නො කිලෙසං කුසලං ධම්මං පටිච්ච නො කිලෙසො කුසලො ධම්මො උප්පජ්ජති හෙතුපච්චයා, හෙතුයා එකං, ආරම්මණෙ එකං, අවිගතෙ එකං, සහජාතවාරෙපි පඤ්හාවාරෙපි සබ්බත්ථ එකං, කිලෙසං අකුසලං

ධම්මං පටිච්ච කිලෙසො අකුසලො ධම්මො උප්පජ්ජති හෙතුපච්චයා, තීණි. නො කිලෙසං අකුසලං ධම්මං පටිච්ච නො කිලෙසො අකුසලො ධම්මො උප්පජ්ජති හෙතුපච්චයා, තීණි. කිලෙසං අකුසලඤ්ච නො කිලෙසං අකුසලඤ්ච ධම්මං පටිච්ච කිලෙසො අකුසලො ධම්මො උප්පජ්ජති හෙතුපච්චයා, තීණි. හෙතුයා නව, ආරම්මණෙ නව, සබ්බත්ථ නව, අවිගතෙ නව, කිලෙසං අකුසලං ධම්මං පටිච්ච කිලෙසො අකුසලො ධම්මො උප්පජ්ජති න හෙතුපච්චයා, විචිකිච්ඡං පටිච්ච විචිකිච්ඡාසහගතො මොහො, උද්ධච්චං පටිච්ච උද්ධච්චසහගතො මොහා, නො කිලෙසං අකුසලං ධම්මං පටිච්ච කිලෙසො අකුසලො ධම්මො උප්පජ්ජති න හෙතු,-. විචිකිච්ඡාසහගතෙ උද්ධච්චසහගතෙ ඛන්ධෙ පටිච්ච විචිකිච්ඡාසහගතො මොහො, උද්ධච්චසහගතො මොහො, කිලෙසං අකුසලඤ්ච නො කිලෙසං අකුසලඤ්ච ධම්මං පටිච්ච කිලෙසො අකුසලො ධම්මො උප්පජ්ජති හෙතුපච්චයා. විචිකිච්ඡාසහගතෙ ඛන්ධෙ ච විචිකිච්ඡඤ්ච පටිච්ච විචිකිච්ඡාසහගතො මොහො, උද්ධච්චසහගතෙ ඛන්ධෙ ච උද්ධච්චඤ්ච පටිච්ච උද්ධච්චසහගතො මොහො, න හෙතුයා තීණි. න අධිපතියා නව, න පුරෙජාතෙ නව, න පච්ඡාජාතෙ නව, න ආසෙවනෙ නව, න කම්මෙ තීණි, න විපාකෙ නව, න විප්පයුත්තෙ නව, (සහජාතවාරාදි විත්ථාරෙතබ්බො).

කිලෙසො අකුසලො ධම්මො කිලෙසස්ස අකුසලස්ස ධම්මස්ස හෙතුපච්චයෙන පච්චයො. හෙතුයා තීණි, ආරම්මණෙ නව, අධිපතියා නව, මජ්ඣෙ තීණි. සහජාතාධිපති අනන්තරෙ නව, සමනන්තරෙ නව, -පෙ- උපනිස්සයෙ නව, ආසෙවනෙ නව, කම්මෙ තීණි, ආහාරෙ තීණි, ඉන්ද්රියෙ තීණි, ඣානෙ තීණි, මග්ගෙ නව, සම්පයුත්තෙ නව, නො කිලෙසං අබ්යාකතං ධම්මං පටිච්ච නො කිලෙසො අබ්යාකතො ධම්මො උප්පජ්ජති හෙතුපච්චයා, හෙතුයා එකං, ආරම්මණෙ එකං, අවිගතෙ එකං, සහජාතවාරෙ පි පඤ්හාවාරෙ පි සබ්බත්ථ එකං.

සංකිලෙසිකං කුසලං ධම්මං පටිච්ච සංකිලෙසිකො කුසලො ධම්මො උප්පජ්ජති හෙතුපච්චයා, අසංකිලෙසිකං කුසලං ධම්මං පටිච්ච අසංකිලෙසිකො කුසලො ධම්මො උප්පජ්ජති හෙතුපච්චයා, හෙතුයා ද්වෙ, ආරම්මණෙ ද්වෙ, අවිගතෙ ද්වෙ, ලොකිය ලොකුත්තර කුසල සදිසං. (සහජාතවාරං පි පඤ්හාවාරං පි විත්ථාරෙතබ්බා).

සංකිලෙසිකං අකුසලං ධම්මං පටිච්ච සංකිලෙසිකො අකුසලො ධම්මො උප්පජ්ජති හෙතුපච්චයා, හෙතුයා එකං, ආරම්මණෙ එකං, අවිගතෙ එකං, සහජාත වාරෙපි පඤ්හාවාරෙපි සබ්බත්ථ එකං, සංකිලෙසිකං අබ්යාකතං ධම්මං පටිච්ච සංකිලෙසිකො අබ්යාකතො ධම්මො උප්පජ්ජති හෙතුපච්චයා. අසංකිලෙසිකං අබ්යාකතං ධම්මං