88. සවිචාර දුකං.
සවිචාරං ධම්මං පටිච්ච සවිචාරො ධම්මො උප්පජ්ජති හෙතුපච්චයා, සවිචාරං එකං ඛන්ධං පටිච්ච තයො ඛන්ධා, ද්වෙ ඛන්ධෙ, (පටිසන්ධික්ඛණෙ, යථා සවිතක්කදුකං එවං කාතබ්බං, නින්නානාකරණං, ඉධ මග්ගෙ චත්තාරි කාතබ්බානි, සවිචාරදුකෙ ඉමං නානාකරණං.)
සවිචාර දුකං නිට්ඨිතං.
89. සප්පීතික දුකං.
සප්පීතිකං ධම්මං පටිච්ච සප්පීතිකො ධම්මො උප්පජ්ජති හෙතු පච්චයා, සප්පීතිකං එකං ඛන්ධං පටිච්ච තයො ඛන්ධා, ද්වෙ ඛන්ධෙ, පටිසන්ධික්ඛණෙ සප්පීතිකං ධම්මං පටිච්ච අප්පීතිකො ධම්මො උප්පජ්ජති හෙතුපච්චයා, සප්පීතිකෙ ඛන්ධෙ පටිච්ච පීති ච චිත්තසමුට්ඨානඤ්ච රූපං-. පටිසන්ධික්ඛණෙ, සප්පීතිකං ධම්මං පටිච්ච සප්පීතිකො ච අප්පීතිකො ච ධම්මා උප්පජ්ජන්ති හෙතුපච්ච-. සප්පීතිකං එකං ඛන්ධං පටිච්ච තයො ඛන්ධා පීති ච චිත්තසමුට්ඨානඤ්ච රූපං, ද්වෙ-. පටිසන්ධික්ඛණෙ අප්පීතිකං ධම්මං පටිච්ච අප්පීතිකො ධම්මො උප්පජ්ජති හෙතුපච්ච-. අප්පීතිකං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච-. පීතිං පටිච්ච චිත්තසමුට්ඨානං රූපං, පටිසන්ධික්ඛණෙ, අප්පීතිකං එකං ඛන්ධං පටිච්ච තයො ඛන්ධා කටත්තා ච රූපං, ද්වෙ ඛන්ධෙ-. පීතිං පටිච්ච කටත්තා-. ඛන්ධෙ පටිච්ච වත්ථු. වත්ථුං පටිච්ච ඛන්ධා, පීතිං පටිච්ච වත්ථු. වත්ථුං පටිච්ච පීති, එකං මහාභූතං පටිච්ච, (යථා සවිතක්ක දුකං, සබ්බත්ථ එවං සප්පීතික දුකං කාතබ්බං, සබ්බත්ථ පවත්ති පටිසන්ධි නවපි පඤ්හා.) හෙතුයා නව, ආරම්මණෙ නව, අධිපතියා නව, පුරෙජාතෙ ඡ, කම්මෙ නව, විපාකෙ නව, අවිගතෙ නව.
සප්පීතිකං ධම්මං පටිච්ච සප්පීතිකො ධම්මො උප්පජ්ජති න හෙතු පච්ච-. අහෙතුකං සප්පීතිකං එකං ඛන්ධං පටිච්ච තයො ඛන්ධා, ද්වෙ ඛන්ධෙ-. සප්පීතිකං ධම්මං පටිච්ච අප්පීතිකො ධම්මො උප්පජ්ජති න හෙතුපච්චයා, අහෙතුකෙ සප්පීතිකෙ ඛන්ධෙ ච පටිච්ච පීති ච චිත්තසමුට්ඨානඤ්ච-. සප්පීතිකං ධම්මං පටිච්ච සප්පීතිකො ච අප්පීතිකො ච ධම්මා උප්පජ්ජන්ති න හෙතුපච්චයා, අහෙතුකං සප්පීතිකං එකං ඛන්ධං පටිච්ච තයො ඛන්ධා පීති ච චිත්තසමුට්ඨානඤ්ච-. ද්වෙ ඛන්ධෙ-. අප්පීතිකං ධම්මං පටිච්ච අප්පීතිකො ධම්මො උප්පජ්ජති න හෙතුපච්චයා, අහෙතුකං සප්පීතිකං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච-. ද්වෙ ඛන්ධෙ-. පීතිං පටිච්ච චිත්තසමුට්ඨානං-. අහෙතුක පටිසන්ධික්ඛණෙ, අප්පීතිකං එකං ඛන්ධං පටිච්ච තයො ඛන්ධා කටත්තා ච-. ද්වෙ ඛන්ධෙ පටිච්ච ද්වෙ ඛන්ධා කටත්තා ච-. ඛන්ධෙ පටිච්ච වත්ථු, වත්ථුං පටිච්ච ඛන්ධා, එකං මහාභූතං-. (යාව අසඤ්ඤසත්තාපි.) විචිකිච්ඡාසහගතෙ උද්ධච්චසහගතෙ ඛන්ධෙ පටිච්ච විචිකිච්ඡාසහගතො උද්ධච්චසහගතො මොහො. අප්පීතිකං ධම්මං පටිච්ච සප්පීතිකො ධම්මො උප්පජ්ජති න හෙතුපච්ච-. අහෙතුකං පීතිං පටිච්ච සප්පීතිකා ඛන්ධා, (මූලං. පීතිං පටිච්ච සප්පීතිකා ඛන්ධා චිත්තසමුට්ඨානඤ්ච-. සප්පීතිකඤ්ච අප්පීතිකඤ්ච-. සප්පීතිකො ධම්මො උප්පජ්ජති න හෙතුපච්ච-. අහෙතුකං සප්පීතිකං එකං ඛන්ධඤ්ච පීතිඤ්ච පටිච්ච තයො ඛන්ධා, සප්පීතිකඤ්ච අප්පීති-