හෙතු ධම්මං පටිච්ච හෙතුධම්මො උප්පජ්ජති හෙතුපච්චයා. අලොභං පටිච්ච අදොසො අමොහො, අදොසං පටිච්ච අලොභො අමොහො, අමොහං පටිච්ච අලොභො අදොසො, ලොභං පටිච්ච මොහො, මොහං පටිච්ච ලොභො, දොසං පටිච්ච මොහො, මොහං පටිච්ච දොසො පටිසන්ධික්ඛණෙ.

හෙතුං ධම්මං පටිච්ච න හෙතුධම්මො උප්පජ්ජති හෙතුපච්චයා. හෙතුං ධම්මං පටිච්ච සම්පයුත්තකා ඛන්ධා චිත්තසමුට්ඨානඤ්ච රූපං, පටිසන්ධික්ඛණෙ හෙතුං ධම්මං පටිච්ච හෙතූ ච න හෙතූ ච ධම්මා උප්පජ්ජන්ති හෙතුපච්චයා. අලොභං පටිච්ච අදොසො අමොහො සම්පයුත්තකා ච ඛන්ධා චිත්තසමුට්ඨානඤ්ච රූපං, (චක්කං.) ලොභං පටිච්ච මොහො සම්පයුත්තකා ච ඛන්ධා චිත්තසමුට්ඨානඤ්ච රූපං, පටිසන්ධික්ඛණෙ න හෙතුං ධම්මං පටිච්ච න හෙතුධම්මො උප්පජ්ජති හෙතුපච්චයා. න හෙතුං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං, ද්වෙ ඛන්ධෙ පටිච්ච ද්වෙ ඛන්ධා චිත්තසමුට්ඨානඤ්ච රූපං, පටිසන්ධික්ඛණෙ ඛන්ධෙ පටිච්ච වත්ථු, වත්ථුං පටිච්ච ඛන්ධා, එකං මහාභූතං.

න හෙතු ධම්මං පටිච්ච හෙතුධම්මො උප්පජ්ජති හෙතුපච්චයා. න හෙතු ඛන්ධෙ පටිච්ච හෙතු, පටිසන්ධික්ඛණෙ වත්ථුං පටිච්ච හෙතු, න හෙතුං ධම්මං පටිච්ච හෙතු ච න හෙතු ච ධම්මා උප්පජ්ජන්ති හෙතුපච්චයා. න හෙතුං එකං ඛන්ධං පටිච්ච තයො ඛන්ධා හෙතු ච චිත්තසමුට්ඨානඤ්ච රූපං, ද්වෙ ඛන්ධෙ පටිච්ච ද්වෙ ඛන්ධා, හෙතු ච චිත්තසමුට්ඨානඤ්ච රූපං, පටිසන්ධික්ඛණෙ වත්ථුං පටිච්ච හෙතු සම්පයුත්තකා ච ඛන්ධා.

හෙතුං ච න හෙතුං ච ධම්මං පටිච්ච හෙතු ධම්මො උප්පජ්ජති හෙතුපච්චයා, අලොභඤ්ච සම්පයුත්තකෙ ච ඛන්ධෙ පටිච්ච අදොසො අමොහො, (චක්කං.) ලොභඤ්ච සම්පයුත්තකෙ ච ඛන්ධෙ පටිච්ච මොහො, දොසඤ්ච සම්පයුත්තකෙ ච ඛන්ධෙ පටිච්ච මොහො, පටිසන්ධික්ඛණෙ අලොභඤ්ච වත්ථුං ච පටිච්ච අදොසො අමොහො.

හෙතුං ච න හෙතුං ච ධම්මං පටිච්ච න හෙතු ධම්මො උප්පජ්ජති හෙතුපච්චයා, න හෙතුං එකං ඛන්ධඤ්ච හෙතුං ච පටිච්ච තයො ඛන්ධා චිත්තසමුට්ඨානඤ්ච රූපං, ද්වෙ ඛන්ධෙ ච හෙතුං ච පටිච්ච

ද්වෙ ඛන්ධා චිත්තසමුට්ඨානඤ්ච රූපං, පටිසන්ධික්ඛණෙ වත්ථුං ච හෙතුං ච පටිච්ච සම්පයුත්තකා ඛන්ධා, හෙතුං ච න හෙතුං ච ධම්මං පටිච්ච හෙතු ච න හෙතු ච ධම්මා උප්පජ්ජන්ති හෙතුපච්චයා න හෙතුං එකං ඛන්ධඤ්ච අලොභඤ්ච පටිච්ච තයො ඛන්ධා, අදොසො අමොහො ච චිත්තසමුට්ඨානඤ්ච රූපං, ද්වෙ ඛන්ධෙ ච අලොභඤ්ච පටිච්ච ද්වෙ ඛන්ධා අදොසො අමොහො ච චිත්තසමුට්ඨානඤ්ච රූපං, චක්කං. න හෙතුං එකං ඛන්ධඤ්ච ලොභඤ්ච පටිච්ච තයො ඛන්ධා මොහො ච චිත්තසමුට්ඨානඤ්ච රූපං, ද්වෙ ඛන්ධෙ, පටිසන්ධික්ඛණෙ වත්ථුං ච අලොභඤ්ච පටිච්ච අදොසො අමොහො සම්පයුත්තකා ඛන්ධා.

හෙතුං ධම්මං පටිච්ච හෙතු ධම්මො උප්පජ්ජති ආරම්මණපච්චයා. (රූපං ඡඩ්ඩෙත්වා අරූපෙයෙව නව පඤ්හා,) අධිපතිපච්චයා පටිසන්ධි නත්ථි. පරිපුණ්ණා, එකං මහාභූතං පටිච්ච, මහාභූතෙ පටිච්ච චිත්තසමුට්ඨානං රූපං, උපාදාරූපං, ඉමං නානං, අනන්තරපච්චයා, සමනන්තරපච්චයා, සහජාතපච්චයා, සබ්බෙ මහාභූතා, යාව අසඤ්ඤසත්තා, අඤ්ඤමඤ්ඤපච්චයා, නිස්සයපච්චයා, උපනිස්සයපච්චයා පුරෙජාතපච්චයා, ආසෙවනපච්චයා. ද්වීසුපි පටිසන්ධි නත්ථි, කම්මපච්චයා විපාකපච්චයා, (සංඛිත්තං,) අවිගතපච්චයා.

හෙතුයා නව, ආරම්මණෙ නව, සබ්බත්ථ නව, අවිගතෙ නව, (එවං ගණෙතබ්බං.)

න හෙතුං ධම්මං පටිච්ච න හෙතු ධම්මො උප්පජ්ජති න හෙතුපච්චයා, අහෙතුකං න හෙතුං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං, ද්වෙ, අහෙතුක පටිසන්ධික්ඛණෙ ඛන්ධෙ පටිච්ච වත්ථු, වත්ථුං පටිච්ච ඛන්ධා, එකං මහාභූතං, බාහිරං, ආහාර, උතු, අසඤ්ඤ, න හෙතුං ධම්මං පටිච්ච හෙතුධම්මො උප්පජ්ජති න හෙතුපච්චයා. විචිකිච්ඡාසහගතෙ උද්ධච්චසහගතෙ ඛන්ධෙ පටිච්ච විචිකිච්ඡා සහගතො උද්ධච්ච සහගතො මොහො.

හෙතුං ධම්මං පටිච්ච න හෙතු ධම්මො උප්පජ්ජති නාරම්මණපච්චයා. හෙතුං පටිච්ච චිත්තසමුට්ඨානං රූපං, පටිසන්ධික්ඛණෙ, න හෙතුං ධම්මං පටිච්ච න හෙතු ධම්මො උප්පජ්ජති න ආරම්මණපච්චයා. න හෙතු ඛන්ධෙ පටිච්ච චිත්තසමුට්ඨානං රූපං, පටිසන්ධික්ඛණෙ, සබ්බෙ මහාභූතා.

හෙතුං ච න හෙතුං ච ධම්මං පටිච්ච න හෙතු ධම්මො උප්පජ්ජති නාරම්මණපච්චයා, හෙතුඤ්ච න හෙතුඤ්ච ඛන්ධෙ පටිච්ච චිත්තසමුට්ඨානං රූපං, පටිසන්ධික්ඛණෙ, න අධිපතිපච්චයා පරිපුණ්ණං. න