2. සඞ්ගෘහීතයෙන් අසඞ්ගෘහීත පද නිර්‍දෙශය
1. චක්ඛායතන විසින් යම් (චක්ඛායතන වර්ජිත වූ සත්විසිරූප) ධර්‍ම කෙනෙක් ... ඵොට්ඨබ්බායතන විසින් යම් ධර්‍ම කෙනෙක් - චක්ඛු ධාතුහු විසින් යම් ධර්‍ම කෙනෙක් ඵොට්ඨබ්බ ධාතු විසින් යම් ධර්‍ම කෙනෙක් ස්කන්‍ධ සඞ්ග්‍රහයෙන් සඞ්ගෘහීත වූවාහු ආයතන සඞ්ග්‍රහයෙන් අසඞ්ගෘහීත වූවාහු ධාතු සඞ්ග්‍රහයෙන් අසඞ්ගෘහීත වූවාහු වෙත් ද ඒ ධර්‍මයෝ කෙතෙක් ස්කන්‍ධයන් විසින් කෙතෙක් ආයතනයන් විසින් කෙතෙක් ධාතූන් විසින් අසඞ්ගෘහීත වෙත් ද යත්: ඒ ධර්‍මයෝ සතර ස්කන්‍ධයෙකින් ආයතන දෙකෙකින් අෂ්ට ධාතුයෙකින් අසඞ්ගෘහීත වෙත්.
2. චක්ඛු විඤ්ඤාණ ධාතු විසින් යම් ධර්‍ම කෙනෙක්, සෝත විඤ්ඤාණ ධාතු විසින් යම් ධර්‍ම කෙනෙක්, ඝාන විඤ්ඤාණ ධාතු විසින් යම් ධර්‍ම කෙනෙක් ජිව්හා විඤ්ඤාණ ධාතු විසින් යම් ධර්‍ම කෙනෙක්, කාය විඤ්ඤාණ ධාතු විසින් යම් ධර්‍ම කෙනෙක්, මනෝධාතු විසින් යම් ධර්‍ම කෙනෙක් මනෝ විඤ්ඤාණ ධාතු විසින් යම් ධර්‍ම කෙනෙක් ස්කන්‍ධ සඞ්ග්‍රහයෙන් සඞ්ගෘහීත වූවාහු ආයතන සඞ්ග්‍රහයෙන් අසඞ්ගෘහීත වූවාහු ධාතු සඞ්ග්‍රහයෙන් අසඞ්ගෘහීත වූවාහු වෙත් ද යත්: ඒ ධර්‍මයෝ ... සතර ස්කන්‍ධයෙකින් එකොළොස් ආයතනයෙකින් දොළොස් ධාතුයෙකින් අසඞ්ගෘහීත වෙත්.
3. චක්ඛුන්‍ද්‍රිය විසින් යම් ධර්‍ම කෙනෙක්, සෝතින්‍ද්‍රිය විසින් යම් ධර්‍ම කෙනෙක්, ඝානින්‍ද්‍රිය විසින් යම් ධර්‍ම කෙනෙක්, ජිව්හින්‍ද්‍රිය විසින් යම් ධර්‍ම කෙනෙක්, කායින්‍ද්‍රිය විසින් යම් ධර්‍ම කෙනෙක්, ඉත්‍ථින්‍ද්‍රිය විසින් යම් ධර්‍ම කෙනෙක්, පුරිසින්‍ද්‍රිය විසින් යම් ධර්‍ම කෙනෙක් ... ස්කන්‍ධ සඞ්ග්‍රහයෙන් සඞ්ගෘහීත වූවාහු ආයතන සඞ්ග්‍රහයෙන් අසඞ්ගෘහීත වූවාහු ද, ධාතු සඞ්ග්‍රහයෙන් අසඞ්ගෘහීත වූවාහු වෙත් ද යත්: ඒ ධර්‍මයෝ ... සතර ස්කන්‍ධයෙකින් ආයතන දෙකෙකින් අෂ්ට ධාතුයෙකින් අසඞ්ගෘහීත වෙත්.
4. අසංඥාභව විසින් යම් ධර්‍ම කෙනෙක් - ඒකවෝකාර භව විසින් යම් ධර්‍ම කෙනෙක් ස්කන්‍ධ සඞ්ග්‍රහයෙන් සඞ්ගෘහීත වූවාහු ආයතන සඞ්ග්‍රහයෙන් අසඞ්ගෘහීත වූවාහු ධාතු සඞ්ග්‍රහයෙන් අසඞ්ගෘහීත වූවාහු වෙත් ද යත් : ඒ ධර්‍මයෝ ... සතර ස්කන්‍ධයෙකින් තුන් ආයතනයෙකින් නව ධාතුයෙකින් අසඞ්ගෘහීත වෙත්.
5. පරිදේව විසින් යම් ධර්‍ම කෙනෙක් සනිදර්‍ශන සප්‍රතිඝධර්‍ම විසින් යම් ධර්‍ම කෙනෙක් ස්කන්‍ධ සඞ්ග්‍රහයෙන් සඞ්ගෘහීත වූවාහු ආයතන සඞ්ග්‍රහයෙන් අසඞ්ගෘහීත වූවාහු ධාතු සඞ්ග්‍රහයෙන් අසඞ්ගෘහීත වූවාහු වෙත් ද, ඒ ධර්‍මයෝ සතර ස්කන්‍ධයෙකින් ආයතන දෙකෙකින් අෂ්ට ධාතුයෙකින් අසඞ්ගෘහීත වෙත්.
6. අනිදර්‍ශන සප්‍රතිඝධර්‍ම විසින් යම් ධර්‍ම කෙනෙක් ස්කන්‍ධ සඞ්ග්‍රහයෙන් සඞ්ගෘහීත වූවාහු ආයතන සඞ්ග්‍රහයෙන් අසඞ්ගෘහීත වූවාහු ධාතු සඞ්ග්‍රහයෙන් අසඞ්ගෘහීත වූවාහු වෙත් ද ... ඒ ධර්‍මයෝ සතර ස්කන්‍ධයෙකින් දස ආයතනයෙකින් සොළොස් ධාතුයෙකින් අසඞ්ගෘහීත වෙත්.
7. සනිදර්‍ශනධර්‍ම විසින් යම් ධර්‍ම කෙනෙක් ස්කන්‍ධසඞ්ග්‍රහයෙන් සඞ්ගෘහීත වූවාහු ආයතනසඞ්ග්‍රහයෙන් අසඞ්ගෘහීත වූවාහු ධාතුසඞ්ග්‍රහයෙන් අසඞ්ගෘහීත වූවාහු වෙත් ද ... ඒ ධර්‍මයෝ සතර ස්කන්‍ධයෙකින් ආයතන දෙකෙකින් අෂ්ට ධාතුයෙකින් අසඞ්ගෘහීත වෙත්.
8. සප්‍රතිඝධර්‍ම විසින් යම් ධර්‍මකෙනෙක් ... උපාදා ධර්‍ම විසින් යම් ධර්‍මකෙනෙක් ස්කන්‍ධ සඞ්ග්‍රහයෙන් සඞ්ගෘහීත වූවාහු ආයතන සඞ්ග්‍රහයෙන් අසඞ්ගෘහීත වූවාහු ධාතුසඞ්ග්‍රහයෙන් අසඞ්ගෘහීත වූවාහු වෙත් ද ඒ ධර්‍මයෝ කෙතෙක් ස්කන්‍ධයන් විසින් කෙතෙක් ආයතනයන් විසින් කෙතෙක් ධාතුන් විසින් අසඞ්ගෘහීත වෙත් ද යත්:
ඒ ධර්‍මයෝ සතර ස්කන්‍ධයෙකින් එකොළොස් ආයතනයෙකින් සතළොස් ධාතුයෙකින් අසඞ්ගෘහීත වෙත්.
උද්දානය:
දස ආයතන යැ, සතළොස් ධාතුහු යැ සප්ත ඉන්‍ද්‍රියයෝ යැ, අසංඥ භව යැ ඒකවෝකාරභව යැ පරිදේව යැ සනිදස්සනසප්පටිඝ යැ අනිදස්සන යැ සප්පටිඝ යැ උපාදා යි.
සඞ්ගෘහීතයෙන් අසඞ්ගෘහීත පද නිර්‍දෙශය නිමි.