217. යස්ස චක්ඛුන්ද්රියං උප්පජ්ජති තස්ස සොතින්ද්රියං උප්පජ්ජිස්සතී’ති: පච්ඡිමභවිකානං පඤ්චවොකාරං උපපජ්ජන්තානං යෙ ච අරූපං උපපජ්ජිත්වා පරිනිබ්බායිස්සන්ති තෙසං උපපජ්ජන්තානං තෙසං චක්ඛුන්ද්රියං උප්පජ්ජති, නො ච තෙසං සොතින්ද්රියං උප්පජ්ජිස්සති. ඉතරෙසං සචක්ඛුකානං උපපජ්ජන්තානං තෙසං චක්ඛුන්ද්රියඤ්ච උප්පජ්ජති, සොතින්ද්රියඤ්ච උප්පජ්ජිස්සති.

යස්ස වා පන සොතින්ද්රියං උප්පජ්ජිස්සති තස්ස චක්ඛුන්ද්රියං උප්පජ්ජතී’ති: සබ්බෙසං චවන්තානං අචක්ඛුකානං උපපජ්ජන්තානං තෙසං සොතින්ද්රියං උප්පජ්ජිස්සති, නො ච තෙසං චක්ඛුන්ද්රියං උප්පජ්ජති. සචක්ඛුකානං උපපජ්ජන්තානං තෙසං සොතින්ද්රියඤ්ච උප්පජ්ජිස්සති, චක්ඛුන්ද්රියඤ්ච උප්පජ්ජති.

යස්ස චක්ඛුන්ද්රියං උප්පජ්ජති තස්ස ඝානින්ද්රියං උප්පජ්ජිස්සතී’ති: පච්ඡිමභවිකානං පඤ්චවොකාරං උපපජ්ජන්තානං, යෙ ච රූපාවචරං අරූපාවචරං උපපජ්ජිත්වා පරිනිබ්බායිස්සන්ති තෙසං උපපජ්ජන්තානං තෙසං චක්ඛුන්ද්රියං උප්පජ්ජති, නො ච තෙසං ඝානින්ද්රියං උප්පජ්ජිස්සති, ඉතරෙසං සචක්ඛුකානං උපපජ්ජන්තානං තෙසං චක්ඛුන්ද්රියඤ්ච උප්පජ්ජති, ඝානින්ද්රියඤ්ච උප්පජ්ජිස්සති.

යස්ස වා පන ඝානින්ද්රියං උප්පජ්ජිස්සති තස්ස චක්ඛුන්ද්රියං උප්පජ්ජතී’ති: සබ්බෙසං චවන්තානං අචක්ඛුකානං උපපජ්ජන්තානං තෙසං ඝානින්ද්රියං උප්පජ්ජිස්සති, නො ච තෙසං චක්ඛුන්ද්රියං උප්පජ්ජති. ඉතරෙසං සචක්ඛුකානං උපපජ්ජන්තානං තෙසං ඝානින්ද්රියඤ්ච උප්පජ්ජිස්සති, චක්ඛුන්ද්රියඤ්ච උප්පජ්ජති.

යස්ස චක්ඛුන්ද්රියං උප්පජ්ජති තස්ස ඉත්ථින්ද්රියං උප්පජ්ජිස්සතී’ති: පච්ඡිමභවිකානං පඤ්චවොකාරං උපපජ්ජන්තානං, යෙ ච රූපාවචරං අරූපාවචරං උපපජ්ජිත්වා පරිනිබ්බායිස්සන්ති, යෙ ච පුරිසා එතෙනෙව භාවෙන කතිචි භවෙ දස්සෙත්වා පරිනිබ්බායිස්සන්ති තෙසං උපපජ්ජන්තානං තෙසං චක්ඛුන්ද්රියං උප්පජ්ජති, නො ච තෙසං ඉත්ථින්ද්රියං උප්පජ්ජිස්සති ඉතරෙසං සචක්ඛුකානං උපපජ්ජන්තානං තෙසං චක්ඛුන්ද්රියඤ්ච උප්පජ්ජති, ඉත්ථින්ද්රියඤ්ච උප්පජ්ජිස්සති.

යස්ස වා පන ඉත්ථින්ද්රියං උප්පජ්ජිස්සති තස්ස චක්ඛුන්ද්රියං උප්පජ්ජතී’ති: සබ්බෙසං චවන්තානං අචක්ඛුකානං උපපජ්ජන්තානං තෙසං ඉත්ථින්ද්රියං උප්පජ්ජිස්සති, නො ච තෙසං චක්ඛුන්ද්රියං උප්පජ්ජති. සචක්ඛුකානං උපපජ්ජන්තානං තෙසං ඉත්ථින්ද්රියඤ්ච උප්පජ්ජිස්සති, චක්ඛුන්ද්රියඤ්ච උප්පජ්ජති.

යස්ස චක්ඛුන්ද්රියං උප්පජ්ජති තස්ස පුරිසින්ද්රියං උප්පජ්ජිස්සතී’ති: (සදිසං)

යස්ස චක්ඛුන්ද්රියං උප්පජ්ජති තස්ස ජීවිතින්ද්රියං උප්පජ්ජිස්සතී’ති: පච්ඡිමභවිකානං පඤ්චවොකාරං උපපජ්ජන්තානං තෙසං චක්ඛුන්ද්රියං උප්පජ්ජති, නො ච තෙසං ජීවිතින්ද්රියං උප්පජ්ජිස්සති. ඉතරෙසං සචක්ඛුකානං උපපජ්ජන්තානං තෙසං චක්ඛුන්ද්රියඤ්ච උප්පජ්ජති, ජීවිතින්ද්රියඤ්ච උප්පජ්ජිස්සති.

යස්ස වා පන ජීවිතින්ද්රියං උප්පජ්ජිස්සති තස්ස චක්ඛුන්ද්රියං උප්පජ්ජතී’ති: සබ්බෙසං චවන්තානං අචක්ඛුකානං උපපජ්ජන්තානං තෙසං ජීවිතින්ද්රියං උප්පජ්ජිස්සති, නො ච තෙසං චක්ඛුන්ද්රියං උප්පජ්ජති. සචක්ඛුකානං උපපජ්ජන්තානං තෙසං ජීවිතින්ද්රියඤ්ච උප්පජ්ජිස්සති, චක්ඛුන්ද්රියඤ්ච උප්පජ්ජති.

යස්ස චක්ඛුන්ද්රියං උප්පජ්ජති තස්ස සොමනස්සින්ද්රියං උප්පජ්ජිස්සතී’ති: පච්ඡිමභවිකානං පඤ්චවොකාරං උපපජ්ජන්තානං, යෙ ච සචක්ඛුකා උපෙක්ඛාය උපපජ්ජිත්වා පරිනිබ්බායිස්සන්ති තෙසං උපපජ්ජන්තානං තෙසං චක්ඛුන්ද්රියං උප්පජ්ජති, නො ච තෙසං සොමනස්සින්ද්රියං උප්පජ්ජිස්සති. ඉතරෙසං සචක්ඛුකානං උපපජ්ජන්තානං තෙසං චක්ඛුන්ද්රියඤ්ච උප්පජ්ජති, සොමනස්සින්ද්රියඤ්ච උප්පජ්ජිස්සති.