1. 4. 4.
නසන්තිසුත්තං.
34. එකං සමයං භගවා සාවත්ථියං විහරති ජෙතවනෙ අනාථපිණ්ඩිකස්ස ආරාමෙ.
අථ ඛො සම්බහුලා සතුල්ලපකායිකා දෙවතායො අභික්කන්තාය රත්තියා අභික්කන්තවණ්ණා කෙවලකප්පං ජෙතවනං ඔභාසෙත්වා යෙන භගවා තෙනුපසඞ්කමිංසු. උපසඞ්කමිත්වා භගවන්තං අභිවාදෙත්වා එකමන්තං අට්ඨංසු. එකමන්තං ඨිතා ඛො එකා දෙවතා භගවතො සන්තිකෙ ඉමං ගාථායො අභාසි:
න සන්ති කාමා මනුජෙසු නිච්චා සන්තීධ කමනීයානි යෙසු බද්ධො,
යෙසු පමත්තො අපුනාගමනං අනාගන්තා පුරිසො මච්චුධෙය්යාති.
ඡන්දජං අඝං ඡන්දජං දුක්ඛං ඡන්දවිනයා අඝවිනයො අඝවිනයා දුක්ඛවිනයොති.
යෙසු පමත්තො අපුනාගමනං අනාගන්තා පුරිසො මච්චුධෙය්යාති.
ඡන්දජං අඝං ඡන්දජං දුක්ඛං ඡන්දවිනයා අඝවිනයො අඝවිනයා දුක්ඛවිනයොති.
න තෙ කාමා යානි චිත්රානි ලොකෙ සඞ්කප්පරාගො පුරිසස්ස කාමො,
තිට්ඨන්ති චිත්රානි තථෙව ලොකෙ අථෙත්ථ ධීරා විනයන්ති ඡන්දං.
තිට්ඨන්ති චිත්රානි තථෙව ලොකෙ අථෙත්ථ ධීරා විනයන්ති ඡන්දං.
කොධං ජහෙ විප්පජහෙය්ය මානං සංයොජනං සබ්බමතික්කමෙය්ය,
තං නාමරූපස්මිමසජ්ජමානං අකිඤ්චනං නානුපතන්ති දුක්ඛා.
තං නාමරූපස්මිමසජ්ජමානං අකිඤ්චනං නානුපතන්ති දුක්ඛා.
පහාසි සඞ්ඛං න ච මානමජ්ඣගා අච්ඡෙච්ඡි තණ්හං ඉධ නාමරූපෙ,
තං ඡින්නගන්ථං අනිඝං නිරාසං පරියෙසමානා නාජ්ඣගමුං
දෙවා මනුස්සා ඉධ වා හුරං වා සග්ගෙසු වා සබ්බනිවෙසනෙසූති.
තං ඡින්නගන්ථං අනිඝං නිරාසං පරියෙසමානා නාජ්ඣගමුං
දෙවා මනුස්සා ඉධ වා හුරං වා සග්ගෙසු වා සබ්බනිවෙසනෙසූති.
තඤ්චෙ හි නාද්දක්ඛුං තථා විමුත්තං (ඉච්චායස්මා මොඝරාජා:)
දෙවා මනුස්සා ඉධ වා හුරං වා,
නරුත්තමං අත්ථචරං නරානං යෙ තං නමස්සන්ති පසංසියා තෙති?
දෙවා මනුස්සා ඉධ වා හුරං වා,
නරුත්තමං අත්ථචරං නරානං යෙ තං නමස්සන්ති පසංසියා තෙති?
පසංසියා තෙපි භවන්ති භික්ඛූ (මොඝරාජා’ති භගවා:)
යෙ තං නමස්සන්ති තථා විමුත්තං,
අඤ්ඤාය ධම්මං විචිකිච්ඡං පහාය සඞ්ගාතිගා තෙපි භවන්ති භික්ඛූති.
යෙ තං නමස්සන්ති තථා විමුත්තං,
අඤ්ඤාය ධම්මං විචිකිච්ඡං පහාය සඞ්ගාතිගා තෙපි භවන්ති භික්ඛූති.
1. 4. 5.
උජ්ඣානසඤ්ඤිසුත්තං.
35. එකං සමයං භගවා සාවත්ථියං විහරති ජෙතවනෙ අනාථපිණ්ඩිකස්ස ආරාමෙ. අථ ඛො සම්බහුලා උජ්ඣානසඤ්ඤිකා දෙවතායො අභික්කන්තාය රත්තියා අභික්කන්තවණ්ණා කෙවලකප්පං ජෙතවනං ඔභාසෙත්වා යෙන භගවා තෙනුපසඞ්කමිංසු. උපසඞ්කමිත්වා වෙහාසං අට්ඨංසු. වෙහාසං ඨිතා ඛො එකා දෙවතා භගවතො සන්තිකෙ ඉමං ගාථං අභාසි: