271. යස්ස චක්ඛුන්ද්රියං උප්පජ්ජිත්ථ තස්ස සොතින්ද්රියං උප්පජ්ජිස්සතී’ති: පච්ඡිමභවිකානං, යෙ ච අරූපං උපපජ්ජිත්වා පරිනිබ්බායිස්සන්ති තෙසං චක්ඛුන්ද්රියං උප්පජ්ජිත්ථ, නො ච තෙසං සොතින්ද්රියං උප්පජ්ජිස්සති. ඉතරෙසං චක්ඛුන්ද්රියඤ්ච උප්පජ්ජිත්ථ, සොතින්ද්රියඤ්ච උප්පජ්ජිස්සති.
යස්ස වා පන සොතින්ද්රියං උප්පජ්ජිස්සති තස්ස චක්ඛුන්ද්රියං උප්පජ්ජිත්ථා’ති: ආමන්තා.
යස්ස චක්ඛුන්ද්රියං උප්පජ්ජිත්ථ තස්ස ඝානින්ද්රියං උප්පජ්ජිස්සතී’ති: පච්ඡිමභවිකානං, යෙ ච රූපාවචරං අරූපාවචරං උපපජ්ජිත්වා පරිනිබ්බායිස්සන්ති තෙසං චක්ඛුන්ද්රියං උප්පජ්ජිත්ථ, නො ච තෙසං ඝානින්ද්රියං උප්පජ්ජිස්සති. ඉතරෙසං චක්ඛුන්ද්රියඤ්ච උප්පජ්ජිත්ථ. ඝානින්ද්රියඤ්ච උප්පජ්ජිස්සති.
යස්ස වා පන ඝානින්ද්රියං උප්පජ්ජිස්සති තස්ස චක්ඛුන්ද්රියං උප්පජ්ජිත්ථා’ති: ආමන්තා.
යස්ස චක්ඛුන්ද්රියං උප්පජ්ජිත්ථ තස්ස ඉත්ථින්ද්රියං උප්පජ්ජිස්සතී’ති: පච්ඡිමභවිකානං, යෙ ච රූපාවචරං අරූපාවචරං උපපජ්ජිත්වා පරිනිබ්බායිස්සන්ති, යෙ ච පුරිසා එතෙනෙව භාවෙන කතිචි භවෙ දස්සෙත්වා පරිනිබ්බායිස්සන්ති තෙසං චක්ඛුන්ද්රියං උප්පජ්ජිත්ථ, නො ච තෙසං ඉත්ථින්ද්රියං උප්පජ්ජිස්සති. ඉතරෙසං චක්ඛුන්ද්රියඤ්ච උප්පජ්ජිත්ථ, ඉත්ථින්ද්රියඤ්ච උප්පජ්ජිස්සති.
යස්ස වා පන ඉත්ථින්ද්රියං උප්පජ්ජිස්සති තස්ස චක්ඛුන්ද්රියං උප්පජ්ජිත්ථා’ති: ආමන්තා.
යස්ස චක්ඛුන්ද්රියං උප්පජ්ජිත්ථ තස්ස පුරිසින්ද්රියං උප්පජ්ජිස්සතී’ති: පච්ඡිමභවිකානං, යෙ ච රූපාවචරං අරූපාවචරං උපපජ්ජිත්වා පරිනිබ්බායිස්සන්ති, යා ච ඉත්ථියො එතෙනෙව භාවෙන කතිචි භවෙ දස්සෙත්වා පරිනිබ්බායිස්සන්ති තෙසං චක්ඛුන්ද්රියං උප්පජ්ජිත්ථ, නො ච තෙසං පුරිසින්ද්රියං උප්පජ්ජිස්සති. ඉතරෙසං චක්ඛුන්ද්රියඤ්ච උප්පජ්ජිත්ථ, පුරිසින්ද්රියඤ්ච උප්පජ්ජිස්සති.
යස්ස වා පන පුරිසින්ද්රියං උප්පජ්ජිස්සති තස්ස චක්ඛුන්ද්රියං උප්පජ්ජිත්ථා’ති: ආමන්තා.
යස්ස චක්ඛුන්ද්රියං උප්පජ්ජිත්ථ තස්ස ජීවිතින්ද්රියං උප්පජ්ජිස්සතී’ති: පච්ඡිමභවිකානං තෙසං චක්ඛුන්ද්රියං උප්පජ්ජිත්ථ, නො ච තෙසං ජීවිතින්ද්රියං උප්පජ්ජිස්සති. ඉතරෙසං චක්ඛුන්ද්රියඤ්ච උප්පජ්ජිත්ථ, ජීවිතින්ද්රියඤ්ච උප්පජ්ජිස්සති.
යස්ස වා පන ජීවිතින්ද්රියං උප්පජ්ජිස්සති තස්ස චක්ඛුන්ද්රියං උප්පජ්ජිත්ථා’ති: ආමන්තා.
යස්ස චක්ඛුන්ද්රියං උප්පජ්ජිත්ථ තස්ස සොමනස්සින්ද්රියං උප්පජ්ජිස්සතී’ති: පච්ඡිමභවිකානං, යෙ ච උපෙක්ඛාය උපපජ්ජිත්වා පරිනිබ්බායිස්සන්ති තෙසං චක්ඛුන්ද්රියං උප්පජ්ජිත්ථ, නො ච තෙසං සොමනස්සින්ද්රියං උප්පජ්ජිස්සති. ඉතරෙසං චක්ඛුන්ද්රියඤ්ච උප්පජ්ජිත්ථ, සොමනස්සින්ද්රියඤ්ච උප්පජ්ජිස්සති.