4. සඞ්ගෘහීතයෙන් සඞ්ගෘහීත පද නිර්‍දෙශය
1. සමුදයසත්‍ය විසින් යම් ධර්‍ම කෙනෙක් මාර්‍ග සත්‍ය විසින් යම් ධර්‍ම කෙනෙක් ස්කන්‍ධ සඞ්ග්‍රහයෙන් සඞ්ගෘහීත වූවාහු ආයතන සංග්‍රහයෙන් සඞ්ගෘහීත වූවාහු ධාතු සඞ්ග්‍රහයෙන් සඞ්ගෘහීත වූවාහු වෙත් ද ඒ ධර්‍මයන් විසින් යම් ධර්‍ම කෙනෙක් ස්කන්‍ධ සඞ්ග්‍රහයෙන් සඞ්ග්‍රහ කරන ලද්දාහු ද ආයතන සඞ්ග්‍රහයෙන් සඞ්ග්‍රහ කරන ලද්දාහු ද ධාතු සඞ්ග්‍රහයෙන් සඞ්ග්‍රහ කරන ලද්දාහු ද ඒ ධර්‍මයෝ කෙතෙක් ස්කන්‍ධයන් විසින් කෙතෙක් ආයතනයන් විසින් කෙතෙක් ධාතූන් විසින් සඞ්ගෘහීත වෙත් ද යත්: ඒ ධර්‍මයෝ එක් ස්කන්‍ධයක් විසින් එක් ආයතනයක් විසින් එක් ධාතුවක් විසින් සඞ්ගෘහීත වෙත්.
2. ඉත්‍ථින්‍ද්‍රිය විසින් යම් ධර්‍ම කෙනෙක්, පුරිසින්‍ද්‍රිය විසින් යම් ධර්‍ම කෙනෙක් සුඛින්‍ද්‍රිය විසින් යම් ධර්‍ම කෙනෙක්, දුක්ඛින්‍ද්‍රිය විසින් යම් ධර්‍ම කෙනෙක්, සෝමනස්සින්‍ද්‍රිය විසින් යම් ධර්‍ම කෙනෙක්, දෝමනස්සින්‍ද්‍රිය විසින් යම් ධර්‍ම කෙනෙක් උපෙක්ඛින්‍ද්‍රිය විසින් යම් ධර්‍ම කෙනෙක්, සද්ධින්‍ද්‍රිය විසින් යම් ධර්‍ම කෙනෙක් විරියින්‍ද්‍රිය විසින් යම් ධර්‍ම කෙනෙක්, සතින්‍ද්‍රිය විසින් යම් ධර්‍ම කෙනෙක්, සමාධින්‍ද්‍රිය විසින් යම් ධර්‍ම කෙනෙක් පඤ්ඤින්‍ද්‍රිය විසින් යම් ධර්‍ම කෙනෙක්, අනඤ්ඤාතඤ්ඤස්සාමීතින්‍ද්‍රිය විසින් යම් ධර්‍ම කෙනෙක්, අඤ්ඤින්‍ද්‍රිය විසින් යම් ධර්‍ම කෙනෙක් අඤ්ඤාතාවින්‍ද්‍රිය විසින් යම් ධර්‍ම කෙනෙක් -
අවිද්‍යාව විසින් යම් ධර්‍ම කෙනෙක්, අවිද්‍යාප්‍රත්‍යයෙන් වූ සංස්කාරය විසින් යම් ධර්‍ම කෙනෙක්, ෂඩායතන ප්‍රත්‍යයයෙන් වූ ස්පර්‍ශය විසින් යම් ධර්‍ම කෙනෙක්, වේදනා ප්‍රත්‍යයයෙන් වූ තෘෂ්ණාව විසින් යම් ධර්‍ම කෙනෙක්, තෘෂ්ණා ප්‍රත්‍යයයෙන් වූ උපාදානය විසින් යම් ධර්‍ම කෙනෙක්, කර්‍ම භවය විසින් යම් ධර්‍ම කෙනෙක්, ශෝකයෙන් යම් ධර්‍ම කෙනෙක්, පරිදේවයෙන් යම් ධර්‍ම කෙනෙක්, දුඃඛයෙන් යම් ධර්‍ම කෙනෙක්, දෝමනස්ස්‍යයෙන් යම් ධර්‍ම කෙනෙක් උපායාසයෙන් යම් ධර්‍ම කෙනෙක් -
සතිපට්ඨානයෙන් යම් ධර්‍ම කෙනෙක්, සම්‍යක්ප්‍රධානයෙන් යම් ධර්‍ම කෙනෙක්, අප්‍රාමාණත්‍යයෙන් යම් ධර්‍ම කෙනෙක් පඤ්චේන්‍ද්‍රියයන් විසින් යම් ධර්‍ම කෙනෙක්, පඤ්ච බලයන් විසින් යම් ධර්‍ම කෙනෙක්, සප්ත බෝධ්‍යඞ්ගයන් විසින් යම් ධර්‍ම කෙනෙක්, ආර්‍ය්‍ය අෂ්ටාඞ්ගික මාර්‍ගයෙන් යම් ධර්‍ම කෙනෙක්, ස්පර්‍ශයෙන් යම් ධර්‍ම කෙනෙක්, චේතනායෙන් යම් ධර්‍ම කෙනෙක්, අධිමෝක්‍ෂයෙන් යම් ධර්‍ම කෙනෙක්, මනසිකාරයෙන් යම් ධර්‍ම කෙනෙක් -
හේතු ධර්‍මයන් විසින් යම් ධර්‍ම කෙනෙක් හේතු ද වූ සහේතුක ධර්‍මයන් විසින් යම් ධර්‍ම කෙනෙක්, හේතු ද වූ හේතු සම්ප්‍රයුක්ත ද වූ ධර්‍මයන් විසින් යම් ධර්‍ම කෙනෙක්, ආස්‍රවයන් විසින් සංයෝජනයන් විසින් - ග්‍රන්‍ථයන් විසින් - ඕඝයන් විසින් - යෝගයන් විසින් - නීවරණයන් විසින් - පරාමර්‍ශයන් විසින් - උපාදානයන් විසින් - ක්ලේශධර්‍මයන් විසින් - යම් ධර්‍ම කෙනෙක් - ක්ලේශ ද වූ සාංක්ලේශික ධර්‍මයන් විසින් යම් ධර්‍ම කෙනෙක් - ක්ලේශ ද වූ සංක්ලිෂ්ට ධර්‍මයන් විසින් යම් ධර්‍ම කෙනෙක් - ක්ලේශ ද වූ ක්ලේශ සම්ප්‍රයුක්තද වූ ධර්‍මයන් විසින් යම් ධර්‍ම කෙනෙක් ස්කන්‍ධ සඞ්ග්‍රහයෙන් සඞ්ගෘහීත වූවා හු ද, ආයතන සඞ්ග්‍රහයෙන් සඞ්ගෘහීත වූවා හු ද, ධාතු සඞ්ග්‍රහයෙන් සඞ්ගෘහීත වූවාහුද, ඒ ධර්‍මයන් විසින් යම් ධර්‍මකෙනෙක් ස්කන්‍ධ සඞ්ග්‍රහයෙන් සඞ්ගෘහීත වෙත් ද ආයතන සඞ්ග්‍රහයෙන් සඞ්ගෘහීත වෙත් ද ධාතු සඞ්ග්‍රහයෙන් සඞ්ගෘහීත වෙත් ද ඒ ධර්‍මයෝ කෙතෙක් ස්කන්‍ධයන් විසින් කෙතෙක් ආයතනයන් විසින් කෙතෙක් ධාතූන් විසින් සඞ්ගෘහීත වෙත් ද යත්: ඒ ධර්‍මයෝ එක් ස්කන්‍ධයෙකින් එක් ආයතනයෙකින් එක් ධාතුයෙකින් සඞ්ගෘහීත යෝ යි.
උද්දානය:
සත්‍යයෝ දෙදෙනෙකැ, ඉන්‍ද්‍රියයෝ පසළොස් දෙනෙකැ, ප්‍රර්‍තත්‍ය සමුත්පාදපදයෝ එකොළොස් දෙනෙකැ, යලි මත්තෙහි ධර්‍මයෝ එකොළොස් දෙනෙකැ, මෙහි ගොච්ඡකපදය තිස් වැදෑරුම් වේ යයි.
සඞ්ගෘහීතයෙන් සඞ්ගෘහීත පද නිර්‍දෙශය නිමි.