3. නානාතිත්ථියවග්ගො
2. 3. 1.
සිවසුත්තං.
102. එවං මෙ සුතං එකං සමයං භගවා සාවත්ථියං විහරති ජෙතවනෙ අනාථපිණ්ඩිකස්ස ආරාමෙ.
අථ ඛො සිවො දෙවපුත්තො අභික්කන්තාය රත්තියා අභික්කන්තවණ්ණො කෙවලකප්පං ජෙතවනං ඔභාසෙත්වා යෙන භගවා තෙනුපසඞ්කමි. උපසඞ්කමිත්වා භගවන්තං අභිවාදෙත්වා එකමන්තං අට්ඨාසි. එකමන්තං ඨිතො ඛො සිවො දෙවපුත්තො භගවතො සන්තිකෙ ඉමා ගාථායො අභාසි:
සබ්භිරෙව සමාසෙථ සබ්භි කුබ්බෙථ සන්ථවං,
සතං සද්ධම්මමඤ්ඤාය සෙය්යො හොති න පාපියො.
සතං සද්ධම්මමඤ්ඤාය සෙය්යො හොති න පාපියො.
සබ්භිරෙව සමාසෙථ සබ්භි කුබ්බෙථ සන්ථවං,
සතං සද්ධම්මමඤ්ඤාය පඤ්ඤා ලබ්භති නාඤ්ඤතො.
සතං සද්ධම්මමඤ්ඤාය පඤ්ඤා ලබ්භති නාඤ්ඤතො.
සබ්භිරෙව සමාසෙථ සබ්භි කුබ්බෙථ සන්ථවං,
සතං සද්ධම්මමඤ්ඤාය සොකමජ්ඣෙ න සොචති.
සතං සද්ධම්මමඤ්ඤාය සොකමජ්ඣෙ න සොචති.
සබ්භිරෙව සමාසෙථ සබ්භි කුබ්බෙථ සන්ථවං,
සතං සද්ධම්මමඤ්ඤාය ඤාතිමජ්ඣෙ විරොචති.
සතං සද්ධම්මමඤ්ඤාය ඤාතිමජ්ඣෙ විරොචති.
සබ්භිරෙව සමාසෙථ සබ්භි කුබ්බෙථ සන්ථවං,
සතං සද්ධම්මමඤ්ඤාය සත්තා ගච්ඡන්ති සුග්ගතිං.
සතං සද්ධම්මමඤ්ඤාය සත්තා ගච්ඡන්ති සුග්ගතිං.
සබ්භිරෙව සමාසෙථ සබ්භි කුබ්බෙථ සන්ථවං,
සතං සද්ධම්මමඤ්ඤාය සත්තා තිට්ඨන්ති සාතතන්ති.
සතං සද්ධම්මමඤ්ඤාය සත්තා තිට්ඨන්ති සාතතන්ති.
අථ ඛො භගවා සිවං දෙවපුත්තං ගාථාය පච්චභාසි:
සබ්භිරෙව සමාසෙථ සබ්භි කුබ්බෙථ සන්ථවං,
සතං සද්ධම්මමඤ්ඤාය සබ්බදුක්ඛා පමුච්චතීති.
සතං සද්ධම්මමඤ්ඤාය සබ්බදුක්ඛා පමුච්චතීති.
2. 3. 2.
ඛෙමසුත්තං.
103. සාවත්ථියං–
එකමන්තං ඨිතො ඛො ඛෙමො දෙවපුත්තො භගවතො සන්තිකෙ ඉමා ගාථායො අභාසි:
චරන්ති බාලා දුම්මෙධා අමිත්තෙනෙව අත්තනා,
කරොන්තා පාපකං කම්මං යං හොති කටුකප්ඵලං.
කරොන්තා පාපකං කම්මං යං හොති කටුකප්ඵලං.
න තං කම්මං කතං සාධු යං කත්වා අනුතප්පති,
යස්ස අස්සුමුඛො රොදං විපාකං පටිසෙවති.
යස්ස අස්සුමුඛො රොදං විපාකං පටිසෙවති.
තඤ්ච කම්මං කතං සාධු යං කත්වා නානුතප්පති,
යස්ස පතීතො සුමනො විපාකං පටිසෙවති.
යස්ස පතීතො සුමනො විපාකං පටිසෙවති.
[භගවා:]
පටිකච්චෙව තං කයිරා යං ජඤ්ඤා හිතමත්තනො,
න සාකටිකචින්තාය මන්තා ධීරො පරක්කමෙ.
න සාකටිකචින්තාය මන්තා ධීරො පරක්කමෙ.
යථා සාකටිකො පන්ථං සමං හිත්වා මහාපථං,
විසමං මග්ගමාරුය්හ අක්ඛච්ඡින්නොව ඣායති.
විසමං මග්ගමාරුය්හ අක්ඛච්ඡින්නොව ඣායති.
එවං ධම්මා අපක්කම්ම අධම්මමනුවත්තිය,
මන්දො මච්චුමුඛං පත්තො අක්ඛච්ඡින්නොව ඣායතීති.
මන්දො මච්චුමුඛං පත්තො අක්ඛච්ඡින්නොව ඣායතීති.
2. 3. 3.
සෙරීසුත්තං
104. සාවත්ථියං–
එකමන්තං ඨිතො ඛො සෙරී දෙවපුත්තො භගවන්තං ගාථාය අජ්ඣභාසි:
අන්නමෙවාභිනන්දන්ති උභයෙ දෙවමානුසා,
අථ කො නාම සො යක්ඛො යං අන්නං නාභිනන්දතීති.
අථ කො නාම සො යක්ඛො යං අන්නං නාභිනන්දතීති.
[භගවා:]
යෙ නං දදන්ති සද්ධාය විප්පසන්නෙන චෙතසා,
තමෙව අන්නං භජති අස්මිං ලොකෙ පරම්හි ච.
තමෙව අන්නං භජති අස්මිං ලොකෙ පරම්හි ච.
තස්මා විනෙය්ය මච්ඡෙරං දජ්ජා දානං මලාභිභූ,
පුඤ්ඤානි පරලොකස්මිං පතිට්ඨා හොන්ති පාණිනන්ති.
පුඤ්ඤානි පරලොකස්මිං පතිට්ඨා හොන්ති පාණිනන්ති.
අච්ඡරියං භන්තෙ, අබ්භුතං භන්තෙ, යාවසුභාසිතමිදං භන්තෙ, භගවතා: