ආරම්මණං කුසලං ධම්මං පටිච්ච සාරම්මණො කුසලො ධම්මො උප්පජ්ජති හෙතුපච්චයා, (යථා සප්පච්චයං කුසලං ධම්මං පටිච්ච-. එවං විත්ථාරෙතබ්බං.) සාරම්මණං අකුසලං ධම්මං පටිච්ච සාරම්මණො අකුසලො ධම්මො උප්පජ්ජති හෙතුපච්චයා. (යථා සප්පච්චයං අකුසලං-. එවං කාතබ්බං.) සාරම්මණං අබ්යාකතං ධම්මං පටිච්ච සාරම්මණො අබ්යාකතො ධම්මො උප්පජ්ජති හෙතුපච්චයා, තීණි. අනාරම්මණං අබ්යාකතං ධම්මං පටිච්ච අනාරම්මණො අබ්යාකතො ධම්මො උප්පජ්ජති හෙතුපච්චයා තීණි. සාරම්මණං අබ්යාකතඤ්ච අනාරම්මණං අබ්යාකතඤ්ච ධම්මං පටිච්ච සාරම්මණො අබ්යාකතො ධම්මො උප්පජ්ජති හෙතුපච්චයා, තීණි. හෙතුයා නව, ආරම්මණෙ තීණි. අධිපතියා පඤ්ච. -පෙ- අඤ්ඤමඤ්ඤෙ ඡ, පුරෙජාතෙ එකං, ආසෙවනෙ එකං, -පෙ- න හෙතුයා නව, න ආරම්මණෙ තීණි, න අධිපතියා නව, -පෙ- න කම්මෙ ද්වෙ, න විපාකෙ පඤ්ච, න ආහාරෙ එකං, න ඉන්ද්රියෙ එකං, න ඣානෙ ද්වෙ, න මග්ගෙ නව, න සම්පයුත්තෙ තීණි, න විප්පයුත්තෙ ද්වෙ, නො නත්ථියා ද්වෙ, න විගතෙ ද්වෙ. සාරම්මණො අබ්යාකතො ධම්මො සාරම්මණස්ස අබ්යාකතස්ස ධම්මස්ස හෙතුපච්චයෙන පච්චයො, තීණි. සාරම්මණො අබ්යාකතො ධම්මො සාරම්මණස්ස අබ්යාකතස්ස ධම්මස්ස ආරම්මණපච්චයෙන පච්චයො. අනාරම්මණො අබ්යාකතො ධම්මො සාරම්මණස්ස අබ්යාකතස්ස ධම්මස්ස ආරම්මණපච්චයෙන පච්චයො, ද්වෙ. සාරම්මණො අබ්යාකතො ධම්මො සාරම්මණස්ස අබ්යාකතස්ස ධම්මස්ස අධිපති, ආරම්මණාධිපති, සහජාතාධිපතිපච්චයෙන පච්චයො. අනාරම්මණො.

අබ්යාකතො ධම්මො සාරම්මණස්ස අබ්යාකතස්ස ධම්මස්ස අධිපති, ආරම්මණාධිපතිපච්චයෙන පච්චයො, හෙතුයා තීණි, ආරම්මණෙ ද්වෙ, අධිපතියා චත්තාරි, අනන්තරෙ එකං, -පෙ- සහජාතෙ සත්ත අඤ්ඤමඤ්ඤෙ ඡ, නිස්සයෙ සත්ත, උපනිස්සයෙ ද්වෙ, පුරෙජාතෙ එකං, පච්ඡාජාතෙ එකං, ආසෙවනෙ එකං, කම්මෙ තීණි. විපාකෙ තීණි, -පෙ- සම්පයුත්තෙ එකං, විප්පයුත්තෙ ද්වෙ, -පෙ-

චිත්තං කුසලං ධම්මං පටිච්ච නො චිත්තො කුසලො ධම්මො උප්පජ්ජති හෙතුපච්චයා, නො චිත්තං කුසලං ධම්මං පටිච්ච නො චිත්තෙ කුසලො ධම්මො උප්පජ්ජති හෙතුපච්චයා, නො චිත්තං කුසලං ධම්මං පටිච්ච චිත්තො කුසලො ධම්මො උප්පජ්ජති හෙතුපච්චයා, නො චිත්තං කුසලං ධම්මං පටිච්ච චිත්තො කුසලො ච නො චිත්තෙ කුසලො ච ධම්මා උප්පජ්ජන්ති හෙතුපච්චයා, චිත්තං. කුසලං ච නො චිත්තං කුසලං ච ධම්මං පටිච්ච නො චිත්තො කුසලො ධම්මො උප්පජ්ජති හෙතුපච්චයා, හෙතුයා පඤ්ච, ආරම්මණෙ පඤ්ච, සබ්බත්ථ පඤ්ච, අවිගතෙ පඤ්ච, න අධිපතියා පඤ්ච, න පුරෙජාතෙ පඤ්ච, න පච්ඡාජාතෙ පඤ්ච, න ආසෙවනෙ පඤ්ච, න කම්මෙ තීණි, න විපාකෙ පඤ්ච, න විප්පයුත්තෙ පඤ්ච, (සහජාතවාරංපි සම්පයුත්තවාරංපි විත්ථාරෙතබ්බං.) නො චිත්තො කුසලො ධම්මො නො චිත්තස්ස කුසලස්ස ධම්මස්ස හෙතුපච්චයෙන පච්චයො, නො චිත්තො කුසලො ධම්මො චිත්තස්ස කුසලස්ස ධම්මස්ස හෙතුපච්චයෙන පච්චයො, හෙතුයා තීණි, ආරම්මණෙ නව, අධිපතියා නව, අවිගතෙ පඤ්ච, න හෙතුයා නව, න ආරම්මණෙ නව, හෙතුපච්චයා න ආරම්මණෙ තීණි, න හෙතුපච්චයා ආරම්මණෙ නව, (යථා කුසලත්තිකෙ පඤ්හාවාරස්ස අනුලොමංපි පච්චනියංපි අනුලොමපච්චනීයංපි පච්චනියානුලොමංපි ගණිතං, එවං ගණෙතබ්බං.)

චිත්තං අකුසලං ධම්මං පටිච්ච නො චිත්තො අකුසලො ධම්මො උප්පජ්ජති හෙතුපච්චයා, නො චිත්තං අකුසලං ධම්මං පටිච්ච නො චිත්තො අකුසලො ධම්මො උප්පජ්ජති හෙතුපච්චයා, නො චිත්තං අකුසලං ධම්මං පටිච්ච චිත්තො අකුසලො ධම්මො උප්පජ්ජති හෙතුපච්චයා, නො චිත්තං අකුසලං ධම්මං පටිච්ච චිත්තො අකුසලො ච නො චිත්තො අකුසලො ච ධම්මා උප්පජ්ජන්ති හෙතුපච්චයා, චිත්තං අකුසලං ච නො චිත්තං අකුසලං ච ධම්මං පටිච්ච නො චිත්තො අකුසලො ධම්මො උප්පජ්ජති හෙතුපච්චයා, හෙතුයා පඤ්ච, ආරම්මණෙ පඤ්ච. අවිගතෙ පඤ්ච, (චිත්ත කුසල ධම්ම සදිසං. න හෙතුයාපි කාතබ්බං සහජාතවාරංපි පඤ්හාවාරංපි විත්ථාරෙතබ්බං.)