11. උපාදාන ගොච්ඡක කුසල දුකතිකං.
නො උපාදානං කුසලං ධම්මං පටිච්ච නො උපාදානො කුසලො ධම්මො උප්පජ්ජති හෙතුපච්චයා, හෙතුයා එකං, ආරම්මණෙ එකං, අවිගතෙ එකං, සහජාතවාරෙපි පඤ්හාවාරෙපි සබ්බත්ථ එකං, උපාදානං අකුසලං ධම්මං පටිච්ච උපාදානො අකුසලො ධම්මො උප්පජ්ජති හෙතුපච්චයා, උපාදානං අකුසලං ධම්මං පටිච්ච නො උපාදානො අකුසලො ධම්මො උප්පජ්ජති හෙතුපච්චයා, උපාදානං අකුසලං ධම්මං පටිච්ච උපාදානො අකුසලො ච නො උපාදානො අකුසලො ච ධම්මා උප්පජ්ජන්ති හෙතුපච්චයා, නො උපාදානං අකුසලං ධම්මං පටිච්ච නො උපාදානො අකුසලො ධම්මො උප්පජ්ජති හෙතුපච්චයා, තීණි. උපාදානං
අකුසලඤ්ච නො උපාදානං අකුසලඤ්ච ධම්මං පටිච්ච උපාදානො අකුසලො ධම්මො උප්පජ්ජති හෙතුපච්චයා, තීණි. හෙතුයා නව, ආරම්මණෙ නව, සබ්බත්ථ නව, අවිගතෙ නව, නො උපාදානං අකුසලං ධම්මං පටිච්ච නො උපාදානො අකුසලො ධම්මො උප්පජ්ජති න හෙතුපච්චයා, න හෙතුයා එකං. න අධිපතියා නව, න පුරෙජාතෙ නව, -පෙ- න කම්මෙ තීණි, න විපාකෙ නව, න විප්පයුත්තෙ නව, (සහජාතවාරාදි විත්ථාරෙතබ්බො.)
උපාදානො අකුසලො ධම්මො උපාදානස්ස අකුසලස්ස ධම්මස්ස හෙතුපච්චයෙන පච්චයො. හෙතුයා නව, ආරම්මණෙ නව, අධිපතියා නව, නො උපාදාන මූලකෙ තීණි, සහජාතාධිපති, අනන්තරෙ නව, -පෙ- උපනිස්සයෙ නව, ආසෙවනෙ නව, කම්මෙ තීණි, නො උපාදාන මූලකෙ ආහාරෙ තීණි. ඉන්ද්රියෙ තීණි, ඣානෙ තීණි, මග්ගෙ නව, සම්පයුත්තෙ නව, අත්ථියා නව, නො උපාදානං අබ්යාකතං ධම්මං පටිච්ච නො උපාදානො අබ්යාකතො ධම්මො උප්පජ්ජති හෙතුපච්චයා, හෙතුයා එකං, ආරම්මණෙ එකං, අවිගතෙ එකං, සහජාතවාරෙපි පඤ්හාවාරෙපි සබ්බත්ථ එකං, උපාදානියං කුසලං ධම්මං පටිච්ච උපාදානියො කුසලො ධම්මො උප්පජ්ජති හෙතුපච්චයා, අනුපාදානියං කුසලං ධම්මං පටිච්ච අනුපාදානියො කුසලො ධම්මො උප්පජ්ජති හෙතුපච්චයා, හෙතුයා ද්වෙ, ආරම්මණෙ ද්වෙ, අවිගතෙ ද්වෙ, ලෙකියලොකුත්තර කුසල සදිසං. (සහජාතවාරං පි පඤ්හාවාරංපි විත්ථාරෙතබ්බං.)
උපාදානියං අකුසලං ධම්මං පටිච්ච උපාදානියො අකුසලො ධම්මො උප්පජ්ජති හෙතුපච්චයා, හෙතුයා එකං, ආරම්මණෙ එකං, අවිගතෙ එකං, සහජාතවාරෙ පි පඤ්හාවාරෙ පි සබ්බත්ථ එකං.
උපාදානියං අබ්යාකතං ධම්මං පටිච්ච උපාදානියො අබ්යාකතො ධම්මො උප්පජ්ජති හෙතුපච්චයා, අනුපාදානියං අබ්යාකතං ධම්මං පටිච්ච අනුපාදානියො අබ්යාකතො ධම්මො උප්පජ්ජති හෙතුපච්චයා, අනුපාදානියං අබ්යාකතං ධම්මං පටිච්ච උපාදානියො අබ්යාකතො ධම්මො උප්පජ්ජති හෙතුපච්චයා, අනුපාදානියං අබ්යාකතං ධම්මං පටිච්ච උපාදානියො අබ්යාකතො ච අනුපාදානියො අබ්යාකතො ච ධම්මා උප්පජ්ජන්ති හෙතුපච්චයා, උපාදානියං අබ්යාකතං ච අනුපාදානියං අබ්යාකතං ච ධම්මං පටිච්ච උපාදානියො අබ්යාකතො ධම්මො උප්පජ්ජති හෙතුපච්චයා, හෙතුයා පඤ්ච, ආරම්මණෙ ද්වෙ, අවිගතෙ පඤ්ච, (ලොකිය ලොකුත්තර අබ්යාකත සදිසං. සහජාතවාරං පි පඤ්හාවාරං පි විත්ථාරෙතබ්බං.)