ලෝවැඩ සඟරාව - විදාගම මෛත්‍රිය හිමි.pdf
- කතෘ :
- විදාගම මෛත්‍රෙය හිමි
- පිටු ගණන :
- 17
- බාගත කිරීම් ගණන :
- 14,825
- වෙබ් අඩවියට එක් කළ දිනය :
- 2015-11-08
- ගොනුවේ ප්‍රමාණය :
- 803 KB
පොතේ පිටු කිහිපයක ඡායාරූප පහතින් බලන්න.
ලෝවැඩ සඟරාව යනු කෝට්ටේ යුගයේ වැඩසිටි අතිපූජ්‍ය විදාගම මෛත්‍රෙය මාහිමියන් විසින් රචිත අග්‍රගණ්‍ය බෞද්ධ උපදේශ කාව්‍ය ග්‍රන්ථයකි. හයවන පැරකුම්බා රජු දවස (ක්‍රි.ව. 1412–1467) සාමාන්‍ය ජනයා අතර සදාචාරය හා ගුණධර්ම ප්‍රවර්ධනය කිරීම උදෙසා මෙම කාව්‍ය සංග්‍රහය සම්පාදනය කර ඇත.
පාලි ධර්මය නොදත් පොදු ජනතාවට පව්-පින් සහ ඒවායේ විපාක මැනවින් වටහා දීම මෙහි මූලික අරමුණයි. සසර දුක, අපාය දුක්, පින්කම්හි අනුසස් සහ නිවන් මග විවරණය කරන අගනා අවවාද ඇතුළත් උපදේශාත්මක කවි 139කින් මෙම කෘතිය සමන්විත වේ.
හැඳින්වීම
විදාගම මෛත්‍රෙය ස්වාමීන් වහන්සේ විසින් රචිත ලෝවැඩ සඟරාව සිංහල සාහිත්‍යාවලියේ දක්නට ලැබෙන අග්‍රගණ්‍ය බෞද්ධ උපදේශ කාව්‍යයකි. හයවන පැරකුම්බා රජු දවස ක්‍රි. ව. 1412 - 1467 කාල වකවානුවේදී ලෝවැඩ සඟරාව රචනා කර තිබේ.බෞද්ධ සමාජයේදී පොදු ජනයා අතර යහපත් ගුණ ධර්ම වඩවාලීම අරබයා ලෝවැඩ සඟරාව උන් වහන්සේ රචනා කර තිබේ. “පාලි ධර්මය නොදන්නා සාමාන්‍ය ගැමි ජනතාවට පින් සහ පව් වල විපාක මෙ සේ ය යි අවබෝධ කරලීම මූලික අරමුණු කරගෙන පද්‍ය 139 කින් යුත් ලෝවැඩ සඟරාව රචනා කළෙමි “ යන්න “වෙසෙසින් පෙළදම් නොමදත් දනහටපවසම් කළ කම් පල දැන්හෙළකොට “යනුවෙන් හා නො දැනෙනුවන්හට පව්පින් නියම කොටබඳ ලෝවැඩ සඟරා පිණෙනි හැම විට දක්වා තිබීමෙන් මනාව පැහැදිලි වේ. බුද්ධ වර්ෂ 2015 දී පමණ රචනා කරන ලද ලෝවැඩ සඟරාව කියවීමෙන් මෙලොව පරලොව දෙලොව ම සෙත සලසා ගත හැකි උපදෙස් අපට ලබා ගත හැකි ය. මිනිසා ගේ දෙලෝ අභිවෘද්ධියට ම හේතු වන මහා අනර්ග ධර්ම අවවාද රාශියක් කැටිකොට ගොතන ලද කවි 139 ට උචිත ලෙස ලෝවැඩ සඟරාව නමින් මේ කෘතිය නම් කොට තිබේ.