1. යස්ස චක්ඛුන්ද්රියං උප්පජ්ජති තස්ස සොතින්ද්රියං උප්පජ්ජතී’ති: සචක්ඛුකානං අසොතකානං උපපජ්ජන්තානං තෙසං චක්ඛුන්ද්රියං උප්පජ්ජති, නො ච තෙසං සොතින්ද්රියං උප්පජ්ජති. සචක්ඛුකානං සසොතකානං උපපජ්ජන්තානං තෙසං චක්ඛුන්ද්රියඤ්ච උප්පජ්ජති, සොතින්ද්රියඤ්ච උප්පජ්ජති.

යස්ස වා පන සොතින්ද්රියං උප්පජ්ජති තස්ස චක්ඛුන්ද්රියං උප්පජ්ජතී’ති: සසොතකානං අචක්ඛුකානං උපපජ්ජන්තානං තෙසං සොතින්ද්රියං උප්පජ්ජති, නො ච තෙසං චක්ඛුන්ද්රියං උප්පජ්ජති. සසොතකානං සචක්ඛුකානං උපපජ්ජන්තානං තෙසං සොතින්ද්රියඤ්ච උප්පජ්ජති, චක්ඛුන්ද්රියඤ්ච උප්පජ්ජති.

යස්ස චක්ඛුන්ද්රියං උප්පජ්ජති තස්ස ඝානින්ද්රියං උප්පජ්ජතී’ති: සචක්ඛුකානං අඝානකානං උපපජ්ජන්තානං තෙසං චක්ඛුන්ද්රියං උප්පජ්ජති, නො ච තෙසං ඝානින්ද්රියං උප්පජ්ජති. සචක්ඛුකානං සඝානකානං උපපජ්ජන්තානං තෙසං චක්ඛුන්ද්රියඤ්ච උප්පජ්ජති, ඝානින්ද්රියඤ්ච උප්පජ්ජති.

යස්ස වා පන ඝානින්ද්රියං උප්පජ්ජති තස්ස චක්ඛුන්ද්රියං උප්පජ්ජතී’ති: සඝානකානං අචක්ඛුකානං උපපජ්ජන්තානං තෙසං ඝානින්ද්රියං උප්පජ්ජති, නො ච තෙසං චක්ඛුන්ද්රියං උප්පජ්ජති. සඝානකානං සචක්ඛුකානං උපපජ්ජන්තානං තෙසං ඝානින්ද්රියඤ්ච උප්පජ්ජති, චක්ඛුන්ද්රියඤ්ච උප්පජ්ජති.

යස්ස චක්ඛුන්ද්රියං උප්පජ්ජති තස්ස ඉත්ථින්ද්රියං උප්පජ්ජතී’ති: සචක්ඛුකානං න ඉත්ථීනං උපපජ්ජන්තානං තෙසං චක්ඛුන්ද්රියං උප්පජ්ජති, නො ච තෙසං ඉත්ථින්ද්රියං උප්පජ්ජති. සචක්ඛුකානං ඉත්ථීනං උපපජ්ජන්තීනං තාසං චක්ඛුන්ද්රියඤ්ච උප්පජ්ජති, ඉත්ථින්ද්රියඤ්ච උප්පජ්ජති.

යස්ස වා පන ඉත්ථින්ද්රියං උප්පජ්ජති තස්ස චක්ඛුන්ද්රියං උප්පජ්ජතී’ති: ඉත්ථීනං අචක්ඛුකානං උපපජ්ජන්තීනං තාසං ඉත්ථින්ද්රියං උප්පජ්ජති, නො ච තාසං චක්ඛුන්ද්රියං උප්පජ්ජති. ඉත්ථීනං සචක්ඛුකානං උපපජ්ජන්තීනං තාසං ඉත්ථින්ද්රියඤ්ච උප්පජ්ජති, චක්ඛුන්ද්රියඤ්ච උප්පජ්ජති.

යස්ස චක්ඛුන්ද්රියං උප්පජ්ජති තස්ස පුරිසින්ද්රියං උප්පජ්ජතී’ති: සචක්ඛුකානං න පුරිසානං උපපජ්ජන්තානං තෙසං චක්ඛුන්ද්රියං උප්පජ්ජති, නො ච තෙසං පුරිසින්ද්රියං උප්පජ්ජති. සචක්ඛුකානං පුරිසානං උපපජ්ජන්තානං තෙසං චක්ඛුන්ද්රියඤ්ච උප්පජ්ජති, පුරිසින්ද්රියඤ්ච උප්පජ්ජති.

යස්ස වා පන පුරිසින්ද්රියං උප්පජ්ජති තස්ස චක්ඛුන්ද්රියං උප්පජ්ජතී’ති: පුරිසානං අචක්ඛුකානං උපපජ්ජන්තානං තෙසං පුරිසින්ද්රියං උප්පජ්ජති, නො ච තෙසං චක්ඛුන්ද්රියං උප්පජ්ජති. පුරිසානං සචක්ඛුකානං උපපජ්ජන්තානං තෙසං පුරිසින්ද්රියඤ්ච උප්පජ්ජති, චක්ඛුන්ද්රියඤ්ච උප්පජ්ජති.

යස්ස චක්ඛුන්ද්රියං උප්පජ්ජති තස්ස ජීවිතින්ද්රියං උප්පජ්ජතී’ති. ආමන්තා.

යස්ස වා පන ජීවිතින්ද්රියං උප්පජ්ජති තස්ස චක්ඛුන්ද්රියං උප්පජ්ජතී’ති: අචක්ඛුකානං උපපජ්ජන්තානං තෙසං ජීවිතින්ද්රියං උප්පජ්ජති. නො ච තෙසං චක්ඛුන්ද්රියං උප්පජ්ජති. සචක්ඛුකානං උපපජ්ජන්තානං තෙසං ජීවිතින්ද්රියඤ්ච උප්පජ්ජති, චක්ඛුන්ද්රියඤ්ච උප්පජ්ජති.

යස්ස චක්ඛුන්ද්රියං උප්පජ්ජති තස්ස සොමනස්සින්ද්රියං උප්පජ්ජතී’ති: සචක්ඛුකානං විනා සොමනස්සෙන උපපජ්ජන්තානං තෙසං චක්ඛුන්ද්රියං උප්පජ්ජති, නො ච තෙසං සොමනස්සින්ද්රියං උප්පජ්ජති. සචක්ඛුකානං සොමනස්සෙන උපපජ්ජන්තානං තෙසං චක්ඛුන්ද්රියඤ්ච උප්පජ්ජති, සොමනස්සින්ද්රියඤ්ච උප්පජ්ජති.

යස්ස වා පන සොමනස්සින්ද්රියං උප්පජ්ජති තස්ස චක්ඛුන්ද්රියං උප්පජ්ජතී’ති: ආමන්තා.

යස්ස චක්ඛුන්ද්රියං උප්පජ්ජති තස්ස උපෙක්ඛින්ද්රියං උප්පජ්ජතී’ති: සචක්ඛුකානං විනා උපෙක්ඛාය උපපජ්ජන්තානං තෙසං චක්ඛුන්ද්රියං උප්පජ්ජති, නො ච තෙසං උපෙක්ඛින්ද්රියං උප්පජ්ජති. සචක්ඛුකානං උපෙක්ඛාය උපපජ්ජන්තානං තෙසං චක්ඛුන්ද්රියඤ්ච උප්පජ්ජති, උපෙක්ඛින්ද්රියඤ්ච උප්පජ්ජති.

යස්ස වා පන උපෙක්ඛින්ද්රියං උප්පජ්ජති තස්ස චක්ඛුන්ද්රියං උප්පජ්ජතී’ති: උපෙක්ඛාය අචක්ඛුකානං උපපජ්ජන්තානං තෙසං උපෙක්ඛින්ද්රියං උප්පජ්ජති, නො ච තෙසං චක්ඛුන්ද්රියං උප්පජ්ජති. උපෙක්ඛාය සචක්ඛුකානං උපපජ්ජන්තානං තෙසං උපෙක්ඛින්ද්රියඤ්ච උප්පජ්ජති, චක්ඛුන්ද්රියඤ්ච උප්පජ්ජති.

යස්ස චක්ඛුන්ද්රියං උප්පජ්ජති තස්ස සද්ධින්ද්රියං උප්පජ්ජතී’ති: සචක්ඛුකානං අහෙතුකානං උපපජ්ජන්තානං තෙසං චක්ඛුන්ද්රියං උප්පජ්ජති, නො ච තෙසං සද්ධින්ද්රියං උප්පජ්ජති. සචක්ඛුකානං සහෙතුකානං උපපජ්ජන්තානං තෙසං චක්ඛුන්ද්රියඤ්ච උප්පජ්ජති, සද්ධින්ද්රියඤ්ච උප්පජ්ජති.