47. චක්ඛු ඉන්ද්රියන්ති: ආමන්තා. ඉන්ද්රියා චක්ඛුන්ද්රියන්ති: චක්ඛුන්ද්රියං ඉන්ද්රියඤ්චෙව චක්ඛුන්ද්රියඤ්ච. අවසෙසා ඉන්ද්රියා ඉන්ද්රියා, න චක්ඛුන්ද්රියං.

සොතං ඉන්ද්රියන්ති: ආමන්තා. ඉන්ද්රියා සොතින්ද්රියන්ති: සොතින්ද්රියං ඉන්ද්රියඤ්චෙව සොතින්ද්රියඤ්ච. අවසෙසා ඉන්ද්රියා ඉන්ද්රියා, න සොතින්ද්රියං.

ඝානං ඉන්ද්රියන්ති: ආමන්තා. ඉන්ද්රියා ඝානින්ද්රියන්ති: ඝානින්ද්රියං ඉන්ද්රියඤ්චෙව ඝානින්ද්රියඤ්ච. අවසෙසා ඉන්ද්රියා ඉන්ද්රියා, න ඝානින්ද්රියං.

ජිව්හා ඉන්ද්රියන්ති: ආමන්තා. ඉන්ද්රියා ජිව්හින්ද්රියන්ති: ජිව්හින්ද්රියං ඉන්ද්රියඤ්චෙව ජිව්හින්ද්රියඤ්ච. අවසෙසා ඉන්ද්රියා ඉන්ද්රියා, න ජිව්හින්ද්රියං.

කායො ඉන්ද්රියන්ති: ආමන්තා. ඉන්ද්රියා කායින්ද්රියන්ති: කායින්ද්රියං ඉන්ද්රියඤ්චෙව කායින්ද්රියඤ්ච. අවසෙසා ඉන්ද්රියා ඉන්ද්රියා, න කායින්ද්රියං.

මනො ඉන්ද්රියන්ති: ආමන්තා. ඉන්ද්රියා මනින්ද්රියන්ති: මනින්ද්රියං ඉන්ද්රියඤ්චෙව මනින්ද්රියඤ්ච. අවසෙසා ඉන්ද්රියා ඉන්ද්රියා, න මනින්ද්රියං.

ඉත්ථි ඉන්ද්රියන්ති: නො. ඉන්ද්රියා ඉත්ථින්ද්රියන්ති: ඉත්ථින්ද්රියං ඉන්ද්රියඤ්චෙව ඉත්ථින්ද්රියඤ්ච. අවසෙසා ඉන්ද්රියා ඉන්ද්රියා, න ඉත්ථින්ද්රියං.

පුරිසො ඉන්ද්රියන්ති: නො. ඉන්ද්රියා පුරිසින්ද්රියන්ති: පුරිසින්ද්රියං ඉන්ද්රියඤ්චෙව පුරිසින්ද්රියඤ්ච. අවසෙසා ඉන්ද්රියා ඉන්ද්රියා, න පුරිසින්ද්රියං.

ජීවිතං ඉන්ද්රියන්ති: ආමන්තා. ඉන්ද්රියා ජීවිතින්ද්රියන්ති: ජීවිතින්ද්රියං ඉන්ද්රියඤ්චෙව ජීවිතින්ද්රියඤ්ච. අවසෙසා ඉන්ද්රියා ඉන්ද්රියා, න ජීවිතින්ද්රියං.

සුඛං ඉන්ද්රියන්ති: ආමන්තා. ඉන්ද්රියා සුඛින්ද්රියන්ති: සුඛින්ද්රියං ඉන්ද්රියඤ්චෙව සුඛින්ද්රියඤ්ච. අවසෙසා ඉන්ද්රියා ඉන්ද්රියා, න සුඛින්ද්රියං.

දුක්ඛං ඉන්ද්රියන්ති: ආමන්තා. ඉන්ද්රියා දුක්ඛින්ද්රියන්ති: දුක්ඛින්ද්රියං ඉන්ද්රියඤ්චෙව දුක්ඛින්ද්රියඤ්ච. අවසෙසා ඉන්ද්රියා ඉන්ද්රියා, න දුක්ඛින්ද්රියං.

සොමනස්සං ඉන්ද්රියන්ති: ආමන්තා. ඉන්ද්රියා සොමනස්සින්ද්රියන්ති: සොමනස්සින්ද්රියං ඉන්ද්රියඤ්චෙව සොමනස්සින්ද්රියඤ්ච. අවසෙසා ඉන්ද්රියා ඉන්ද්රියා, න සොමනස්සින්ද්රියං.

දොමනස්සං ඉන්ද්රියන්ති: ආමන්තා. ඉන්ද්රියා දොමනස්සින්ද්රියන්ති: දොමනස්සින්ද්රියං ඉන්ද්රියඤ්චෙව දොමනස්සින්ද්රියඤ්ච. අවසෙසා ඉන්ද්රියා ඉන්ද්රියා, න දොමනස්සින්ද්රියං.

උපෙක්ඛා ඉන්ද්රියන්ති: ආමන්තා. ඉන්ද්රියා උපෙක්ඛින්ද්රියන්ති: උපෙක්ඛින්ද්රියං ඉන්ද්රියඤ්චෙව උපෙක්ඛින්ද්රියඤ්ච. අවසෙසා ඉන්ද්රියා ඉන්ද්රියා, න උපෙක්ඛින්ද්රියං.