1. චක්ඛු චක්ඛුන්ද්රියන්ති: දිබ්බචක්ඛු පඤ්ඤාචක්ඛු චක්ඛූ, න චක්ඛුන්ද්රියං. චක්ඛුන්ද්රියං චක්ඛු චෙව චක්ඛුන්ද්රියඤ්ච. චක්ඛුන්ද්රියං චක්ඛූ’ති: ආමන්තා.

සොතං සොතින්ද්රියන්ති: දිබ්බසොතං තණ්හා සොතං සොතං, න සොතින්ද්රියං. සොතින්ද්රියං සොතඤ්චෙව සොතින්ද්රියඤ්ච. සොතින්ද්රියං සොතන්ති: ආමන්තා.

ඝානං ඝානින්ද්රියන්ති: ආමන්තා. ඝානින්ද්රියං ඝානන්ති: ආමන්තා.

ජිව්හා ජිව්හින්ද්රියන්ති: ආමන්තා. ජිව්හින්ද්රියං ජිව්හා’ති: ආමන්තා.

කායො කායින්ද්රියන්ති: කායින්ද්රියං ඨපෙත්වා අවසෙසො කායො කායො න කායින්ද්රියං කායින්ද්රියං කායො චෙව කායින්ද්රියඤ්ච. කායින්ද්රියං කායො’ති: ආමන්තා.

මනො මනින්ද්රියන්ති: ආමන්තා. මනින්ද්රියං මනො’ති: ආමන්තා.

ඉත්ථි ඉත්ථින්ද්රියන්ති: නො. ඉත්ථින්ද්රියං ඉත්ථි’ති: නො.

පුරිසො පුරිසින්ද්රියන්ති: නො. පුරිසින්ද්රියං පුරිසො’ති: නො.

ජීවිතං ජීවිතින්ද්රියන්ති: ආමන්තා. ජීවිතින්ද්රියං ජීවිතන්ති: ආමන්තා.

සුඛං සුඛින්ද්රියන්ති: ආමන්තා. සුඛින්ද්රියං සුඛන්ති: ආමන්තා.

දුක්ඛං දුක්ඛින්ද්රියන්ති: ආමන්තා. දුක්ඛින්ද්රියං දුක්ඛන්ති: ආමන්තා.

සොමනස්සං සොමනස්සින්ද්රියන්ති: ආමන්තා. සොමනස්සින්ද්රියං සොමනස්සන්ති: ආමන්තා.

දොමනස්සං දොමනස්සින්ද්රියන්ති: ආමන්තා. දොමනස්සින්ද්රියං දොමනස්සන්ති: ආමන්තා.

උපෙක්ඛා උපෙක්ඛින්ද්රියන්ති: උපෙක්ඛින්ද්රියං ඨපෙත්වා අවසෙසා උපෙක්ඛා, න උපෙක්ඛින්ද්රියං උපෙක්ඛින්ද්රියං උපෙක්ඛා චෙව උපෙක්ඛින්ද්රියඤ්ච. උපෙක්ඛින්ද්රියං උපෙක්ඛාති: ආමන්තා.

සද්ධා සද්ධින්ද්රියන්ති: ආමන්තා. සද්ධින්ද්රියං සද්ධා’ති: ආමන්තා.

විරියං විරියින්ද්රියන්ති: ආමන්තා. විරියින්ද්රියං විරියන්ති: ආමන්තා.

සති සතින්ද්රියන්ති: ආමන්තා. සතින්ද්රියං සතී’ති: ආමන්තා.

සමාධි සමාධින්ද්රියන්ති: ආමන්තා, සමාධින්ද්රියං සමාධී’ති: ආමන්තා.

පඤ්ඤා පඤ්ඤින්ද්රියන්ති: ආමන්තා. පඤ්ඤින්ද්රියං පඤ්ඤා’ති: ආමන්තා.

අනඤ්ඤාතඤ්ඤස්සාමීති අනඤ්ඤාතඤ්ඤස්සාමීතින්ද්රියන්ති: ආමන්තා. අනඤ්ඤාතඤ්ඤස්සාමීතින්ද්රියං අනඤ්ඤාතඤ්ඤස්සාමී’ති: ආමන්තා.

අඤ්ඤං අඤ්ඤින්ද්රියන්ති: ආමන්තා. අඤ්ඤින්ද්රියං අඤ්ඤන්ති: ආමන්තා.

අඤ්ඤාතාවී අඤ්ඤාතාවින්ද්රියන්ති: ආමන්තා. අඤ්ඤාතාවින්ද්රියං අඤ්ඤාතාවී’ති: ආමන්තා.

2. න චක්ඛු න චක්ඛුන්ද්රියන්ති: ආමන්තා. න චක්ඛුන්ද්රියං න චක්ඛූ’ති: දිබ්බචක්ඛු පඤ්ඤාචක්ඛු න චක්ඛුන්ද්රියං, චක්ඛු. චක්ඛුං ච චක්ඛුන්ද්රියඤ්ච ඨපෙත්වා අවසෙසා න චෙව චක්ඛු, න ච චක්ඛුන්ද්රියං.

සොතං න සොතින්ද්රියන්ති: ආමන්තා. න සොතින්ද්රියං න සොතන්ති: දිබ්බසොතං තණ්හාසොතං න සොතින්ද්රියං, සොතං. සොතඤ්ච සොතින්ද්රියඤ්ච ඨපෙත්වා අවසෙසා න චෙව සොතං, න ච සොතින්ද්රියං.

න ඝානං න ඝානින්ද්රියන්ති: ආමන්තා. න ඝානින්ද්රියං න ඝානන්ති: ආමන්තා.

න ජිව්හා න ජිව්හින්ද්රියන්ති: ආමන්තා. න ජිව්හින්ද්රියං න ජිව්හා’ති: ආමන්තා.

න කායො න කායින්ද්රියන්ති: ආමන්තා. න කායින්ද්රියං න කායො’ති: කායින්ද්රියං ඨපෙත්වා අවසෙසො කායො න කායින්ද්රියං, කායො. කායඤ්ච කායින්ද්රියඤ්ච ඨපෙත්වා අවසෙසා න චෙ ව කායො, න ච කායින්ද්රියං.