80. කිං සු ලොකස්මිං පජ්ජොතො කිං සු ලොකස්මිං ජාගරො,
කිං සු කම්මෙ සජීවානං කිමස්ස ඉරියාපථො.

කිං සු අලසං අනලසඤ්ච මාතා පුත්තංව පොසති,
කිං සු භූතූපජීවන්ති යෙ පාණා පඨවිංසිතාති.

පඤ්ඤා ලොකස්මිං පජ්ජොතො සති ලොකස්මිං ජාගරො,
ගාවො කම්මෙ සජීවානං සීතස්ස ඉරියාපථො.

වුට්ඨි අලසං අනලසඤ්ච මාතා පුත්තංව පොසති,
වුට්ඨිං භූතූපජීවන්ති යෙ පාණා පඨවිංසිතාති.

81. කෙ සූධ අරණා ලොකෙ කෙසං වුසිතං න නස්සති,
කෙධ ඉච්ඡං පරිජානන්ති කෙසං භොජිස්සියං සදා.

කිං සු මාතා පිතා භාතා වන්දන්තී නං පතිට්ඨිතං,
කිං සු ඉධ ජාතිහීනං අභිවාදෙන්ති ඛත්තියාති.

සමණීධ අරණා ලොකෙ සමණානං වුසිතං න නස්සති,
සමණා ඉච්ඡං පරිජානන්ති සමණානං භොජිස්සියං සදා.

ඣත්වා රථඤ්ච චිත්තඤ්ච වුට්ඨි භීතා න ජීරති,
ඉස්සරං කාමං පාථෙය්යං පජ්ජොතො අරණෙනචාති.