32 ජාතක පාළි 1 - සූත්‍ර.pdf
- කතෘ :
- බුද්ධ ජයන්ති ත්‍රිපිටක
- ප්‍රකාශිත වර්ෂය :
- 2006
- මුද්‍රිත වර්ෂය :
- 2006
- පිටු ගණන :
- 625
- බාගත කිරීම් ගණන :
- 3,342
- වෙබ් අඩවියට එක් කළ දිනය :
- 2015-10-18
- ගොනුවේ ප්‍රමාණය :
- 15 MB
පොතේ පිටු කිහිපයක ඡායාරූප පහතින් බලන්න.
ජාතකපාළි (ප්‍රථම භාගය) යනු බුද්ධ ජයන්ති ත්‍රිපිටක ග්‍රන්ථ මාලාවේ 30 වන වෙළුම වන අතර, සූත්‍ර පිටකයට අයත් ඛුද්දක නිකායේ දසවැනි කෘතියයි. මෙහි ජාතක පාළි පෙළ සහ එහි සම්පූර්ණ සිංහල අනුවාදය මුද්‍රණය කර ඇත.
මෙම ග්‍රන්ථයේ සිංහල පරිවර්තනය මහරගම සිරි වජිරඤාණ ධර්මායතනාධිපති අතිපූජ්‍ය මඩිහේ සිරි පඤ්ඤාසීහ මහානායක ස්ථවිරයන් වහන්සේ විසින් සිදු කර ඇති අතර, ලබුගම ලංකානන්ද මහානායක හිමියන් ප්‍රධාන ත්‍රිපිටක සම්පාදක මණ්ඩලයේ ධර්මධර මහතෙරවරුන් විසින් පෙළ හා අනුවාදය පරීක්ෂා කොට සංස්කරණය කර ඇත.
මෙම ප්‍රථම භාගයෙහි ඒකක නිපාතයේ අපණ්ණක වග්ගයේ සිට ඉදිරියට එන ජාතක ගාථාවන් සහ ඒවායේ සිංහල තේරුම් අන්තර්ගත වන අතර, පොත අවසානයේ ගාථාපාදානුක්‍රමණිකාවක්, සංඥානාමානුක්‍රමණිකාවක් හා විශේෂපදානුක්‍රමණිකාවක් ද ඇතුළත් වේ.
සංස්කාරක නිවේදනය
අප තිලෝගුරු සම්මාසම්බුදුන් බුද්ධත්වයට පැමිණ පන්සාලිස් හවුරුද්දක් මුළුල්ලෙහි ආකාශගංගාප්‍රවාහයක් සෙයින් දේශනා කොට වදාළ චතුරසීතිසහස්‍රසංඛ්‍යාත ධර්‍මස්කන්ධය ශාස්තෘශාසන නම් වෙයි. ශාස්තෘශාසනය වූකලී ‘සුත්ත ගෙය්‍යං’ දි අංග නවයෙකින් පරිමිත කොට බුදුරදුන් විසින් මැ නානාස්ථානයෙහි ලා වදාරන ලද්දේ ය. නවාංගයන් කෙරෙහි සත්වැනි අංගය වූයේ ජාතකාංගය යි. සාර්‍ධපඤ්චසත ජාතකයකින් පරිමිත වූ ජාතකාංගය බුදුරදුන් වදාළ සත්දහසකට ආසන්න වූ ගාථාවයන් හා අතීත කථාවෙන් ද යුක්ත වෙයි. ජාතකපාලියෙහි අත්‍ථොද්ධාරය දුෂ්කර යැ, බුද්ධානුමත වූ අටුවාව මැ වහල් කොටගෙන ජාතකාරී නිහාගතයුතු වෙයි. සිංහල ජනතාවගේ සද්භාවය සඳහා ජාතක කථාවෙන් ලැබෙන පිටුවහල සලකා වීරසිංහප්‍රතිරාජයන් විසින් ජාතකට්ඨකථා ඇසිරි කොට සිංහල ජාතක පොත නිපදවන ලද්දේ ය. ජාතකාර්ථාවබෝධය සඳහා රාජගුරුරින් ලියූ ජාතක සන්නයකුදු එසේ මැ අන්‍යතර ආචාර්ය්‍යවරයන් විසින් නිපදවන ලද ජාතක ගැටපදය හා වෙසතුරුදා සන්නයද ඇත. මේ හැම කරුණෙකින් මැ ඇත අතීතයෙහි සිට සිංහල ජනතාව සම්භාවනා පූර්‍වක වැ ජාතක කථා පරිශීලනය කළබව සැලකිය යුතු වේ.
දෙදහස්පන්සියයේ බුද්ධජයන්ති අනුස්මරණය සඳහා පිහිටුවන ලද ලංකා බෞද්ධ මණ්ඩලය මගින් ආරම්භ කළ ක්‍රියාපද්ධතියෙහි විශිෂ්ටතම වූයේ පාලි ත්‍රිපිටක බුද්ධවචනය සියබසට නඟා පළකරවා ලීමෙ අති දුෂ්කර කාර්‍ය්‍යය වේ. ඒ සඳහා ප්‍රයුක්ත වූ ත්‍රිපිටක මණ්ඩලය විසින් ජාතකපාළිය ත්‍රිපිටක ග්‍රන්ථමාලාවෙහි 30, 31, 32 ග්‍රන්ථ වශයෙන් අංකිත වැ ඇත. එහි සිංහල පරිවර්තනය සඳහා ආරාධනා ලැබුවාහු මහරගම සිරිවජිරඤාණ ධර්මායතනාධිපති මඩිහේ සිරි පඤ්ඤාසීහාභිධාන මහානායක ස්ථවිරයන් වහන්සේ යි.
වර්තමාන ත්‍රිපිටක මණ්ඩලයෙහි ධර්මධර මහතෙරවරුන් විසින් ජාතකපාළි පාඨශෝධනය ද කරමින් එහි සිංහල අනුවාදය ද මහත් පරිශ්‍රමයෙන් ශෝධනය කොට මුද්‍රණයට සකස්කරන ලද්දේ ය. එසේ ම ධර්‍මගවේෂකයන්ට එලවත් වූ ගාථාපාද සූචිය ද සංඥානාම හා විශේෂපදානුක්‍රමණිකා ද පිළියෙළ කොට ඇත. ත්‍රිපිටක ග්‍රන්ථමාලාවෙහි 30 වැනි ග්‍රන්ථය වූ ජාතකපාළි ප්‍රථම භාගය ප්‍රකාශයට පමුණුවාලීම සඳහා ශ්‍රී ලංකා ප්‍රජාතාන්ත්‍රික සමාජවාදී ජනරජයේ අනුග්‍රහය ද සංස්කෘතික කටයුතු පිළිබඳ අමාත්‍යාංශයේ අතිරේක ලේකම් තැන්පත් සෝමපාල ජයවර්ධන මහතාණන්ගේ විශේෂ උපදේශය ද ලැබීම අගය කොට සලකම්හ.
ශ්‍රී සද්ධර්‍මව්‍යාප්තිය සඳහා ක්‍රියා කරන ගරු සංස්කෘතික කටයුතු පිළිබඳ අමාත්‍ය තැන්පත් ඊ. ඇල්. බී. හුරුල්ලේ මැතිතුමාණන් ප්‍රමුඛ සංස්කෘතික අධිකාරියෙහි සුධීහු ද තිසර මුද්‍රණාලයෙහි කාර්‍ය්‍යමණ්ඩලය ද මේ සඳහා සහාය දෙන හැම පින්වත්හු ද ධර්මදානමය කුශල හේතුයෙන් සගමොක් සුව ලබත්වායි ආශංසනය කරම්හ.
ජාතක දේශනා පිළිබඳ විශේෂ ප්‍රස්තාවනාව තෘතීය භාගයෙහි ලා ප්‍රකාශ කරනු ලැබේ.
ලබුගම ලංකානන්ද මහානායක ස්ථවිර, 2526 / 1983 අගෝස්තු 20 වැනි දින, 115, මහානායක චාරිකාරාමයේ ත්‍රිපිටක මණ්ඩලය, විජේරාම මාවත, කොළඹ 7.