනට එහි රූපස්කන්‍ධය ද නිරුද්ධ වෙයි. වේදනාස්කන්‍ධය ද නිරුද්ධ වේ.
තවද යමකුට යම් තැනෙකැ වේදනාස්කන්‍ධය නිරුද්ධ වේ නම් ඕහට එහි රූපස්කන්‍ධය නිරුද්ධ වේ ද යත්: අරූපාවචරයෙන් ච්‍යුත වන ඔවුනට එහි වේදනාස්කන්‍ධය නිරුද්ධ වෙයි. ඔවුනට එහි රූපස්කන්‍ධය නොද නිරුද්ධ වෙයි. පඤ්චවෝකාරයෙන් ච්‍යුත වන ඔවුනට එහි වේදනාස්කන්‍ධය ද නිරුද්ධ වෙයි. රූපස්කන්‍ධය ද නිරුද්ධ වේ. (අනුලෝම පුග්ගලෝකාස යි.)
4. යමක්හට රූපස්කන්‍ධය නිරුද්ධ නො වේ නම් ඕහට වේදනාස්කන්‍ධය නිරුද්ධ නො වේ ද යත්: අරූපාවචරයෙන් ච්‍යුත වන ඔවුනට රූපස්කන්‍ධය නිරුද්ධ නො වෙයි. ඔවුනට වේදනාස්කන්‍ධය නොද නිරුද්ධ නො වෙයි. උපදනා වූ සියලු ඔවුනට රූපස්කන්‍ධය ද නිරුද්ධ නො වෙයි. වේදනාස්කන්‍ධය ද නිරුද්ධ නො වේ.
තවද යමකුට වේදනාස්කන්‍ධය නිරුද්ධ නො වේ නම් ඕහට රූපස්කන්‍ධය නිරුද්ධ නො වේ ද යත්: අසංඥසත්‍වයෙන් ච්‍යුත වන ඔවුනට වේදනාස්කන්‍ධය නිරුද්ධ නො වෙයි. ඔවුනට රූපස්කන්‍ධය නොද නිරුද්ධ නො වෙයි. උපදනා වූ සියලු ඔවුනට වේදනාස්කන්‍ධය ද නිරුද්ධ නො වෙයි. රූපස්කන්‍ධය ද නිරුද්ධ නො වේ. (ප්‍රත්‍යානික පුද්ගල යි.)
5. යම් තැනෙක රූපස්කන්‍ධය නිරුද්ධ නො වේ නම් එහි වේදනාස්කන්‍ධය නිරුද්ධ නො වේ ද යත්: නිරුද්ධ වේ.
තවද යම් තැනෙක වේදනාස්කන්‍ධය නිරුද්ධ නො වේ නම් එහි රූපස්කන්‍ධය නිරුද්ධ නො වේ ද යත්: නිරුද්ධ වේ. (ප්‍රත්‍යනීකාවකාශ යි.)
6. යමක්හට යම් තැනෙක රූපස්කන්‍ධය නිරුද්ධ නො වේ නම් ඔහුට එහි වේදනාස්කන්‍ධය නිරුද්ධ නො වේ ද යත්: අරූපාවචරයෙන් ච්‍යුත වන ඔවුනට එහි රූපස්කන්‍ධය නිරුද්ධ නො වෙයි. ඔවුනව එහි වේදනාස්කන්‍ධය නොද නිරුද්ධ නො වේ. උපදනා වූ සියලු ඔවුනට එහි රූපස්කන්‍ධය ද නිරුද්ධ නො වෙයි. වේදනාස්කන්‍ධය ද නිරුද්ධ නො වේ.
තවද යමක්ඟට යම් තැනෙක වේදනාස්කන්‍ධය නිරුද්ධ නො වේ නම් ඕහට එහි රූපස්කන්‍ධය නිරුද්ධ නො වේ ද යත්: අසංඥසත්‍වයෙන් ච්‍යුත වන ඔවුනට එහි වේදනාස්කන්‍ධය නිරුද්ධ නො වෙයි. ඔවුනට එහි රූපස්කන්‍ධය නොද නිරුද්ධ නො වෙයි. උපදනා වූ සියලු ඔවුනට එහි වේදනාස්කන්‍ධය ද නිරුද්ධ නො වෙයි. රූපස්කන්‍ධය ද නිරුද්ධ නො වේ. (ප්‍රත්‍යනීක පුද්ගලාවකාශ යි)
ප්‍ර‍්‍යුත්පන්නවාර යි.
7. යමකුට රූපස්කන්‍ධය නිරුද්ධ වී නම් ඕහට වේදනා ස්කන්‍ධය නිරුද්ධ වී ද යත්: එසේ යි. තවද යමකුට වේදනා ස්කන්‍ධය නිරුද්ධ වී නම් රූපස්කන්‍ධය නිරුද්ධ වී ද යත්: එසේ යි. (අනුලෝම පුද්ගල යි.)