56 පට්ඨාන ප්‍රකරණ 2 - අභිධම්ම.pdf
- ප්‍රකාශිත වර්ෂය :
- 2006
- මුද්‍රිත වර්ෂය :
- 2006
- පිටු ගණන :
- 623
- බාගත කිරීම් ගණන :
- 2,851
- වෙබ් අඩවියට එක් කළ දිනය :
- 2015-10-18
- ගොනුවේ ප්‍රමාණය :
- 21 MB
පොතේ පිටු කිහිපයක ඡායාරූප පහතින් බලන්න.
බුද්ධ ජයන්ති ත්‍රිපිටක ග්‍රන්ථ මාලාවේ 51 වන වෙළුම (අභිධර්ම පිටකයේ 12 වන ග්‍රන්ථය) ලෙස පළ වූ පට්ඨානප්පකරණ - ද්විතීය භාගය මෙහි අන්තර්ගත වේ.
අග්ගමහාපණ්ඩිත බලන්ගොඩ ආනන්දමෛත්‍රෙය මහානායක ස්වාමීන්ද්‍රයන් වහන්සේගේ අනුශාසනා පරිදි, රාජකීය පණ්ඩිත ශාස්ත්‍රපති හැගොඩ ඛේමානන්ද නාහිමිපාණන් සහ රාජකීය පණ්ඩිත නරමානේ බුද්ධරක්ඛිත ස්ථවිරයන් වහන්සේ විසින් මෙම ග්‍රන්ථය පදශෝධනය කර සංස්කරණය කර ඇත. ලබුගම ලංකානන්ද මහානායක ස්ථවිරයන් වහන්සේ ප්‍රධාන සංස්කාරක වශයෙන් කටයුතු කර ඇත.
මෙහි තිකපට්ඨානයේ ඉතිරි තික 14ක් (දස්සනෙන පහාතබ්බ හෙතුකත්තිකයේ සිට සනිදස්සනසප්පටිඝත්තිකය දක්වා) සහ දුකපට්ඨානයේ හෙතුදුකයේ සිට උපෙක්ඛාසහගත දුක දක්වා වූ දුක 92ක් අඩංගු වේ.
සංස්කාරක නිවේදනය
පට්ඨානප්පකරණයෙහි පළමු තිකපට්ඨානයේ කුසලත්තික, වෙදනාත්තික, විපාකත්තික, උපාදින්නත්තික, සංකිලිට්ඨත්තික, විතක්කත්තික, පීතිත්තික, දස්සනත්තික වශයෙන් ගෙන පඨම භාගය එලිදක්වන ලද්දේය.
මෙ මැ ද්විතීය භාගයෙහිලා පළමු තිකපට්ඨානයෙන් මැ දස්සනෙන පහාතබ්බ හෙතුත්තිකයේ සිටැ සනිදස්සනසප්පටිඝත්තිකය දක්වා වූ තික තුදුසෙක් ද, දෙවන දුකපට්ඨානයේ හෙතුදුකයේ සිටැ උපෙක්ඛාසහගත දුක දක්වා වූ දෙඅනූවක් දුක ගෙනැ සිටියේ වෙයි.
බුද්ධජයන්ති ත්‍රිපිටක ග්‍රන්ථමාලාවෙහි 51 වැනි ග්‍රන්ථය වූ පට්ඨානප්පකරණයෙහි ද්විතීය භාගය අග්ගමහාපණ්ඩිත බලන්ගොඩ ආනන්දමෛත්‍රෙය මහානායක ස්වාමීන්ද්‍රයාණන් වහන්සේගේ අනුශාසනා පරිදි, කොළඹ මාලිගාකන්දේ විද්‍යොදය පිරිවෙනෙහි උපප්‍රධානාචාර්‍ය්‍ය රාජකීය පණ්ඩිත ශාස්ත්‍රපති හැගොඩ ඛෙමානන්ද බස්නාහිර පළාතේ ප්‍රධාන අධිකරණ නායක ස්ථවිරයන් වහන්සේ සහ මොරටුව – එගොඩ උයන (දකුණ) ශ්‍රී ජිනෙන්ද්‍ර චෛත්‍යාරාමාධිපති රාජකීය පණ්ඩිත නරමානේ බුද්ධරක්ඛිත ස්ථවිරයන් වහන්සේත් මෙහි පදශොධනය කළහ.
සමාරම්භයේ සිටැ ත්‍රිපිටක සංස්කාරක මණ්ඩලයෙහි ක්‍රියාකරමින් සිට අපවත්ප්‍රාප්ත වූ මහතෙරවරුන් ද ශ්‍රද්ධාමාමක ප්‍රබුද්ධ ගිහි සුධීන් ද මෙහිදී කෘතවේදීත්වයෙන් ස්මරණය කරම්හ. ශ්‍රී ලංකා ප්‍රජාතාන්ත්‍රික සමාජවාදී ජනරජයේ අතිගරු ජනාධිපති තැන්පත් ශ්‍රීමත් ජේ. ආර්. ජයවර්ධන උතුමාණන්ගේ කාරුණික අනුග්‍රහය ද සංස්කෘතික කටයුතු හා දේශීයවෛද්‍ය අමාත්‍ය ගරු වි. ජ. මු. ලොකුබණ්ඩාර මැතිතුමාණන්ගේ මෙහෙයැවීම ද අනුස්මරණීය වෙයි. සංස්කෘතික අමාත්‍යාංශයේ ලේකම් තැන්පත් වෝල්ටර් ලද්දුවහෙට්ටි මහතාණන් හා අතිරේක ලේකම් අශෝකා ගුණවර්ධන මහත්මිය ද මෙහිලා පැසැසිය යුත්තාහු වෙති. කලට වේලාවට මැනැවින් මුද්‍රණ කටයුතු කරදුන් තිසර මුද්‍රණාලයාධිකාරීහු ද අපේ ප්‍රශංසාවට භාජන වෙති. හැම සුධීහු ම මෙමැ ධර්මදානමය කුශලයෙන් සුභගී වෙත්වා!
මෙයට,
ලබුගම ලංකානන්ද
මහානායකස්ථවිර
ත්‍රිපිටක සම්පාදක මණ්ඩලයේ
සභාපති හා ප්‍රධාන සම්පාදක.
1988 දෙසැම්බර් මස 24 වැනි දින
ප්‍රවචනොදය පිරිවෙන
මෝල්ලීගොඩ.